266. fundur sveitarstjórnar Bláskógabyggðar

-liður 2, Heiði lóð 13 L167324; Stækkun lóðar; Deiliskipulagsbreyting – 2008062
Lögð er fram umsókn frá Hrafni Heiðdal Úlfssyni vegna breytingar á deiliskipulagi fyrir Heiði lóð 13, L167324. Í breytingunni felst stækkun lóðar til samræmis við skráða stærð lóðarinnar.
Sveitarstjórn Bláskógabyggðar samþykkir að málinu verði frestað. Skipulagsfulltrúa er falið að skoða baksögu lóðarinnar m.t.t. stærðar hennar og fara fram á undirritað samþykki landeigenda upprunalands fyrir deiliskipulagsbreytingu.

-liður 3, Dalsholt L209270; Viðbygging; Aukið byggingarmagn innan byggingarreits; Deiliskipulagsbreyting – 2008083
Lögð er fram umsókn frá Kjarnveig ehf. um breytingu á deiliskipulagi að Kjarnholtum. Í breytingunni felst aukning á byggingarmagni innan byggingarreits B2 þar sem gert er ráð fyrir allt að 500 fm byggingarmagni. Með breytingu verði heimild fyrir 600 fm innan byggingarreits.
Sveitarstjórn Bláskógabyggðar samþykkir viðkomandi breytingar á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.

-liður 4, Kjarnholt II lóð L190309 og Kjarnholt 2 land 2 L205287; Kjarnholt 6; Sameining og breytt heiti lóðar – 2008072
Lögð er fram umsókn Jóns Inga Gíslasonar, dags. 1. september 2020, um sameiningu landeigna. Óskað er eftir að Kjarnholt 2 lóð L190309 sameinist við Kjarnholt 2 land 2 L205287 (31,6 ha) sem fái heitið Kjarnholt 6. L190309 er skráð 15.000 fm í fasteignaskrá en skv. hnitsettu lóðablaði frá nóvember 2005, sem fylgdi þinglýstu stofnskjali árið 2006, er hún um 1,9 ha. L205287 yrði því um 33,5 ha eftir sameiningu sem fyrirhugað er að verði lögbýli. Fyrir liggur samþykki sveitarstjórnar þ. 27. febrúar 2020 fyrir sitt leyti að lögbýli verði stofnað á L205287 og verði skráð Kjarnholt 6.
Sveitarstjórn Bláskógabyggðar samþykkir erindið.

-liður 5, V-Gata 36 (L170755); umsókn um byggingarleyfi; gestahús – 2009007
Fyrir liggur umsókn Ívars Haukssonar fyrir hönd Gunnarsfell ehf., móttekin 01.09.2020 um byggingarleyfi til að byggja gestahús 39,9 m2 á sumarbústaðalandinu V-Gata 36 (L170755) í Bláskógabyggð.
Seitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.

-liður 6, Kjarnholt 2 L205291; Sameining lóða; Deiliskipulag – 2008099
Lögð er fram umsókn frá Axel Davíðssyni vegna deiliskipulags að Kjarnholtum 2. Deiliskipulagið tekur til tveggja lóða L192978 og L205291. Innan deiliskipulags er gert ráð fyrir byggingarheimildum fyrir íbúðarhúsi, bílskúr, gróðurhúsi og hesthúsi.
Sveitarstjórn Bláskógabyggðar samþykkir deiliskipulagið og að það verði auglýst á grundvelli 41. gr. skipulagslaga nr. 123/2010 þar sem allar meginforsendur varðandi heimildir á landbúnaðarlandi liggja fyrir í aðalskipulagi Bláskógabyggðar 2015-2027.

-liður 7, Hlauptunga; Vegstæði og bílaplan; Framkvæmdaleyfi – 2005053
Lögð er fram til kynningar afgreiðsla Skipulagsstofnunar vegna umsóknar um útgáfu framkvæmdaleyfis fyrir vegsvæði og bílaplan í landi Hlauptungu.
Lagt fram til kynningar.

Umræða varð um málið.

Fram hefur komið í ábendingum opinberra eftirlitsaðila, svo sem Brunavarna Árnessýslu, Lögreglustjórans á Suðurlandi og Húsnæðis- og mannvirkjastofnunar, að ástandið á svæðinu sé með öllu óviðunandi með tilliti til brunavarna og öryggis fólks og að það sé á ábyrgð eiganda eða rekstraraðila að tryggja fullnægjandi aðgerðir gegn eldsvoða. Fyrir liggur að ráðast þyrfti í miklar framkvæmdir til að koma öryggismálum á svæðinu í viðunandi horf, svo sem með öflugri vatnslögn inn á svæðið fyrir slökkvivatn og uppsetningu brunahana og gerð flóttaleiða. Þá eru aðrir kostnaðarsamir þættir sem þyrfti að sinna, svo sem gerð deiliskipulags, uppbygging hreinlætisaðstöðu og úrbætur í fráveitumálum. Ef til endurskipulags svæðisins kæmi þyrfti að gera hluta leigutaka að víkja af svæðinu, til að unnt verði að viðhafa hæfilega fjarlægð á milli reita, eða stækka svæðið til að koma öllum fyrir, með tilheyrandi kostnaði við vegagerð og lagnir. Breytt skipulag innan svæðisins myndi einnig hafa í för með sér kostnað við breytingar á vegum og lögnum. Ljóst er að lagfæringar á svæðinu myndu hafa umtalsverðan kostnað í för með sér, sem sveitarfélagið sér sér hvorki fært, né réttlætanlegt, að leggja út í. Regluverk hvað varðar skipulag svæða af þessu tagi og brunavarnir hefur breyst á þeim tíma sem liðinn er frá því að uppbygging hófst á svæðinu og eru nú gerðar meiri kröfur til slíkra þátta. Sveitarfélagið ber ábyrgð á því að tryggja viðunandi brunavarnir og öryggi fólks á svæðinu.