Aratunga 50 ára

Laugardagskvöldið 22. október, fyrsta vetrardag, verður seinni hluti hátíðarhalda af tilefni  50 ára afmælis Aratungu haldinn. Húsið opnar kl 20:00 en  skemmtunin hefst kl. 20:30.

Margt skemmtilegt verður á boðstólum m.a. brot úr Lénharði fógeta, í uppfærslu Leikdeildar UMF Bisk, en Lénharður fógeti var fyrsta leikritið sem sett var upp í Aratungu. Byggingarsaga hússins verður sögð, tónlistaratriði frá Tónlistarskóla Árnessýslu, söngur og þá verður opnuð ljósmyndasýning sem sýnir byggingarsöguna.Veitingar verða á boðstólum.

Það er von okkar í afmælisnefndinni að íbúar sveitarfélagsins og aðrir velunnarar Aratungu mæti og eigi gott og skemmtilegt kvöld saman. Sérstaklega eru hvattir til að mæta þeir aðilar sem unnu í sjálfboðavinnu við bygginguna á sínum tíma.

 

Með von um gott og skemmtilegt kvöld

Afmælisnefnd Aratungu.