269. fundur sveitarstjórnar Bláskógabyggðar

-liður 3, Skógarás 19 L207145; Breytt hámarksstærð aukahúsa; Deiliskipulagsbreyting – 2010006
Lögð er fram umsókn frá Stefáni D. Franklín og Vilhelmínu Þ. Þorvarðardóttur er varðar breytingu á deiliskipulagi sumarhúsabyggðar vestast í landi Fells sem nefnist Ásar. Í breytingunni felst aukning á hámarks flatarmáli aukahúsa (geymslu, svefnhús, gróðurhús) innan deiliskipulagsins úr 20 m2 í 40 m2.
Sveitarstjórn Bláskógabyggðar samþykkir málið og að það fái málsmeðferð á grundvelli 2. mgr. 43. gr. skipulagslaga er varðar óverulega breytingu á deiliskipulagi og verði grenndarkynnt innan frístundasvæðisins.

-liður 4, Tunguholt 3 Holtahverfi; Stækkun geymslu; Fyrirspurn – 2009088
Lögð er fram fyrirspurn frá Gísla Harðarsyni vegna frístundalóðar við Tunguholt 3. Í fyrirspurninni felst aukning á byggingarheimildum innan deiliskipulagssvæðisins með þeim hætti að aukahús á lóð (geymsla, svefnhús, gróðurhús) verði allt að 40 m2 í stað 30 m2.
Sveitarstjórn Bláskógabyggðar samþykkir málið og að það fái málsmeðferð á grundvelli 2. mgr. 43. gr. skipulagslaga er varðar óverulega breytingu á deiliskipulagi og verði grenndarkynnt innan frístundasvæðisins.

-liður 5, Stekkur 1 L168122, 3 L221596 og 5; Niðurfelling, sameining og breytt stærð lóða; Deiliskipulagsbreyting – 2009069
Lögð er fram umsókn frá Ragnheiði B. Viðarsdóttur dags. 17. september 2020 er varðar breytingu á deiliskipulagi að Stekkum 1,3 og 5. Í breytingunni felst að mörk og stærðir lóðanna breytast, lóð nr. 5 L551597 er felld út og sameinast lóðunum tveim sem eftir verða og að aðkoma að Stekk 3 er breytt og fyrri aðkoma felld út.
Sveitarstjórn Bláskógabyggðar synjar niðurfellingu lóðar Stekks 5. Almennt skal ekki sameina og/eða skipta upp lóðum á þegar skipulögðum frístundasvæðum.

-liður 6, Efri-Reykir 167080; Hótelbygging og baðlón; Deiliskipulag – 1610007
Deiliskipulag hótels og baðlóns í land Efri-Reykja lagt fram til afgreiðslu eftir auglýsingu. Umsagnir bárust frá Umhverfisstofnun, Heilbrigðiseftirliti Suðurlands, Náttúrufræðistofnun Íslands, Minjastofnunnar Íslands og Vegagerðinni. Engar athugasemdir bárust utan umsagna ofangreindra aðila.
Skipulagsnefnd UTU taldi við afgreiðslu málsins að brugðist hafi verið við öllum helstu umsögnum og athugasemdum sem borist hafa vegna málsins innan greinargerðar skipulagsins og umhverfisskýrslu. Skipulagsnefnd mæltist þó til þess að greinargerð skipulagsins yrði uppfærð í samráði við skipulagsfulltrúa er varðar svar Verkís við athugasemdum Heilbrigðiseftirlits Suðurlands.
Lögð var fram uppfærð greinargerð skipulagsins, dagsett 20. október 2020. Sveitarstjórn samþykkir deiliskipulagstillöguna ásamt umhverfisskýrslu, dagsett 20. október 2020, sem er hluti deiliskpulagsins, til gildistöku eftir auglýsingu í samræmi við 41. og 42. gr. skipulagslaga nr. 123/2010 og að hún verði send Skipulagsstofnun til yfirferðar áður en tillagan tekur gildi með auglýsingu í B-deild Stjórnartíðinda.

-liður 7, Kjarnholt 2 land 6 (L205291); umsókn um byggingarleyfi; hesthús – 2009077
Fyrir liggur umsókn Hrólfs K. Cela fyrir hönd Gylfa Gíslasonar, móttekin 01.09.2020 um byggingarleyfi til að byggja hesthús 107 m2 á lóðinni Kjarnholt 2 land 6 (L205291) í Bláskógabyggð.
Sveitarstjórn Bláskógabyggðar samþykkir útgáfu byggingarleyfis fyrir hesthúsi á landi Kjarnholta 2 land 6 og að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.

-liður 8, Ketilvellir lóð (L167815); umsókn um byggingarleyfi; sumarbústaður – viðbygging – 2009086
Fyrir liggur umsókn Björns Helgasonar fyrir hönd Halldórs Guðbjarnarsonar, móttekin 24.09.2020 um byggingarleyfi til að byggja við sumarbústað 41,5 m2 á sumarbústaðalandinu Ketilvellir lóð (L167815) í Bláskógabyggð. Heildarstærð á sumarbústaði eftir stækkun verður 107,3 m2.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.

Fundargerðin var lögð fram til kynningar að öðru leyti.

204. fundur:
-liður 8, Stíflisdalur 2 L170166; Lóðir 13 og 14; Minnkun lóða og skilmálabreyting; Deiliskipulagsbreyting – 2010060
Lögð er fram umsókn frá Sigfúsi A. Schopka dags. 12. okt. 2020 er varðar breytingu á deiliskipulagi að Stíflisdal II. Í breytingunni felst að lóðir nr. 12 og 14 minnka, hámarks byggingarmagn lóða miðast við nýtingarhlutfallið 0,03 og að heimild vegna auka- og/eða gestahúss geti verið allt að 40 fm.
Sveitarstjórn Bláskógabyggðar samþykkir viðkomandi breytingar á deiliskipulagi svæðisins og að málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi. Þar sem fyrir liggur samþykki allar hlutaðeigandi fyrir umræddum breytingum telur sveitarstjórn ekki þörf á grenndarkynningu. Sveitarstjórn mælist til þess að skipulagsuppdrátturinn verði uppfærður að nýjum staðföngum og númer lóða verði bætt við til samræmis við samþykki sveitarstjórnar þ. 20.08.2020 frá máli nr. 2007020.

-liður 9, Þjóðgarðurinn á Þingvöllum; Búðarstígur; Norður- og suðurhluti; Framkvæmdaleyfi – 2010066
Lögð er fram umsókn frá Þjóðgarðinum á Þingvöllum vegna útgáfu framkvæmdaleyfis. Í framkvæmdinni felst gerð göngustígs á búðarsvæði. Markmið framkvæmdarinnar er að gera syðri hluta búðarsvæðisins betur aðgengilegt. Stígurinn er í samræmi við deiliskipulag í vinnslu en framkvæmdum við hann hefur þurft að flýta þar sem fjármögnun barst þjóðgarðinum til stígagerðar í gegnum átaksverkefni Ríkisstjórnarinnar tengt Covid 19. Verkefnið er unnið í nánu samráði við Minjastofnun.
Sveitarstjórn Bláskógabyggðar samþykkir útgáfu framkvæmdaleyfis á grundvelli framlagðra gagna og umsagna og felur skipulagsfulltrúa útgáfu leyfisins.

-liður 10, Kolgrafarhóll 11 L167664 og 13 L167665 (Apavatn 2 lóð); Breyting á afmörkun lóða – 2010061
Lögð er fram umsókn Róberts Ö. Jónssonar, dags. 16. október 2020, er varðar breytingu á lóðamörkum tveggja lóða. Um er að ræða lóðirnar Apavatn 2 lóð L167664 og Apavatn 2 lóð L167665 sem munu fá staðföngin Kolgrafarhóll 13 og 15 í samræmi við deiliskipulag í máli nr. 2001057 fyrir nýjar lóðir innan svæðisins sem eru með sama aðkomuveg. Óskað er eftir því að lóðamörk milli 13 og 15 færist á þann veg að lóð 11 stækki úr 5.600 fm í 6.000 fm og lóð 13 minnki sem því nemur úr 5.600 fm í 5.200 fm. Fyrirhugað er að sækja um stækkun húss á lóð 11 og með breytingunni næst að uppfylla regluna um 10 m fjarlægð húsa frá lóðamörkum.
Sveitarstjórn gerir ekki athugasemd við lóðamarkabreytinguna skv. fyrirliggjandi umsókn. Sveitarstjórn Bláskógabyggðar samþykkir fyrirliggjandi umsókn með fyrirvara um lagfæringu á gögnum í samráði við skipulagsfulltrúa og fyrirvara um samþykki eigenda aðliggjandi lóða á hnitsetningu lóðanna.

-liður 11, Brúarhvammur lóð 1 L167225; Brúarhvammur lóð 2 L174434; Útfelling byggingarheimildar; Stækkun lóðar; Deiliskipulagsbreyting – 2007044
Lögð er fram deiliskipulagsbreyting vegna Brúarhvamms lóð 1 og Brúarhvamms lóð 2 að lokinni auglýsingu. Athugasemdir bárust frá einum aðila á auglýsingartíma deiliskipulagsbreytingar og er hún lögð fram til afgreiðslu nefndarinnar. Í breytingunni felst að felld er út byggingarheimild fyrir 30 fm geymsluskúr innan byggingarreits í samræmi við úrskurð Úrskurðarnefndar umhverfis- og auðlindamála 112/2019 auk þess sem gert er ráð fyrir breyttri skiptingu lóða innbyrðis auk þess sem byggingarheimimild er skilgreind á nýjan hátt án þess að heildar fm fjöldi sé aukinn. Samkvæmt núverandi skipulagi er gert ráð fyrir 500 fm gistiheimili á lóð 2. Með breyttu skipulagi verður heimild fyrir 10 smáhýsum allt að 50 fm að stærð innan lóðar.
Sveitarstjórn Bláskógabyggðar samþykkir deiliskipulagsbreyting eftir auglýsingu án breytinga. Athugasemdir sem bárust vegna málsins taka að mati sveitarstjórnar eingöngu til eignaréttarlegs ágreinings á milli lóðarhafa. Sveitarstjórn hvetur málsaðila til að leita sátta og fá úr ágreiningi sínum skorið. Deiliskipulag sem tekur til viðkomandi lóða hefur verið í gildi á svæðinu síðan 2007. Breyting þessi tekur á engan hátt til afmörkunar svæðisins en skilgreinir skiptingu lóða innan þess á nýjan hátt auk þess sem byggingarheimild er endurskilgreind. Sveitarstjórn telur því ekki ástæðu til að bregðast við athugasemdum þar sem þær taka ekki efnislega afstöðu til þeirra atriða sem um er fjallað innan breytingartillögunnar, eingöngu um ágreiningsmál vegna landamerkja. Að mati sveitarstjórnar er á margan hátt skynsamlegra að byggingarheimildir innan svæðisins verði minni en fleiri einingar út frá þeim ágreiningsefnum sem uppi eru innan svæðisins. Með afgreiðslu sveitarstjórnar er ekki tekin afstaða til einkaréttarlegs ágreinings um afmörkun lóðanna. Skipulagsfulltrúa er falið að senda tillöguna til Skipulagsstofnunar til afgreiðslu skv. 42. gr. skipulagslaga og að birta auglýsingu í B-deild Stjórnartíðinda er varðar gildistöku skipulagsbreytingar.

-liður 12, Miðdalur L167644; Aukin byggingarheimild; Hjólhýsasvæði fellt út; Deiliskipulagsbreyting – 2010059
Lögð er fram umsókn frá Grafía dags. 14.10.2020 vegna breytinga á deiliskipulagi orlofs- og frístundabyggðar í landi Miðdals í Laugardal. Í breytingunni felst að byggingarheimild fyrir frístundahús innan svæðisins er aukin úr 60 fm í 85 fm og að lóðarhafar geti byggt allt að 25 fm smáhýsi/gestahús á hverri lóð innan stækkaðs byggingarreits auk 15 fm geymslu. Svæði fyrir hjólhýsi er fellt út.
Sveitarstjórn telur að lóðarstærðir innan svæðisins og nýtingarhlutfall þeirra falli illa að skilmálum aðalskipulags er varðar nýtingarhlutfall lóða innan frístundasvæða. Lóðir innan svæðisins eru að jafnaði á bilinu 900-1600 fm að stærð og hámarks bygingarmagn innan þeirra því á bilinu 45 – 80 fm að jafnaði sé miðað við nýtingarhlutfallið 0,05. Sveitarstjórn frestar afgreiðslu málsins og felur skipulagsfulltrúa að annast hugsanlega lausn málsins gagnvart umsækjanda og skipulagshönnuði.

-liður 13, Efra-Apavatn 1A L226187, Efra-Apavatn 1 lóð L167651 og L167652; Baldurshagi, Hlíð, Vigdísarlundur; Veglagning; Framkvæmdaleyfi – 2010065
Lögð er fram umsókn frá landeigendum L226187, 167651 og 167652 vegna veglagningar í landi þeirra við Rollutanga í Efra-Apavatni og er innan skipulagssvæðis sem er í vinnslu í máli nr. 2003002. Í umsókninni felst að óskað er eftir útgáfu framkvæmdaleyfis vegna veglagninga innan svæðisins þar sem skilgreindar eru tvær nýjar tengingar og eldri tenging er lögð niður.
Sveitarstjórn Bláskógabyggðar samþykkir útgáfu framkvæmdaleyfis á grundvelli deiliskipulags eftir að skipulag hefur tekið gildi með birtingu auglýsingar í B-deild Stjórnartíðinda og felur skipulagsfulltrúa að annast útgáfu leyfisins.

-liður 14, Efra-Apavatn 1A L226187, Efra-Apavatn 1 lóð L167652 og L167651; Skipting landsvæðis; Deiliskipulag – 2003002
Lögð er fram tillaga deiliskipulags að Efra-Apavatni eftir auglýsingu. Athugasemdir og ábendingar bárust á auglýsingatíma og eru þær lagðar fram til afgreiðslu skipulagsnefndar.
Skipulagsnefnd telur að brugðist hafi verið við umsögnum og athugasemdum á fullnægjandi hátt innan uppfærðs deiliskipulags. Nefndin mælist til þess við sveitarstjórn Bláskógabyggðar að málið verði samþykkt eftir auglýsingu og að gögn málsins verði send Skipulagsstofnun til yfirferðar í samræmi við 42. gr. skipulagslaga áður en tillagan tekur gildi með birtingu auglýsingar í B-deild stjórnartíðinda.

-liður 15, Skálabrekka L170163; Úr landbúnaðarsvæði í frístundasvæði; Aðalskipulagsbreyting – 2006052
Lögð er fram tillaga aðalskipulagsbreytingar vegna Skálabrekku L170163. Í breytingunni felst að landbúnaðarsvæði innan jarðarinnar breytist í frístundasvæði og lega núverandi svæðis breytist.
Sveitarstjórn Bláskógabyggðar vísar málinu til skipulagsnefndar að nýju.

-liður 16, Lindargata 7 (L186575); Umsókn um byggingarleyfi; Sumarhús – stækkun (sólskáli) – 1805031
Erindi sett að nýju fyrir fund. Fyrir liggur ný umsókn frá Lind 7 sf. dags. 15.05.2019 móttekin 22.05.2019 um byggingarleyfi til að byggja sólskála 28,3 m2 við sumarhús á sumarhúsalóðinni Lindargata 7 (L186575) í Bláskógabyggð. Heildarstærð eftir stækkun er 96,9 m2
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.