272. fundur sveitarstjórnar Bláskógabyggðar

-liður 4, Kolgrafarhóll; Apavatn 2; 5 lóðir; Deiliskipulag – 2001057
Lögð er fram deiliskipulagstillaga fyrir 5 lóðir innan frístundabyggðar að Kolgrafarhól, Apavatni 2, til afgreiðslu eftir yfirferð Skipulagsstofnunar. Athugasemdir bárust frá Skipulagsstofnun sem brugðist hefur verið við innan tillögu deiliskipulagsins.
Sveitarstjórn Bláskógabyggðar samþykkir framlagt deiliskipulag eftir auglýsingu. Brugðist hefur verið við athugasemdum og umsögnum sem bárust vegna málsins. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunnar í samræmi við 42. gr. skipulagslaga nr. 123/2010.

-liður 5, Stekkatún 1 L222637 og 5 L224218; Úr frístundalóðum í landbúnaðarland; Aðalskipulagsbreyting – 2009065
Lögð er fram tillaga aðalskipulasbreytingar vegna Stekkatúns 1 og 5. Skipulagslýsing var í kynningu frá 28. október til 18. nóvember 2020. Engar athugasemdir bárust á kynningartíma lýsingar. Í tillögunni felst að hluta frístundasvæði F73 er breytt í landbúnaðarland.
Sveitarstjórn Bláskógabyggðar samþykkir tillögu aðalskipulagsbreytingar til kynningar í samræmi við 30. gr. skipulagslaga nr. 123/2010.

-liður 6, Snorrastaðir lóð (L168091); umsókn um byggingarleyfi; skjólveggur – 2011075
Fyrir liggur umsókn Páls V. Bjarnasonar fyrir hönd Rthor ehf., móttekin 23.11.2020 um byggingarleyfi til að byggja skjólvegg meðfram lóðarmörkum á sumarbústaðalandinu Snorrastaðir lóð (L168091) í Bláskógabyggð.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa

-liður 7, Sóltún (L212116); umsókn um byggingarleyfi; íbúðarhús, viðbygging – bílskúr – 2011081
Fyrir liggur umsókn Birkis K. Péturssonar fyrir hönd Sigurþórs Jóhannessonar, móttekin 26.11.2020 um byggingarleyfi til að byggja bílskúr við íbúðarhús 61,7 m2 á íbúðarhúsalóðinni Sóltún (L212116) í Bláskógabyggð. Heildarstærð á íbúðarhúsi með bílskúr verður 198,1 m2
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.

-liður 8, Reiðleið með Skeiða- og Hrunamannavegi; Aðalskipulagsbreyting – 2012004
Lögð er fram skipulagslýsing vegna fyrirhugaðra breytinga á aðalskipulagi Bláskógabyggðar 2015-2027. Í breytingunni felst að sett verður inn reiðleið meðfram hluta Skeiða- og Hrunamannavegar og reiðleið sem er fyrir í aðalskipulagi færist vestur fyrir veg.
Sveitarstjórn Bláskógabyggðar samþykkir skipulagslýsingu til kynningar og umsagna í samræmi við 30. gr. skipulagslaga nr. 123/2010.

-liður 9, Skálpanesvegur; Tvær námur; Aðalskipulagsbreyting – 2012005
Lögð er fram skipulagslýsing vegna fyrirhugaðra breytinga á aðalskipulagi Bláskógabyggðar 2015-2027. Í breytingunni felst að skilgreind eru tvö nú efnistökusvæði við Skálpanesveg.
Sveitarstjórn Bláskógabyggðar samþykkir skipulagslýsingu til kynningar og umsagna í samræmi við 30. gr. skipulagslaga nr. 123/2010.

-liður 10, Heiði lóð 13 L167324; Stækkun lóðar; Deiliskipulagsbreyting – 2008062
Lögð er fram umsókn frá Hrafni Heiðdal Úlfssyni vegna breytingar á deiliskipulagi fyrir Heiði lóð 13, L167324. Í breytingunni felst stækkun lóðar til samræmis við skráða stærð lóðarinnar. Málinu var frestað á 201. fundi skipulagsnefndar þar sem farið var fram á undirritað samþykki landeiganda upprunalands fyrir deiliskipulagsbreytingu. Staðfesting þess efnis hefur borist embættinu.
Sveitarstjórn Bláskógabyggðar samþykkir viðkomandi breytingar á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.

-liður 11, Miðdalur L167644; Aukin byggingarheimild; Hjólhýsasvæði fellt út; Deiliskipulagsbreyting – 2010059
Lögð var fram umsókn frá Grafía dags. 14. október 2020, vegna breytinga á deiliskipulagi orlofs- og frístundabyggðar í landi Miðdals í Laugardal, á 204. fundi skipulagsnefndar. Skipulagsnefnd frestaði afgreiðslu málsins og fól skipulagsfulltrúa að annast hugsanlega lausn málsins gagnvart umsækjanda og skipulagshönnuði. Skipulagsfulltrúi kynnti fyrir nefndinni hugsanlegar tillögur að lausnum vegna málsins. Lagt fram til kynningar.

-liður 12, Berghof 3 L218587; Bergsstaðir L189405; Stækkun lóðar – 2012012
Lögð er fram umsókn Péturs H. Halldórssonar, dags. 13. nóvember 2020, f.h. Sporðdrekans ehf, er varðar stækkun lóðarinnar Berghof 3 L218587. Lóðin er í dag skráð 19.287 fm en eftir stækkun verður hún um 4,5 ha skv. lóðablaði. Stækkunin kemur úr Bergstöðum L189405. Lóðin er innan gildandi skipulags samþykkt þ. 4. desember 2007 en þar er gert ráð fyrir að hún sé um 2 ha.
Sveitarstjórn gerir ekki athugasemd við stækkun landeignarinnar skv. fyrirliggjandi umsókn. Ekki er gerð athugasemd við staðfestingu landskipta skv. 13. jarðalaga. Sveitarstjórn Bláskógabyggðar samþykkir fyrirliggjandi umsókn með fyrirvara um að samhliða verði deiliskipulag svæðisins uppfært til samræmis. Sveitarstjórn mælist til þess að unnin verði óveruleg breyting á deiliskipulagi svæðisins og að hún fái málsmeðferð á grundvelli 2. mgr. 43. gr. skipulagslaga nr. 123/2010.

Aðrir liðir fundargerðarinnar voru lagði fram til kynningar.

iii) Gjaldskrá fyrir fráveitu og hreinsun rotþróa í Bláskógabyggð, nr. 1314/2019:

Fráveitugjald verði 0,25% af heildarfasteignamati eigna sem tengjast fráveitukerfum sveitarfélagsins.
Sveitarfélagið innheimtir árlega rotþróargjald til niðurjöfnunar á kostnaði við tæmingu rotþróa, skv. 18. gr. samþykktar um fráveitur og rotþrær í Bláskógabyggð.
Árlegt rotþróargjald þar sem tæming á sér stað þriðja hvert ár skal vera eftirfarandi:
Rotþró 0 ?6000 lítra kr. 10.927.
Rotþró 6001 lítra og stærri kr. 2.429 pr./m3
Árlegt rotþróargjald þar sem tæming á sér stað annað hvert ár skal vera eftirfarandi:
Rotþró 0 ?6000 lítra kr. 16.386
Rotþró 6001 lítra og stærri kr. 3.644 pr./m3
Árlegt rotþróargjald þar sem tæming á sér stað á hverju ári skal vera eftirfarandi:
Rotþró 0 ?6000 lítra kr. 32.782
Rotþró 6001 lítra og stærri kr. 7.290 pr./m3
Fyrir aukahreinsun, að beiðni eiganda, greiðist eftirfarandi:
Aukahreinsun á rotþró í tengslum við aðra hreinsun kr. 45.000.-
Aukahreinsun á rotþró sem sérferð kr. 110.000.-
Afsláttur sem er veittur tekjulágum elli- og örorkulífeyrisþegum sem eiga lögheimili í viðkomandi fasteign fer eftir samþykkt um tekjuviðmið sem samþykkt var í sveitarstjórn Bláskógabyggðar þann 7. apríl 2011.

iv) Lóðarleiga:
Lóðarleiga verði 1% af fasteignamati lóða.

v) Gjaldskrá vegna meðhöndlunar úrgangs 2020:

Sorphirðugjald:
Ílátastærð
240 l ílát 42.105
360 l ílát 54.157
240 lítra ílát, stækkun 1 45.928 (brún, blá, græn)
240 lítra ílát, stækkun 2 62.589 (grá)
240 lítra ílát, stækkun 3 45.928 (2 brún, blá/græn)

Grátunna: söfnun á 21 dags fresti.
Brúntunna: söfnun á 21 dags fresti
Blátunna: söfnun á 42 daga fresti.
Græntunna: söfnun á 42 daga fresti.

Sorpeyðingargjald vegna heimilisúrgangs:
Íbúðarhúsnæði 25.357 kr.
Frístundahúsnæði 21.387 kr.
Lögbýli 14.280 kr.
Fyrirtæki 52.843 kr.
Móttökugjald á einn m3: 5.800 kr.

Gjalddagar fasteignagjalda verði 6 talsins, innheimt mánaðarlega frá 1. febrúar 2021. Eindagar eru 30 dögum eftir gjalddaga.

5. Gjaldskrár aðrar:
a) Gjaldskrá leikskóla Bláskógabyggðar hækki um 2,8% frá og með janúar 2021.
b) Gjaldskrá mötuneytisins í Aratungu, 2021 hækki um 2,8% á mat til starfsmanna, eldri borgara og kostgangara.

Lögð var fram eftirfarandi greinargerð með fjárhagsáætlun 2021 og þriggja ára áætlun 2022-2024:
Greinargerð með fjárhagsáætlun fyrir árið 2021 og þriggja ára áætlun 2022-2024
Fjárhagsáætlun Bláskógabyggðar fyrir árið 2020 er lögð fram til síðari umræðu í sveitarstjórn fimmtudaginn 10. desember 2020.
Grunnur fjárhagsáætlunar 2021-2024 byggir á áætlun 2020 með viðaukum.
Almenna reglan er að tölulegur hluti fjárhagsáætlunar ræður ef misræmi kann að vera á milli texta í greinargerð og tölulega hlutans.
I Fjárhagsáætlun 2021
Í fjárhagsáætlun fyrir árið 2021, eins og hún er lögð fram til síðari umræðu í sveitarstjórn, er áætlað að rekstrarafgangur verði 3,3 millj.kr. eftir fjármagnsgjöld, afskriftir og skatta.
Óvissa er um þróun útsvarstekna vegna samdráttar af völdum Covid-19. Útsvarstekjur vegna ársins 2020 verða lægri en gert var ráð fyrir í upphaflegri fjárhagsáætlun og getur sá munur numið allt að 10% frá því sem áætlað var. Áætlanir sem gerðar voru í maí s.l. og byggðu á gögnum um atvinnuleysi og spá Byggðastofnunar um tekjuþróun gerði þó ráð fyrir enn meiri tekjusamdrætti en nú er útlit fyrir að verði raunin. Horft er til þess við mat á tekjum næsta árs.
Í fjárhagsáætluninni er fylgt áætlun Jöfnunarsjóðs sveitarfélaga um þróun greiðslna úr Jöfnunarsjóði og horft til áætlunar Sambands íslenskra sveitarfélaga um þróun útsvarstekna, en að teknu tilliti til útsvarstekna síðustu mánuði og þess að horfur kunna að vera betri en áætlað var fyrr á árinu. Hvað útsvarið varðar er gert ráð fyrir að það verði 3,6% hærra 2021 en núgildandi áætlun fyrir 2020, með viðaukum, gerir ráð fyrir vegna ársins 2020, en 2,8% lægra en það var árið 2019.
Rekstrarútgjöld hækka milli ára vegna áhrifa af kjarasamningsbundnum launahækkunum og vegna hækkana á ýmsum liðum sem snúa að vöru- og þjónustukaupum. Umtalsverðar hækkanir urðu á launaliðum á árinu 2020 vegna kjarasamninga, en flestir samningar starfsmanna sveitarfélagsins voru lausir í upphafi árs. Einnig var samið um breytingar á vinnutíma, svo sem lengingu orlofs fyrir alla í 30 daga, fjölgun undirbúningstíma á leikskólum og styttingu vinnutíma sem nemur 13 mínútum á dag. Rekstrarafgangur fyrir fjármagnsgjöld og skatta er áætlaður 67,6 millj.kr. og veltufé verði 123 millj.kr. eða 7,2% af heildartekjum.
Óverulegar breytingar eru á rekstri einstaka eininga og stofnana, útgjöld aukast þó, m.a. vegna kjarasamningshækkana og verðlagshækkana. Áætlað er að útgjöld til fræðsumála, sem eru sá málaflokkur sveitarfélagsins sem tekur til sín mest fjármagn hækki um 5,4%. Útgjöld aukast talsvert við nokkur af samstarfsverkefnum sveitarfélaganna, á það m.a. við um velferðarþjónustu, þar sem framlög hækka um rúm 50%, en stöðugildum var fjölgað á seinni hluta þessa árs, m.a. vegna aukins álags í barnavernd, Brunavarnir Árnessýslu, þar sem kostnaðarhlutdeild Bláskógabyggðar hækkar um 14,9% á milli ára og áætlað er að kostnaðarhlutdeild Bláskógabyggðar í skipulags- og byggingarfulltrúaembættinu hækki um 4,5%, en endanlegt uppgjör ræðst m.a. af fjölda byggingar- og skipulagsmála í sveitarfélaginu.
Ljóst er að kostnaður vegna sorpeyðingar mun hækka á næsta ári, umfram verðlagshækkanir, stafar það af því að horfur eru á að leita verði annarra leiða til afsetningar úrgangs en nýttar hafa verið til þessa, m.a. með útflutningi almenns úrgangs til brennslu til orkuöflunar. Sorphirða verður boðin út að nýju í upphafi næsta árs. Gjaldskrá sorphirðugjalda hækkar um 2,8%, í samræmi við áætlaða þróun verðlags, en gjald fyrir sorpeyðingu hækkar um 5%. Sorphirðugjöldum og gjöldum skv. gjaldskrá fyrir gámasvæði er ætlað að standa undir kostnaði við sorphirðu og rekstur gámasvæðis og sorpeyðingargjöldum er ætlað að standa undir kostnaði við sorpeyðingu. Þrátt fyrir hækkanir á gjaldskrá er áætlað að greiða þurfi um 33 millj.kr. með málaflokknum á næsta ári. Klippikort verða áfram til reiðu fyrir greiðendur sorpeyðingargjalda. Íbúar eru hvattir til að minnka sorpmagn sem kostur er, og flokka úrgang eins og sorphirðukerfi sveitarfélagsins gerir ráð fyrir. Nokkuð hefur borið á því að ekki er gengið rétt frá lífrænum úrgangi og hefur það leitt til þess að ekki er unnt að nýta hann til moltugerðar heldur hefur þurft að meðhöndla hann með almennum úrgangi, sem er mun kostnaðarsamara. Íbúar eru því hvattir til að nota poka úr niðurbrjótanlegum efnum fyrir þann úrgang, en ekki venjulega plastpoka eða burðarpoka sem verslanir bjóða, en þeir brotna ekki niður við moltugerð.
Fjárfestingar eru áætlaðar fyrir um 223 millj.kr. á næsta ári. Endurnýjun gatna og göngustíga verður framhaldið og byggt á forgangsröðun sem ákveðin var í sveitarstjórn 2019. Haldið verður áfram endurbótum á Hverabraut 6-8, sem sveitarfélagið leigir UMFÍ, og ráðist í endurbætur á Dalbraut 12, þar sem skipulags- og byggingarfulltrúaembættið er til húsa. Unnið verður að viðhaldi grunnskóla og íþróttamannvirkja og lokið endurnýjun grunnskólalóða og leikvallar í Laugarási, auk endurbóta á lóð leikskólans á Laugarvatni.
Deiliskipulag þéttbýlisins á Laugarvatni er í lokavinnslu og áætlað að það geti tekið gildi á fyrsta fjórðungi næsta árs. Verður þá unnt að bæta úr skorti á lóðum fyrir íbúðarhúsnæði á Laugarvatni, og er gert ráð fyrir fjármagni til gatnagerðar. Fyrsta áfanga gatnagerðar í Brekkuholti í Reykholti er að ljúka og hefur flestum lóðum við þá götu verið úthlutað. Lagnavinna og yfirborðsfrágangur götu og gangstéttar verður boðinn út í upphafi nýs árs. Áætlað er að hefjast handa við endurnýjun fráveitu á Laugarvatni, en undirbúningur og hönnun hefur staðið yfir. Verkinu verður skipt í áfanga og vatnsveita og götur endurnýjaðar samhliða, eftir þörfum, auk þess sem ljósleiðari verður lagður. Framkvæmdir við fráveitu í Reykholti eru einnig á dagskrá, m.a. í þeim tilgangi að tengja fyrirhugaða hótelbyggingu við fráveitukerfi.
Lagningu ljósleiðara í dreifbýli í Bláskógabyggð er um það bil að ljúka. Framkvæmdir hófust í nóvember 2019. Áætlað var að þeim myndi ljúka í lok október s.l., tafir hafa orðið á verkinu en nú hyllir undir verklok. Áætlað er að hefja vinnu við lagningu ljósleiðara í Reykholti og Laugarási á vormánuðum og er hönnunarvinna langt komin.
Sem fyrr er áhersla er á uppbyggingu grunninnviða og áætlað að verja talsverðu fjármagni til hitaveitu, vatnsveitu og fráveitu. Stefnt er að því að ljúka uppsetningu fjarálestrarmæla hjá Bláskógaveitu, en gera varð hlé á því verkefni vegna Covid-19. Þá verður áfram unnið að innmælingu lagna. Hjá Bláskógaveitu eru áætlaðar fjárfestingar fyrir 29 millj.kr. Vatnsveita Bláskógabyggðar er með áætlaða fjárfestingu fyrir 28 millj.kr. Tengigjöld veitna á móti framkvæmdakostnaði eru áætluð um 10 millj.kr. Könnun á möguleikum þess að ráðast í sameiginlega vatnsveitu nokkurra sveitarfélaga er hafin og verður þeirri vinnu framhaldið á næsta ári. Hjá fráveitu eru áætlaðar fjárfestingar fyrir 34 millj.kr.
Bláskógabyggð hefur ráðist í miklar fjárfestingar á síðustu árum, m.a. byggingu leikskóla, lagningu ljósleiðara og umfangsmkilar endurbætur húsnæðis, auk gatnaframkvæmda og göngustígagerðar, svo dæmi séu nefnd. Skuldir sveitarfélagsins hafa því vaxið og er gert er ráð fyrir lántökum á árinu 2021. Gert er ráð fyrir að greidd verði niður lán að fjárhæð 91 millj.kr. en tekin ný lán að fjárhæð 220 millj.kr. Áætlað er að skuldaviðmið skv. sveitarstjórnarlögum verði áfram langt undir lögboðnu hámarki, sem er 150%, en skv. áætluninni mun það vera um 65,9% í lok ársins 2021.
Gjaldskrár vegna þjónustugjalda hækka almennt um 2,8%. Álagningarhlutfall fasteignaskatts á íbúðarhúsnæði er óbreytt á milli ára, 0,5%. Álagningarhlutfall fasteignaskatts atvinnuhúsnæðis er óbreytt á milli ára, 1,50%. Álagningarhlutfall fráveitugjalds er óbreytt, 0,25% og vatnsgjalds 0,3%, en hámarksgjald vatnsgjalds verður 57.373 á sumarhús og íbúðarhús og lágmarksgjald verður 17.211. Gjald fyrir hreinsun rotþróa hækkar um 2,8%.
Brýnt er að sýna stöðugt aðhald í rekstri til að kostnaður við rekstur málaflokka sé í sem bestu samræmi við þær tekjur sem sveitarfélagið hefur.

II Nokkrar lykiltölur
Rekstur :
Fjárhagsáætlun sem nú liggur fyrir til fyrri umræðu gerir ráð fyrir að rekstrarniðurstaða samstæðunnar án afskrifta og fjármagnsliða sé jákvæð um 152,8 millj.kr. Afskriftir eru áætlaðar 85 millj.kr., fjármagnskostnaður nettó er áætlaður 62,4 millj.kr. Tekjuskattur vegna Bláskógaveitu reiknast 1,8 millj.kr. Heildarniðurstaða samstæðunnar er því jákvæð um 3,6 millj.kr.
Áætlunin gerir ráð fyrir að samanlagðar tekjur A og B hluta verði 1.714,5 millj.kr. á árinu 2021. Hlutur skatttekna (útsvar, fasteignagjöld og Jöfnunarsjóður) í samanlögðum tekjum í A hluta er 1.277 millj.kr. eða 84,6%.
Samkvæmt áætluninni þá verða skatttekjur (útsvar, Jöfnunarsjóður og fasteignaskattur) á íbúa 1.028 þús.kr. og heildareignir á íbúa verða 2.306 þús.kr.
Heildarlaunakostnaður er áætlaður 731 millj.kr. sem er 42,7% af heildartekjum og 57,2% af skatttekjum. Annar rekstrarkostnaður er áætlaður um 830 millj.kr.

Fjárfestingar :
Nettófjárfestingar ársins eru áætlaðar 223 millj.kr. Afborganir lána eru áætlaðar 91 millj.kr. og nýjar lántökur eru áætlaðar 220 millj.kr. Í töflunni hér að neðan má sjá skiptingu helstu framkvæmda (nettó) á málaflokka:

Á móti framkvæmdum í umferðar- og samgöngumálum koma gatnagerðargjöld og tengigjöld veitna sem dragast frá í fjárfestingaráætlun.

III 3ja ára fjárhagsáætlun fyrir árin 2022 – 2024
Þriggja ára áætlun er ekki staðfest fjárhagsáætlun fyrir árin 2022-2024 heldur yfirlit yfir það sem er á dagskrá þessi ár. Við fjárhagsáætlanagerð hvers árs fer fram nánari útfærsla á þriggja ára áætlun miðað við þær forsendur sem þá liggja fyrir og því geta fjárhæðir og framkvæmdahraði vegna einstakra verkefna breyst frá því sem fram kemur í þriggja ára áætlun hverju sinni.
Almenna reglan er að tölulegur hluti fjárhagsáætlunar ræður ef misræmi kann að vera á milli texta í greinargerð og tölulega hlutans.

Stefnumörkun
Til grundvallar þeirri þriggja ára áætlun sem hér er lögð fram liggur fjárhagsáætlun fyrir árið 2021 en jafnframt er byggt á þriggja ára áætlun 2021-2023. Ekki er gert ráð fyrir breytingum í rekstri málaflokka.

Fjárfestingar eru áætlaðar fyrir rúman milljarð samtals á tímabilinu 2022-2024 og eru fjölbreytt verkefni sem falla þar undir. Áhersla er áfram lögð á að byggja upp innviði samfélagsins og að grunnkerfi þau sem sveitarfélagið rekur, s.s. gatnakerfi og veitur geti annað því álagi sem á þeim er.

Helstu forsendur áætlunar 2022 til 2024
Til að unnt sé að setja fram áætlunina hafa ákveðnar forsendur verið lagðar til grundvallar. Þriggja ára áætlun er byggð á áætlun ársins 2021 og er gerð á föstu verðlagi.
Gert er ráð fyrir óbreyttum rekstri allra málaflokka næstu 3 árin.

Skatttekjur
Áætlun á skatttekjum er byggð á áætlun ársins 2021.

Jöfnunarsjóður sveitarfélaga
Áætlun á framlögum Jöfnunarsjóðs er byggð á áætlun ársins 2021.

Fasteignaskattur
Gert er ráð fyrir óbreyttum tekjum af fasteignaskatti frá árinu 2021 árin 2022 til 2024.

Þjónustutekjur
Ekki er gert ráð fyrir hækkun á gjaldskrám vegna þjónustu sveitarfélagsins í áætluninni.

Laun
Áætlun launa og launatengdra gjalda er byggð á launaáætlun árisins 2021.

Rekstrarkostnaður
Áætlun rekstrarkostnaðar er byggð á áætlun ársins 2021.

Helstu niðurstöður áætlunar 2021 – 2024

Helstu kennitölur áætlunarinnar fyrir samstæðureikning (í þús. króna):

                                                                              2021                   2022                   2023                   2024

Eignasjóður                                                          127.000              217.000              287.000                15.000

Fráveita                                                                   34.000                55.000                15.000                40.000

Bláskógaveita                                                        29.000                10.000                30.000                20.000

Vatnsveita                                                              28.000                60.000                60.000             220.000

Bláskógaljós                                                             5.000                  3.000                  3.000                          0

Samtals fjárfesting nettó                                      223.000             345.000             395.000           295.000

Fjármagnsliðir
Fjármagnsliðir eru reiknaðir miðað við þau vaxtakjör sem sveitarfélagið býr við.

Fjárfestingar
Gert er ráð fyrir fjárfestingum fyrir 345 millj.kr. árið 2022, 395 millj.kr. árið 2023 og 295 millj.kr. árið 2024.

Lántökur
Ný langtímalán á árunum 2022-2024 eru áætluð 950 millj.kr. og niðurgreiðslur eldri lána eru áætlaðar á sama tímabili 394 millj.kr.

IV Lokaorð
Í fjárfestingarhluta þriggja ára ætlunar er leitast við að forgangsraða verkefnum og dreifa þeim með það að markmiði að halda skuldsetningu sveitarfélagsins sem minnstri og þar með að lágmarka fjármagnskostnað. Sá hluti áætlunarinnar sem snýr að rekstri byggir á því að ekki verði miklar breytingar á rekstri málaflokka milli ára. Nánari útfærsla áætlunar fyrir hvert ár fyrir sig er unnin í fjárhagsáætlun hverju sinni. Forsendur á borð við verðlagsþróun, íbúafjölgun, þróun tekna og útgjalda geta því haft áhrif á áætlun hvers árs fyrir sig.
Tekjur sveitarfélagsins hafa vaxið heldur síðustu ár. Íbúum í Bláskógabyggð hefur fjölgað jafnt og þétt og fasteignum fjölgað. Sveitarfélagið hefur staðið í miklum fjárfestingum og því hafa fylgt lántökur. Óvissutímar eru nú uppi vegna áhrifa af Covid-19. Mikil uppbygging hefur verið í ferðaþjónustu innan Bláskógabyggðar síðustu ár og mjög margir sem hafa unnið við þá atvinnugrein. Árið 2020 hefur sú atvinnugrein átt í miklum erfiðleikum þar sem komur erlendra ferðamanna til landsins hafa að mestu legið niðri síðan í febrúar. Atvinnuleysi hefur því mælst mikið í sveitarfélaginu síðustu mánuði. Aukinnar bjartsýni gætir nú þar sem útlit er fyrir að bólusetning vegna kórónuveiru hefjist upp úr áramótum. Þá hefur átt sér stað mikil uppbygging gróðurhúsa í Reykholti síðustu mánuði og vegur fjölgun starfa þar eitthvað upp á móti töpuðum störfum í ferðaþjónustu.
Fjárhagsáætlun fyrir árið 2021 hefur verið unnin í góðri samvinnu sveitarstjórnarfulltrúa og stjórnenda. Ber að þakka það óeigingjarna starf sem hér hefur verið unnið.

Umræða varð um tillögu að fjárhagsáætlun. Oddviti bar fyrirliggjandi tilllögu að fjárhagsáætlun Bláskógabyggðar 2021-2024 upp til samþykktar. Tillagan var samþykkt samhljóða og sveitarstjóra falið að annast skil á áætluninni til viðkomandi aðila.

Umsagnarfrestur er til 6. desember nk.

Umsagnarfrestur er til 11. desember nk.

Umsagnarfrestur er til 9. desember nk.

Umsagnarfrestur er til 9. desember nk.

Umsagnarfrestur er til 2. desember nk.

Umsagnarfrestur er til 2. desember nk.

Umsagnarfrestur er til 15. desember nk.

Umsagnarfrestur er til 1. desember nk.

Umsagnarfrestur er til 2. desember nk.

Umsagnarfrestur er til 11. desember nk.

Umsagnarfrestur er til 11. desember nk.