170. fundur

  1. fundur sveitarstjórnar Bláskógabyggðar haldinn

þriðjudaginn 7. apríl 2015, kl. 15:00

í Aratungu

 

 

Mætt voru:

Helgi Kjartansson, Valgerður Sævarsdóttir, Óttar Bragi Þráinsson, Kolbeinn Sveinbjörnsson, Guðrún S. Magnúsdóttir, Eyrún M. Stefánsdóttur, Bryndís Á. Böðvarsdóttir, Valtýr Valtýsson sveitarstjóri sem ritaði fundargerð.

 

  1. Ráðning í tvær stöður skólastjóra hjá Bláskógabyggð.

 

1.1.    Ráðning skólastjóra við grunnskólann í Reykholti.

Staða skólastjóra við grunnskólann í Reykholti var auglýst laus til umsóknar í Fréttablaðinu, Dagskránni, Sunnlenska og á heimasíðu Bláskógabyggðar.  Umsóknarfrestur var til og með 27. mars 2015.

Alls bárust 8 umsóknir um stöðu skólastjóra grunnskólans í Reykholti.  Vinnuhópur hefur yfirfarið innkomnar umsóknir og tekið tvo umsækjendur í viðtöl.

Vinnuhópur gerir tillögu um að Kristín Hreinsdóttir verði ráðin sem skólastjóri grunnskólans í Reykholti.

Sveitarstjórn samþykkir samhljóða fyrirliggjandi tillögu og felur sveitarstjóra að ganga frá ráðningarsamningi og senda bréf til annarra umsækjenda um ráðningu í stöðuna.

 

1.2.    Ráðning skólastjóra í samrekinn leik- og grunnskóla á Laugarvatni.

Staða skólastjóra við samrekinn leik- og grunnskóla á Laugarvatni var auglýst laus til umsóknar í Fréttablaðinu, Dagskránni, Sunnlenska og á heimasíðu Bláskógabyggðar.  Umsóknarfrestur var til og með 27. mars 2015.

Alls bárust 13 umsóknir um stöðu skólastjóra á Laugarvatni.  Vinnuhópur hefur yfirfarið innkomnar umsóknir og tekið þrjá umsækjendur í viðtöl.

Vinnuhópur gerir tillögu um að Elfa Birkisdóttir verði ráðin sem skólastjóri samrekins leik- og grunnskóla á Laugarvatni.

Sveitarstjórn samþykkir samhljóða fyrirliggjandi tillögu og felur sveitarstjóra að ganga frá ráðningarsamningi og senda bréf til annarra umsækjenda um ráðningu í stöðuna.

 

Fundi slitið kl. 16:30.