133. fundur
- fundur sveitarstjórnar Bláskógabyggðar haldinn
fimmtudaginn 5. janúar 2012, kl 15:15
í Aratungu
Mætt voru:
Drífa Kristjánsdóttir, Helgi Kjartansson, Margeir Ingólfsson, Jóhannes Sveinbjörnsson, Valgerður Sævarsdóttir, Smári Stefánsson, Sigurlína Kristinsdóttir og Valtýr Valtýsson sveitarstjóri og Sigurrós H. Jóhannsdóttir sviðsstjóri sem ritaði fundargerð.
- Fundargerðir til staðfestingar:
1.1. Fundargerð æskulýðsnefndar Bláskógabyggðar.
Staðfest samhljóða og umbeðin fjárheimild veitt.
- Fundargerðir til kynningar:
2.1. 88. fundur fulltrúaráðs Brunavarna Árnessýslu.
2.2. 105. fundur stjórnar Brunavarna Árnessýslu.
2.3. 210. fundur stjórnar Sorpstöðvar Suðurlands.
- Fjárhagsáætlun Bláskógabyggðar 2013 – 2015; þriggja ára áætlun (fyrri umræða).
Lögð fram til fyrri umræðu þriggja ára áætlun Bláskógabyggðar, fyrir rekstrarárin 2013-2015. Umræður urðu um fram lagða tillögu og sveitarstjóri svaraði fyrirspurnum. Samþykkt samhljóða að vísa fyrirliggjandi tillögu að áætlun til síðari umræðu, sem verður á næsta fundi sveitarstjórnar sem er áætlaður þann 19. janúar 2012 kl.17:00.
- Heiðarár- og Þverárvirkjun í Bláskógabyggð; beiðni um umsögn.
Lagt fram bréf Skipulagsstofnunar, dags. 21. desember 2011, þar sem óskað er eftir umsögn um hvort og á hvaða forsendum framkvæmdir vegna Heiðarár- og Þverárvirkjunar í landi Lækjarhvamms, skuli háð mati á umhverfisáhrifum. Meðfylgjandi bréfi Skipulagsstofnunar er tilkynning um matsskyldu sem unnin hefur verið af Lækjarhvammi Orku ehf.
Að teknu tilliti til þeirra gagna sem fram eru lögð ásamt stefnumörkun í gildandi aðalskipulagi Laugardalshrepps 2000-2012 telur sveitarstjórn að umrædd framkvæmd sé ekki háð mati á umhverfisáhrifum.
Fundi slitið kl. 16:45.