2. fundur æskulýðsnefndar

Annar fundur Æskulýðsnefndar

Reykholti 15. apríl 2015 kl. 18:30

Mætt: Lára Hreinsdóttir, Sigurjón Pétur Guðmundsson og Smári Þorsteinsson.

1. Lára hóf fundinn á umræðu um sumarstörf barna og ungmenna í sveitarfélaginu. Stéttarfélög

hafa verið að benda á að oft eru ungmenni ráðin í vinnu án þess að þau viti hver réttindi

þeirra eru og getur þess vegna verið brotið á þeim hvað varðar laun, vinnutíma o.fl. Nefndin

veit ekki hvort slíkt á sér stað í sveitarfélaginu en vill standa vörð um þennan hóp og kom

nefndin sér saman um tillögu sem send verður til sveitarstjórnar.

Tillagan fylgir fundargerðinni.

2. Forvarnarstefna. Smári sendi forvarnarstefnu Bláskógabyggðar sem var uppfærð síðast árið

2013 á nefndarmenn og lásu nefndarmenn yfir heima fyrir fund. Smávægilegar breytingar

voru gerðar á forvarnarstefnunni og verður hún löguð og uppfærð á næstunni og send til

Sveitarstjórnar til staðfestingar í haust.

3. Undirbúningsvinna fyrir ungmennaráð. Rætt var um að stofna ungmennaráð sem tæki til

starfa í byrjun næsta skólaárs. Hugmyndum var kastað á milli og ákveðið var að tala við

nokkra aðila og hafa næsta fund í byrjun júní þar sem endanlegt form á Ungmennaráði

Bláskógabyggðar verður ákveðið.

Fundi slitið. Kl. 19:40

Smári Þorsteinsson.