262. fundur sveitarstjórnar Bláskógabyggðar

2. Skógarberg (L167207); umsókn um byggingarleyfi; íbúðarhús – viðbygging – 2006011
Fyrir liggur umsókn Bjarnar Skaptasonar fyrir hönd Jóns Bjarna Gunnarssonar og Elínar Bjartar Grímsdóttur, móttekin 31.05.2020 um byggingarleyfi til að byggja við íbúðarhús 80,1 m2 á íbúðarhúsalóðina Skógarberg (L167207) í Bláskógabyggð. Heildarstærð eftir stækkun á íbúðarhúsi verður 214,6 m2.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010. Framkvæmdin er ekki talin varða hagsmuni annarra en sveitarfélagsins og/eða umsækjanda og er því ekki talin ástæða til grenndarkynningar. Málinu vísað til afgreiðslu byggingarfulltrúa.

3. Holtslóð L225385; Neðri-Dalur; Eyrar; Hverfa, Ferjuholt og Lautir; Deiliskipulagsbreyting – 2005063
Lögð er fram umsókn frá N8 ehf., dags. 17. maí 2020 um breytingu á deiliskipulagi fyrir Holtslóð L225385. Í breytingunni felst: Breyting að byggingarreitum á lóðum við Hverfu 3,5,7 og 9 vegna friðhelgra svæða fornminja á Konungsvegi og Holtshús.
Byggingarreitur á lóð við Hverfu 7 er færður til norðurs út fyrir verndasvæði Holtshúss. Við það breytast stærðir og lögun á öllum lóðum við Hverfu, Ferjuholt 2 og Eyrum 4 og 6. Nýtingarhlutfall á lóðum við Lautir 1 til 6 og 11 og Ferjukot 4 og 6 fer úr 0,03 í 0,033.
Sveitarstjórn Bláskógabyggðar samþykikr að málinu verði frestað þar sem skilmálar breytinganna eru ekki í takt við aðalskipulag er varðar nýtingarhlutfall frístundalóða. Skipulagsfulltrúa falið að annast samskipti við umsækjanda vegna athugasemda.

4. Eyvindartunga (L167632); umsókn um byggingarleyfi; útihús – viðbygging að hluta og breyting á notkun – 2006033
Fyrir liggur umsókn frá Jóni Snæbjörnssyni fyrir hönd Eyvindartunga ehf. móttekin 10.06.2020 um byggingarleyfi að byggja við fjóshlöðu og haughús ásamt breytingu á notkun á útihúsum í viðburðarými fyrir 150 manns á jörðinni Eyvindartunga (L167632) í Bláskógabyggð. Heildarstærð eftir breytingu og stækkun verður 360,2 m2.
Sveitarstjórn Bláskógabyggðar samþykkir breytingarnar og að málið fái málsmeðferð á grundvelli 44. gr. skipulagslaga nr. 123/2010. Sveitarstjórn telur að viðkomandi framkvæmd varði ekki hagsmuni annarra en sveitarfélagsins og/eða umsækjanda og er því ekki talin ástæða til grenndarkynningar. Vísað er til heimilda aðalskipulags lið 2.4.1 er varðar heimildir fyrir atvinnustarfsemi á landbúnaðarsvæðum. Komi til frekari framkvæmda innan jarðarinnar í tengslum við viðkomandi rekstur mælist sveitarstjórn til þess að unnið verði deiliskipulag fyrir svæðið. Málinu vísað til afgreiðslu byggingarfulltrúa.

5. Snorrastaðir II; Stóruskógar; Deiliskipulagsbreyting – 2006007
Lög er fram umsókn frá Jóni Péturssyni og Benedikt Jónssyni um breytingu á deiliskipulagi Snorrastaða II. Í deiliskipulagsbreytingu felst breyting á legu og stærð lóða við Lækjarbraut og Stóruskógarbraut.
Málinu er frestað og óskað ítarlegri gagna. Betur þarf að gera grein fyrir breytingum á milli skipulagsuppdrátta og greinargerða. Gera þarf grein fyrir aðkomu að lóðum og athuga þarf staðvísa lóða og númeraröðun betur. Skipulagsfulltrúa falið að koma athugasemdum á hönnuð deiliskipulagsbreytingar.

6. Birkilundur 9-13 L205492; Friðheimar; Breyting á aðkomu og sameining byggingareita; Deiliskipulagsbreyting – 2006050
Lög er fram umsókn frá Friðheimum ehf. vegna breytinga á deiliskipulagi fyrir Reykholt í Biskupstungum. Í breytingunni felst: Sameiginlegur byggingareitur verður fyrir lóðirnar Friðheima 1 og Skólaveg 11. Gerð er ný aðkoma að Skólavegi 11 frá Sólbraut, aðkoman er eingöngu ætluð fyrir starfsfólk, fyrir vörumóttöku og vörusendingar. Til að fá svigrúm fyrir nýja aðkomu að Skólavegi 11 eru gatnamót Sólbrautar og Skólavegar færð um 20 m til suðurs, inn á lóð Skólavegar 13. Lóðamörk Skólavegar 13 breytast til samræmis við færslu Sólbrautar og minnkar lóðin um 192 m2. Göngustígum er breytt í samræmi við breytingar á Sólbraut og nýjar byggingar.
Sveitarstjórn Bláskógabyggðar samþykkir deiliskipulagsbreytinguna og að hún fái málsmeðferð í samræmi við 1.mgr. 43. gr. skipulagslaga nr. 123/2010 er varðar breytingu á deiliskipulagi.

7. Efri-Reykir L167080; Stofnun lóðar; Spennistöð; Dreifikerfi Rarik; Lóðamál – 2006056
Lögð er fram umsókn Rúnars Gunnarssonar, dags. 10. júní 2020, um stofnun lóðar úr landi Efri-Reykja L168080. Óskað er eftir að sækja um 56 fm lóð undir spennistöð fyrir Rarik.
Sveitarstjórn Bláskógabyggðar gerir ekki athugasemd við stofnun lóðarinnar skv. fyrirliggjandi umsókn. Ekki er gerð athugasemd við staðfestingu landskipta skv. 13. jarðalaga.

8. Skálabrekka-Eystri L224848; Úr landbúnaðarsvæði í frístundasvæði; Aðalskipulagsbreyting – 2003004
Lögð er fram fyrirspurn vegna breytingar á aðalskipulagi Bláskógabyggðar 2015-2027. Í breytingunni felst að skilgreindir frístundasvæðis flákar innan jarðarinnar Skálabrekku-Eystri L224848 eru sameinaðir í eitt samfellt svæði. Stærð svæðisins helst óbreytt.
Sveitarstjórn Bláskógabyggðar samþykkir að unnin verði lýsing aðalskipulagsbreytingar í samræmi við fyrirspurn. Lýsing verði kynnt almenningi og hagsmunaaðilum í samræmi við 30.gr. skipulagslaga nr.123/2010 og leitað verði umsagnar hjá helstu umsagnaraðilum þ.á.m. Skipulagsstofnun. Á grundvelli lýsingar, umsagna og athugasemda sem berast vegna málsins skal tillaga aðslkipulagsbreytingar unnin og kynnt í samræmi við 2.mgr. 30 gr.skipulagslaga áður en hún er tekin til afgreiðslu í sveitarstjórn að nýju. Forsendur skipulagsbreytinga m.a. nýting núverandi heimilda til uppbyggingar á skilgreindu frístundasvæði innan jarðarinnar Skálabrekku-Eystri og að myndað verði samfellt skipulagssvæði í samhengi við aðliggjandi frístundasvæði. Við vinnslu lýsingar aðalskipulagsbreytingar á svæðinu verði sérstaklega horft til þess að svæðið er staðsett á vatns- og hverfisverndarsvæði og svæðis á náttúruminjaskrá.