235. fundur sveitarstjórnar Bláskógabyggðar

-liður 8, Kirkjuholt (L1673979; Stækkun lóðar; Deiliskipulagsbreyting; Fyrirspurn – 1906011
Birkir Kúld f.h. Benedikts Skúlasonar í Kirkjuholti í Laugarási, leggur fram fyrirspurn dags. 4. júní 2019, um hvort leyfi fáist til að stækka núverandi lóð Kirkjuholt L167397 til suðurs um 2067 m2 og heimild til að byggja annað íbúðarhús á sameinaðri lóð. Ný lóðamörk munu fylgja stefnu núverandi lóðarmarka við Kirkjuholtsveg annarsvegar og landamerkja Kvistholts og Kirkjuholts hinsvegar. Stækkun lóðar kallar á breytingu á gildandi deiliskipulagi í Laugarási. Meðfylgjandi er uppdráttur BK-Hönnunar dags. 23. maí 2019 með skýringum vegna fyrirspurnar.
Skipulagsnefnd vísaði málinu til sveitarstjórnar Bláskógabyggðar til afgreiðslu og verður það tekið fyrir sem sérstakur liður á fundi sveitarstjórnar, sjá lið 12 í fundargerðinni.

-liður 9, Leynir Laugardal 2. hluti; Giljalönd 1-3; 10 smáhýsi; Deiliskipulagsbreyting; Fyrirspurn – 1903021
Lögð er fram umsókn Guðmundar O. Ingimundarsonar, dags. 20. maí 2019, í framhaldi af fyrirspurn um breytingu á deiliskipulagi. Deiliskipulagsbreytingin felur í sér í stað nokkurra smærri byggingareita á lóð verði einn byggingareitur og innan hans megi reisa 5 stk 30 m2 smáhýsi og 1 stk þjónustuhús allt að 72 m2 að stærð.
Sveitarstjórn Bláskógabyggðar samþykkir breytingu á gildandi deiliskipulagi skv. 1. mgr. 43. gr. skipulagslaga nr. 123/2010, og að tillagan verði auglýst skv. 1. mgr. 41. gr. sömu laga. Einnig verði tillagan kynnt lóðahöfum aðliggjandi lóða.

-liður 10, Skálabrekkugata 3 (172580); Breytt notkun lóðar; Aðalskipulagsbreyting – 1804029
Í framhaldi af athugsemd Skipulagsstofnunar vegna tillögu um aðalskipulagsbreytingu að Skálabrekkugötu 3, L172580, eru lögð fyrir að nýju leiðrétt gögn. Leiðréttingin felst í að frístundasvæðið sem áður var talið að stækkaði um 2 ha stækkar aðeins um 0,6 ha. Einnig hafa verið lagfærðar þekjur frístundasvæðisins á uppdrætti.
Sveitarstjórn Bláskógabyggðar samþykkir leiðrétt gögn sbr. fyrri bókun sveitarstjórn Bláskógabyggðar á fundi sínum 3. maí 2018 og felur skipulagsfulltrúa að senda Skipulagsstofnun leiðrétt gögn og svar við athugasemdum. Um minniháttar breytingu er að ræða.

-liður 11, Torfastaðaheiði 1. og 2. áfangi; Torfastaðir (L167176); Sumarhúsa- og ferðaþjónustusvæði; Deiliskipulagsbreyting – 1808022
Lagt fram bréf Skipulagsstofnunar dags. 23. maí 2019.
Skipulagsfulltrúi UTU sendi Skipulagsstofnun erindi 4. apríl s.l. þar sem óskað var eftir að Skipulagsstofnun tæki til yfirferðar deiliskipulagsbreytingu 2. áfanga frístundabyggðar (F63)í landi Torfastaða í Bláskógabyggð. Breyting á gildandi deiliskipulagi fólst í að inn í skilmála var bætt við ákvæði/texta sem heimilar útleigu frístundahúsa á svæðinu í atvinnuskyni, fyrir allt að 10 manns á hverri lóð.
Skipulagsstofnun telur að með slíkri breytingu á deiliskipulagi og heimild fyrir allt svæðið til útleigu húsa í atvinnuskyni,eigi betur við að landnotkun sé skilgreind sem verslunar- og þjónustusvæði. Stofnunin leggst því gegn birtingu á breytingu deiliskipulags í B-deild Stjórnartíðinda. Athugasemdir Skipulagsstofnunar voru teknar til umræðu.
Sveitarstjórn Bláskógabyggðar samþykkir fyrirliggjandi deiliskipulagsbreytingu og felur skipulagsfulltrúa að auglýsa breytingartillöguna í B-deild Stjórnartíðinda. Sveitarstjórn telur að þess sé getið í greinargerð Aðalskipulags Bláskógabyggðar 2015-2027, að „komi fram ósk um atvinnurekstur,t.d. gistingu, þarf að skoða aðstæður á hverjum stað. Áður en starfsemi er heimiluð þarf að liggja fyrir samþykki eigenda sumarhúsa á svæðinu.“
Fyrir liggur samþykki allra lóðarhafa á svæðinu fyrir áformum um heimild til að leyfa gistingu í atvinnuskyni í frístundabyggðinni.

-liður 12, Fell (L167086) Ásahverfi Frístundabyggð Aðalskipulagsbreyting – 1809019
Selmúli ehf óskar eftir að gerð verði breyting á nýju aðalskipulagi Bláskógabyggðar 2015-2027, á þann veg að frístundasvæði merkt F65 verði stækkað og eldra deiliskipulag lagfært og uppfært á stafrænan kortagrunn. Í núgildandi deiliskipulagi er gert ráð fyrir 15 lóðum og þar af eru 9 þeirra byggðar. Í nýju breyttu deiliskipulagi er gert ráð fyrir að lóðum fjölgi upp í 35. Lögð er fram skipulagslýsing dags. 12.nóvember 2018 og er óskað eftir að hún verði tekin til málsmeðferðar í samræmi við 30. gr. skipulagslaga nr. 123/2010.
Niðurstaða skipulagsnefndar var að nefndin stendur við fyrri bókun og leggst gegn fyrirhugaðri stækkun frístundasvæðis í landi Fells, þar sem áform stangast á við ákvæði aðalskipulags Bláskógabyggðar 2015-2027. Þar segir að nýir áfangar frístundabyggðar innan hverrar jarðar verða ekki teknir til skipulagsmeðferðar fyrr en minnst 2/3 hlutar fyrri áfanga hafa verið byggðir. Sveitarstjórn staðfestir niðurstöðu skipulagsnefndar.

Rúnar Guðmundsson, skipulagsfulltrúi sat fundinn undir þessum lið.
Fundargerðin staðfest.

Jafnframt samþykkir sveitarstjórn að fela sveitarstjóra að láta vinna betur og ítarlegar þær hugmyndir skólastjórnenda að breytingu á fyrirkomulagi náms á unglingastigi, sem lagðar hafa verið fram, tillögu sem skólanefnd hefur gert til sveitarstjórnar og þær tillögur sem fram kunna að koma við vinnslu málsins.

Þegar þeirri vinnu líkur verði samráð og samtal haft við allt skólasamfélagið þar sem þessar hugmyndir verði kynntar og ræddar.

Sveitarstjóra er falið að leggja fram á næsta fundi sveitarstjórnar minnisblað þar sem fram kemur hvernig standa skuli að frekari vinnu að þeim tillögum sem liggja fyrir, samráðsfundum og almennri kynningu og fyrirkomulagi og útfærslu á víðtæku samráðu við þá aðila er málið varðar. Niðurstaða skal liggja fyrir í byrjun nóvember nk.

Tillagan var borin undir atkvæði og samþykkt með sex atkvæðum HK, VS, GSM, ÓBÞ, EMS og KS. Róbert Aron Pálmason greiddi atkvæði á móti.

Gert var fundarhlé.

Kolbeinn Sveinbjörnsson lagði fram eftirfarandi bókun:
Frá því að ég var fyrst kjörinn fyrir um fimm árum til að gæta sem best hagsmuna allra íbúa Bláskógabyggðar hef ég talað skýrt í þessu máli og er það í takt við bókun mína á umræddum 7. fundi skólanefndar. Á þessum tíma þrátt fyrir mikla umræðu, kannanir, álitsgerðir, skýrslur o.fl. er ekkert sem hefur snúið skoðun minni. Það merkilega er að ég er einn af þeim sem finnst þetta bara mjög flott sveitarfélag bæði út frá legu þess í landinu, atvinnuháttum og íbúum sjálfum. Því er ég tilbúinn í þágu sátta að samþykkja framkomna tillögu í von um að niðurstaðan verði sú sem ég hef sannfæringu fyrir. Um leið hvet ég fólk til nærgætni í tali þar sem þetta mál snýr mjög að börnum okkar og til að spilla í engu þeirri samkennd sem ríkir nú þegar.

Róbert Aron Pálmason lagði fram eftirfarandi bókun:
Undanfarin misseri hefur að mínu mati náðst að skapa mestu sátt um skólamál í Bláskógabyggð frá sameiningu. Er það mín skoðun að þakka beri því fagfólki sem valist hefur til starfa við stjórn skólastofnana sveitarfélagsins. Ég lýsi yfir fullu trausti til þeirra. Því þykir mér fráleitt ef gengið er framhjá óskum þeirra sem lagðar eru fram með það að markmiði að laga samstarfið enn frekar og skapa um það sátt.

Ef heimildin er nýtt þannig að samið er um fastar yfirvinnugreiðslur, s.s. fastan tímafjölda á mánuði, allt árið, greiðist ekki orlof ofan á þær, þar sem starfsmaður nýtur einnig greiðslnanna þegar hann er í orlofi.

Um vinnu sem er unnin utan dagvinnutíma vegna starfsmannafunda eða vegna þess að starfsmaður vinnur meira en fullan dagvinnutíma til þess að opna eða loka leikskóla gilda almennar reglur um yfirvinnugreiðslur. Eftir því sem unnt er skal leitast við að starfsmaður ljúki vinnutíma í dagvinnu á tímabilinu frá kl. 08-17 skv. gr. 2.2.1 í kjarasamningi.

Leikskólastjóra er heimilt að leyfa starfsmanni sem sækir nám í leikskólakennarafræðum að stunda staðlotur, án þess að dregið sé af launum viðkomandi fyrir þann tíma sem hann er fjarri starfsstöð vegna tímasóknar eða próftöku.

Leikskólastjórum er heimilt að fela starfsmönnum að gegna stöðu verkefnastjóra, eftir því sem þörf krefur. Almennt er gert ráð fyrir að slíkt fyrirkomulag sé tímabundið, t.d. til eins leikskólaárs.

Fyrirkomulag viðbótargreiðslna verði endurskoðað á a.m.k. tveggja ára fresti.