233. fundur sveitarstjórnar Bláskógabyggðar

/in , /by

 

 

 

233. fundur sveitarstjórnar Bláskógabyggðar haldinn í Aratungu, Reykholti,

22 maí 2019, kl. 15:15.

 

 

Fundinn sátu:

Helgi Kjartansson, Valgerður Sævarsdóttir, Óttar Bragi Þráinsson, Kolbeinn Sveinbjörnsson, Guðrún S. Magnúsdóttir, Eyrún Margrét Stefánsdóttir, Róbert Aron Pálmason og Ásta Stefánsdóttir.

 

 

Fundargerð ritaði: Ásta Stefánsdóttir, sveitarstjóri.

 

 

1. Fundargerð skipulagsnefndar – 1901037
175. fundargerð, 5. liður, Heiðarbær lóð 170227, byggingar á lóð, fyrirspurn. Á síðasta fundi láðist að staðfesta þennan dagskrárlið.
-liður 5, Heiðarbær lóð L170227; Byggingar á lóð; Fyrirspurn – 1904007
Lögð er fram fyrirspurn Önnu Dóru Helgadóttur og Halldórs Jónssonar, dags. 2. apríl, Heiðarbær lóð L170227 í Bláskógabyggð, um fyrirhugaða byggingu sumarhúss á leigulóð. Á lóðinni er fyrir 34,5 m2 sumarbústaður frá árinu 1968. Leigutaki áformar að byggja á nýjum stað á lóðinni nýtt hús í meir en 50 m frá Þingvallarvatni. Áætlað er að hafa niðurgrafinn kjallara að hluta með timburhúsi ofan á. Að lokinni byggingu mun gamla húsi verða rifið og fjarlægt.
Sveitarstjórn gerir ekki athugasemd við að byggt verði sumarhús á nýjum stað á lóðinni. Ekki er talin þörf á að vinna deiliskipulag sem forsendu byggingarleyfis en byggingaráform skulu grenndarkynnt skv. 44. gr. skipulagslaga nr. 123/2010 fyrir landeiganda og lóðarhöfum aðliggjandi lóða. Viðmið byggingarmagns verði allt að 0,03 nýtingarhlutfall á lóð. Ef engar athugasemdir berast mun málinu vísað beint til afgreiðslu byggingarfulltrúa.
2. Fundargerð skipulagsnefndar – 1901037
177. fundur haldinn 22. maí 2019. Afgreiða þarf sérstaklega liði 4 til 9.
-liður 4, Snorrastaðir L168101; Aukið byggingarmagn á lóð; Fyrirspurn – 1812003
Lögð fram að nýju mál frá Félagi Skipstjórnarmanna sem var fyrirspurn um hvort leyfi fengist til að byggja nýtt frístundahús efst í horni lóðar þeirra og í staðinn yrðu rifin og fjarlægð tvö núverandi smáhýsi. Ekki liggur fyrir gildandi deiliskipulag á svæðinu. Stærð nýs húss yrði á milli 85-105m2. Einnig var óskað eftir að breikka göngustíg sem liggur að núverandi smáhýsum og gera akfæran 3m breiðan veg að nýju húsi. Málið hefur verið grenndarkynnt og lauk kynningu 24. janúar s.l.
Nokkrar ábendingar og athugasemdir komu fram frá nágrönnum.
Snéru athugasemdir helst að nálægð við grenndarsvæði vatnsveitu og einnig bent á þinglýsta aðkomu eiganda norðan lóðar um aðgengi.
Sveitarstjórn metur innsendar athugasemdir þannig að þær séu þess eðlis að nauðsynlegt sé að unnið verði deiliskipulag fyrir lóðina.

-liður 5, Bergsstaðir L167201; Deiliskipulag; Lögbýli; Fyrirspurn – 1905023
Lögð er fram fyrirspurn Sigurjóns Sindrasonar, dags. 8. maí 2019, vegna eignarhluta jarðarinnar Bergsstaðir, L167201 21,3 ha og L189399 18,6 ha, hvort heimilað verði að deiliskipuleggja hluta jarðarinnar fyrir lögbýli. Hluti lögbýlisins verði skipulagður fyrir frístundahús. Fyrir er á svæðinu sumarbústaður 69,8 m2 og geymsla 51 m2.
Sveitarstjórn Bláskógabyggðar samþykkir að unnin verði tillaga að skipulagslýsingu í samræmi við 30. gr. skipulagslaga nr. 123/2010.
Skipulagsnefnd vísaði umsögn um lögbýli til sveitastjórnar. Sveitarstjórn veitir jákvæða umsögn um stofnun lögbýlis.

-liður 6, Laugarvatnshellar; Stækkun bílastæðis; Fyrirspurn – 1905040
Lögð er fram fyrirspurn Smára Stefánssonar, dags 16. maí 2019, fyrir hönd Sólstaða ehf, aðstöðuhafa Laugarvatnshella í Bláskógabyggð, hvort heimiluð verði stækkun á núverandi bílastæðum,vegna mikilla þrengsla. Ríkiseignir fara fram á umsögn skipulags- og byggingaryfirvalda vegna fyrirhugaðrar framkvæmdar.
Sveitarstjórn Bláskógabyggðar samþykkir að gefið verði út framkvæmdaleyfi með fyrirvara um leyfi Ríkiseigna. Skipulagsfulltrúa er falið að senda á Ríkiseignir jákvæða umsögn um framkvæmdina með fyrirvara um að unnin verði ítarlegri hönnunargögn.

-liður 7, Mjóanes lóð 7 L170759; Skilmálabreyting palls; Deiliskipulagsbreyting – 1905042
Lögð er fram umsókn G. Odds Víðissonar, dags 14. maí 2019, fyrir hönd Ingibjargar S. Pálmadóttur eiganda lóðar nr. 7 í landi Mjóaness, L170759, við Þingvallavatn í Bláskógabyggð, um deiliskipulagsbreytingu vegna byggingarskilmála. Skilmálabreyting lóðarinnar varðar stærð á verönd, og breytt þannig að í stað þess að heimilt verði að hafa verönd allt að 110 m2 í stað 60 m2.
Sveitarstjórn Bláskógabyggðar samþykkir umsóknina í samræmi við 3. mgr. 43. gr. skipulagslaga nr.123/2010.

-liður 8, Brúarhvammur L167071; Hótelbygging og smáhýsi; Deiliskipulag – 1905045
Lögð er fram umsókn Evu Huldar Friðriksdóttur, dags 14. maí 2019, fyrir hönd Kvótasölunnar ehf., eiganda jarðarinnar Brúarhvammur, L167071, í Bláskógabyggð, um gerð deiliskipulags. Fyrir á jörðinni er deiliskipulag tveggja frístundalóða. Skipulagstillagan gerir ráð fyrir uppbyggingu 100 herbergja hótels ásamt 10 smáhýsum.
Skipulagsnefnd vísaði málinu til sveitarstjórnar Bláskógabyggðar vegna umfangs og eðlis málsins. Sveitarstjórn samþykkir að funda með umsækjendum.

-liður 9, Laugargerði lnr 167146 (Garðyrkjustöðin); Breytt nýting lóðar; Aðalskipulagsbreyting – 1708069
Lögð fram að lokinni kynningu skv. 2.mgr. 30. gr. skipulagalaga nr.123/2010, tillaga og greinargerð Eflu dags. 13.12.2018,að breytingu á aðalskipulagi Bláskógabyggðar 2015-2027.
Tillagan gerir ráð fyrir breyttri landnotkun garðyrkjulóðar þannig að heimilt verði að vera með verslun- og veitingarrekstur auk garðyrkju.
Sveitarstjórn Bláskógabyggðar samþykkir fyrirliggjandi tillögu og greinargerð í samræmi við 3. mgr 30. gr. skipulagslaga nr. 123/2010 og mælist til að tillagan verði auglýst skv. 31. gr. sömu laga. Skipulagfulltrúa er falið að senda Skipulagsstofnun skipulagstillöguna til yfirferðar í samræmi við 3. mgr. 30. gr. skipulagslaga, áður en tillagan verður auglýst.

Fundargerðin staðfest.

3. Afgreiðslur byggingarfulltrúa – afgreiðslufundur – 1901038
100. afgreiðslufundur byggingarfulltrúa haldinn 15. maí 2019 (fundur 19-100).
Fundargerðin staðfest.
4. Fundargerð Heilbrigðisnefndar Suðurlands – 1902015
196. fundur Heilbrigðisnefndar Suðurlands frá 9. maí 2019
Fundargerðin lögð fram.
5. Fundargerð stjórnar Byggðasafns Árnesinga – 1903009
7. fundur stjórnar Byggðasafns Árnesinga, haldinn 16. apríl 2019, ásamt tveimur fundargerðum byggingarnefndar Búðarstígs 22.
Fundargerðirnar lagðar fram.
6. Fundargerð stjórnar Byggðasafns Árnesinga – 1903009
8. fundur stjórnar Byggðasafns Árnesinga, haldinn 7. maí 2019.
Fundargerðin lögð fram.
7. Fundargerð stjórnar Sorpstöðvar Suðurlands – 1901018
280. fundargerð stjórnar Sorpstöðvar Suðurlands, fundur haldinn 14. maí 2019.
Fundargerðin lögð fram.
8. Trúnaðarmál – 1809055
Trúnaðarmál.
Skráð í trúnaðarbók.
9. Beiðni um styrkveitingu til Klúbbsins Stróks – 1905038
Styrkbeiðni frá Styrktarfélagi Klúbbsins Stróks, dags. 30. apríl 2019, vegna starfsemi endurhæfingar- og virknimiðstöðvar fyrir íbúa á Suðurlandi. Óskað er eftir 50-300.000 kr styrk, eða föstum árlegum framlögum.
Sveitarstjórn hafnar erindinu.
10. Samráðsvettvangur um loftslagsmál – 1905050
Erindi Sambands íslenskra sveitarfélaga, dags. 17. maí 2019 um stofnun samráðsvettvangs sveitarfélaga um loftslagsmál. Boðun til stofnfundar og beiðni um tilnefningu tengiliða.
Sveitarstjórn tilnefnir Ástu Stefánsdóttur, sveitarstjóra, sem tengilið.
11. Reiðhjólaleiga á Laugarvatni – 1905028
Beiðni Óðins Þórs Kjartanssonar um að fá leyfi til bráðabirgða til að hafa aðstöðu fyrir reiðhjólaleigu við heimili hans. Áður á dagskrá á 232. fundi.
Sveitarstjórn samþykkir að reiðhjólaleiga verði staðsett að Hrísholti 7 til 15. september n.k. Leitast verði við að sem minnst ónæði verði af umferð sem tengjast kann starfseminni.
12. Úthlutun lands innan þjóðlendu, Þverbrekknamúli – 1902054
Erindi forsætisráðuneytisins, dags. 16. apríl 2019, vegna lóðarleigusamnings við Ferðafélag Íslands fyrir Þverbrekknamúla. Þjóðlendunefnd hefur yfirfarið samningsdrög. Áður á dagskrá á 227. fundi.
Sveitarstjórn staðfestir samninginn og felur sveitarstjóra að undirrita hann.
13. Póstnúmerabreyting í Bláskógabyggð – 1905039
Tilkynning Íslandspósts, dags. 13. maí 2019, um fyrirhugaða póstnúmerabreytingu, þar sem heimili og fyrirtæki í Bláskógabyggð sem áður höfðu áritunina 801 Selfoss verða með áritunina 806 Selfoss.
Tilkynningin var lögð fram.
14. Beiðni um fund með sveitarstjórn – 1905049
Fulltrúi Ungra umhverfissinna kemur inn á fund sveitarstjórnar.
Inn á fundinn kom Pétur Halldórsson, fulltrúi Ungra umhverfisssinna. Rætt var um umhverfismál, hálendið og þjóðgarðamál. Sveitarstjórn þakkar Pétri fyrir fundinn og gott samtal um umhverfismál.
15. Umsóknir um lóðir í Reykholti – 1905035
Lagðar fram eftirfarandi umsóknir:
HS Húsa ehf um lóðina Miðholt 2-12, Reykholti.
Geysis ehf um lóðina Miðholt 24, Reykholti.
Geysis ehf um lóðina Miðholt 37, Reykholti.
Lóðirnar hafa verið auglýstar til umsóknar og hefur ein umsókn borist um hverja lóð. Sveitarstjórn samþykkir að úthluta lóðinni Miðholti 2-12 til HS Húsa ehf, og lóðunum Miðholti 24 og Miðholti 37 til Geysis ehf. að uppfylltum þeim skilyrðum sem greinir í úthlutunarreglum.
16. Framkvæmdir sumarið 2019 – 1905051
Bjarni D. Daníelsson, sviðsstjóri framkvæmda- og veitusviðs kom inn á fundinn.
17. Rekstarleyfisumsókn nýtt rekstrarleyfi gisting flokkur II gistiskáli Kóngsvegur 16,18,20,22,24 fnr 221-9807, 223-5558, 224-0587, 227-8528, og 227-6479 – 1905040
Beiðni Sýslumannsins á Suðurlandi, dags. 31. janúar 2019, um umsögn um umsókn um nýtt rekstrarleyfi, gisting flokkur II gistiskáli (D) Kóngsvegur 16,18,20,22,24 fnr 221-9807, 223-5558, 224-0587, 227-8528, og 227-6479. Jákvæð umsögn byggingarfulltrúa kemur fram í 21. lið fundargerðar nr. 19-100.
Sveitarstjórn veitir jákvæða umsögn um rekstrarleyfisumsókn vegna gistingar í flokki II, gistiskála að Kóngsvegi 16, 18, 20, 22 og 24.
18. Rekstrarleyfisumsókn Heiði Biskupstungum fnr 220-4665 veitingar flokkur II veitingastofa og greiðasala – 1905041
Beiðni Sýslumannsins á Suðurlandi, dags. 11. apríl 2019, um umsögn um umsókn um nýtt rekstrarleyfi, Heiði Biskupstungum fnr 220-4665 veitingar flokkur II veitingastofa og greiðasala, Við Faxa (C). Jákvæð umsögn byggingarfulltrúa er í 22. lið fundargerðar 19-100.
Sveitarstjórn veitir jákvæða umsögn vegna útgáfu rekstrarleyfis í flokki II, veitingastofa og greiðasala, Heiði.
19. Tillaga til þingsályktunar um stöðu barna 10 árum eftir hrun, 256. mál. – 1905046
Beiðni velferðarnefndar Alþingis, dags. 17. maí 2019, um umsögn um tillögu til þingsályktunar um stöðu barna 10 árum eftir hrun, 256. mál. Umsagnarfrestur er til 3. júní nk.
Lagt fram.
20. Frumvarp til laga um breytingu á lögum um þjóðgarðinn á Þingvöllum, nr. 47/2004, með síðari breytingum (samningar við þjónustuaðila), 802 mál. – 1905048
Beiðni stjórnskipunar- og eftirlitsnefndar Alþingis, dags. 9. maí 2019, um umsögn um frumvarp til laga um breytingu á lögum um þjóðgarðinn á Þingvöllum, nr. 47/2004, með síðari breytingum (samningar við þjónustuaðila), 802. mál.
Umsagnarfrestur er til 23. maí nk.
Lagt fram.
21. Frumvarp til laga um breytingu á lögum um almannatryggingar, nr. 1002007 (hækkun lífeyris), 844. mál. – 1905047
Beiðni velferðarnefndar Alþingis, dags. 17. maí 2019, um umsögn um frumvarp til laga um breytingu á lögum um almannatryggingar, nr. 100/2007 (hækkun lífeyris), 844. mál. Umsagnarfrestur er til 3. júní n.k.
Lagt fram.
22. Tillaga til þingsályktunar um hagsmunafulltrúa aldraðra, 825. mál. – 1905052
Beiðni velferðarnefndar Alþingis, dags. 17. maí 2019, um umsögn um tillögu til þingsályktunar um hagsmunafulltrúa aldraðra, 825. mál. Umsagnarfrestur er til 3. júní nk.
Lagt fram.
23. Aðalskipulagsbreytingar í Reykjavík 2019 – 1905007
Erindi umhverfis- og skipulagssviðs Reykjavíkurborgar, dags. 8. maí 2019, þar sem send er til kynningar og umsagnar tillaga að breytingu á aðalskipulagi Reykjavíkur varðandi færslu Korpulínu milli Geitháls og tengivirkis við Korpu, við Vesturlandsveg. Jafnhliða færslu verður háspennustrengurinn færður í jörð. Breytingin mun einnig ná til lítilsháttar tilfærslu á Rauðavatnslínu. Frestur til athugasemda er til 29. maí nk.
Sveitarstjórn gerir ekki athugasemd við skipulagsbreytinguna.
24. Rekstrarleyfisumsókn Melur Einiholt 1 fnr 235-9137 gisting flokkur IV – 1905053
Beiðni Sýslumannsins á Suðurlandi, dags. 16. maí 2019, um umsögn um rekstrarleyfisumsókn, Melur Einiholt 1 fnr 235-9137 gisting flokkur IV (A).
Sveitarstjórn veitir jákvæða umsögn vegna útgáfu rekstrarleyfis, gisting í flokki IV, vegna Melur Einiholt 1 fnr 235-9137, með fyrirvara um jákvæða umsögn byggingarfulltrúa.
25. Stefnumótun í íþróttamálum 2019-2030 – 1905036
Erindi mennta- og menningarmálaráðuneytisins, dags. 2. maí 2019, þar sem kynnt er stefnumótun í íþróttamálum 2019-2030.
Lagt fram.

 

 

 

Fundi slitið kl. 17:45.