17. júní 2016 í Reykholti
Kl. 13:00 Hátíðarmessa í Torfastaðakirkju.
Kl. 14:00 Skrúðganga leggur af stað frá Bjarnabúð, ath. engin blöðrusala á vegum nefndarinnar.
Kl. 14:30 Hátíðarsamkoma sett í Aratungu.
Ávarp fjallkonu, hátíðarræða nýstúdents, söngur drengjakórs, afhending verðlauna í ljósmyndasamkeppni með “Vatn” sem þema og afhending menningarverðlauna á vegum Menningarmálanefndar Bláskógabyggðar.
Einnig verður skemmtun utandyra t.d. kassabíla- og hjólaþrautir, andlitsmálun og Slökkvilið Biskupstungna verður með froðusull og þess vegna væri upplagt að huga að viðeigandi klæðnaði fyrir þá sem hoppa með í gleðskapinn og hafa aukaföt og handklæði meðferðis.
Í framhaldi af hátíðarsamkomu verður kaffisala á vegum verðandi 10.bekkjar Bláskógarskóla, en salan er fjáröflun fyrir útskriftarferð þeirra vorið 2017.
Fullorðnir kr.1500 Grunnskólabörn kr.500 Frítt fyrir yngri og posi á staðnum.
Sundlaugardiskótek opnar 19:30 og er til 21:30, allir velkomnir og ókeypis aðgangur. Við sláumst svo í fjörið með KK sem ætlar að mæta með gítarinn sinn og syngja og segja okkur sögur í Aratungu á meðan diskóið dunar með buslugangi í lauginni eða milli 20:00 og 22:00
Skráning í kassabíla- og hjólaþrautir verður á staðnum. Veitt verða verðlaun fyrir þrautina og einnig frumlegasta bílinn. Við hvetjum ykkur til að kassabíla ykkur upp eða mæta með hjólin í þraut ársins enda flottir vinningar í boði og skemmtileg þraut að keppa í.
Flott 17. júní tilboð fyrir kvöldverðargesti eru í boði hjá:
Café Mika: 3ja rétta veisla þar sem íslanska lambið er í aðalhlutverki. Borðapantanir í S: 486-1110
Við Faxa:: Grillað lambalæri með tilheyrandi meðlæti frá kl.18-21. Borðapantanir í S: 774-7440
Þið finnið okkur líka á Facebook, undir viðburðinum „17. júní hátíð Bláskógabyggðar 2016“
- júní nefndin.
