90 milljónum úthlutað úr Pokasjóði

Pokasjóður verslunarinnar úthlutaði í dag 90 milljónum króna til 98 verkefna á sviði umhverfismála, mannúðarmála, lista, menningar, íþrótta og útivistar. Að þessari úthlutun meðtalinni hefur Pokasjóður veitt 800 milljónum króna til verkefna sem stuðla að almannaheill.
Þetta er þrettánda úthlutun Pokasjóðs. Að sjóðnum standa 160 verslanir um land allt, þar á meðal matvöruverslanir, vínbúðir, húsgagnaverslanir, bókabúðir og aðrar sérvöruverslanir. Pokasjóður hefur tekjur af sölu plastburðarpoka í þessum verslunum. Sjóðurinn úthlutar styrkjum til verkefna á sviði umhverfismála, mannúðarmála, lista, menningar, íþrótta og útivistar, samkvæmt tilkynningu.
Þau verkefni sem fengu úthlutað að þessu sinni eru af margvíslegum toga og dreifast um allt land.

Landgræðslufélag Biskupstungna fékk úthlutað 7.000.000 til uppgræðslu rofabarða og endurheimt landgæða í Biskupstungum, þetta var hæsta úthlutun úr poskasjóði í ár.

Heimild www.mbl.is