277. fundur sveitarstjórnar Bláskógabyggðar

-liður 3, Eyvindartunga; Langahlíð E19; Stækkun námusvæðis og efnisnámi; Fyrirspurn – 2102029
Lögð er fram fyrirspurn frá Eyvindartungu ehf. er varðar stækkun á efnistökusvæði E19 í landi Eyvindartungu. Um er að ræða aukningu á heimild fyrir efnistöku úr 50.000 m3 í 150.000 m3.
Sveitarstjórn tekur jákvætt í erindið. Sveitarstjórn bendir þó á að umræddar fyrirætlanir eru háðar eftirfarandi skilyrðum:
– Mati á umhverfisáhrifum sbr. lið 2.01. laga nr. 106/2000
– Umsókn um breytingu á aðalskipulagi Bláskógabyggðar þar sem náma E19 verður endurskilgreind m.t.t. umfangs.
– Deiliskipulagningu svæðisins þar sem gert er ráð fyrir öllum helstu framkvæmdaheimildum innan þess.

-liður 4, Brú L167070, Brúarmelur; Stofnun lóðar – 1912014
Lögð er fram umsókn frá Margeiri Ingólfssyni og Sigríði J. Guðmundsdóttur er varðar stofnun lóðar úr landi Brúar L167070. Um er að ræða 2.000 fm lóð og innan hennar er búið að reisa spennistöð í umsjón RARIK. Óskað er eftir að lóðin fái staðfangið Brúarmelur þar sem Brú höfðar til þess að lóðin er úr jörðinni Brú og melur lýsir landinu þar sem þarna er melur sem er hluti af malarnámu. Aðkoma að lóðinni er frá Biskupstungnabraut (35) um núverandi vegslóða að námu.
Sveitarstjórn gerir ekki athugasemd við stofnun lóðarinnar né staðfangið skv. fyrirliggjandi umsókn. Ekki er gerð athugasemd við staðfestingu landskipta skv. 13. gr. jarðalaga. Sveitarstjórn Bláskógabyggðar samþykkir erindið.

-liður 5, Laugagerði L193102; Verslun og þjónusta; Fyrirspurn – 2102035
Lögð er fram fyrirspurn frá Önnu Svövu Sverrisdóttur og Úlfari Erni Valdimarssyni er varðar fyrirhugaða uppbyggingu á lóð Laugagerðis lóð L193102. Í fyrirspurninni felst beiðni um mat skipulagsnefndar á því hvort að ráðist þurfi í breytingar á aðal- og/eða deiliskipulagi lóðar Laugagerðis L193102 gagnvart eftirfarandi byggingarheimildum:
Fjögur smáhýsi ætluð til útleigu ferðamanna, 25-30 fm hvert. 80-100 fm vinnustofu listamanns/myndlistagallerí sem jafnframt yrði verslun með leyfi fyrir veitingasölu. Í millitíðinni er óskað eftir því að að fá leyfi til að reka myndlistagallerí/verslun í núverandi bílskúr sem stendur á lóð Laugagerðis.
Sveitarstjórn tekur undir álit skipulagsnefndar, sem telur að sú starfsemi sem fyrirspurnin tekur til falli best undir verslunar- og þjónustustarfsemi líkt og skilgreint hefur verið næst vegi á lóðum gegnt viðkomandi svæði. Að sama skapi þurfi að uppfæra þurfi skilmála deiliskipulagsins að Laugarási sem taka til viðkomandi lóða þar sem þær eru flokkaðar sem garðyrkjulóðir með háu nýtingarhlutfalli fyrir gróðurhús. Sveitarstjórn gerir að öðru leyti ekki athugasemd við þá starfsemi sem lýst er inn fyrirspurnar og telur að hún eigi að geta hentað ágætlega innan þéttbýlisins að Laugarási samhliða fastri búsetu innan lóðarinnar en leggur áherslu á að farið verði í viðeigandi skipulagsbreytingar í samráði við skipulagsfulltrúa UTU og sveitarfélagið Bláskógabyggð.

-liður 6, Skálabrekkugata 18 L197194; Þakhalli; Skilmálar; Deiliskipulagsbreyting – 2102054
Lögð er fram umsókn frá Aðalsteini Jónssyni er varðar breytingar á skilmálum deiliskipulags frístundabyggðar í landi Skálabrekku. Í breytingunni felst rýmkun á heimildum er varðar þakhalla. Samkvæmt núverandi skilmálum er gert ráð fyrir að þakhalli innan svæðisins megi vera á bilinu 14-30°. Innan umsóknar er vísað til þess að á svæðinu séu nú þegar byggingar með minni þakhalla en skipulagið geri ráð fyrir.
Sveitarstjórn Bláskógabyggðar samþykkir breytingu á deiliskipulagi svæðisins sem geri ráð fyrir rýmkun skilmála er varðar þakhalla. Innan breytingar verði gert ráð fyrir að þakhalli megi vera á bilinu 0-30°. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt innan svæðisins.

-liður 7, V-Gata 30 (L170752); umsókn um byggingarleyfi; sumarbústaður – 2102026
Fyrir liggur umsókn Andrésar Úlfarssonar og Steinunnar M. Sigurðardóttur, móttekin 09.02.2021 um byggingarleyfi til að byggja 58,3 m2 sumarbústað á sumarbústaðalandinu V-Gata 30 L170752 í Bláskógabyggð.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.

-liður 8, Geldingafell; Fjallaskáli; Framafréttur; Deiliskipulag – 1903014
Lögð er fram tillaga deiliskipulags fyrir fjallaskála að Geldingafelli. Á svæðinu eru alls 7 byggingar, ýmist fyrir starfsfólk og búnað vegna þjónustu vélsleðaferða á Langjökul. Aðkoma er af Kjalvegi um Skálpanesveg. Til stendur að auka gisti- og veitingaaðstöðu fyrir allt að 50 manns. Einnig er gert ráð fyrir byggingum fyrir búnað vegna ferða á Langjökul. Stærð svæðisins er um 2 ha. Geldingafell er í aðalskipulagi Bláskógabyggðar 2015-2027 skilgreint sem skálasvæði. Skipulagið var áður auglýst frá 24. júlí 2019 með athugasemdafrest til 4. september 2019. Skipulagsstofnun taldi ekki ástæðu til að taka afstöðu til málsins eftir auglýsingu fyrr en fyrir lægi niðurstaða um matsskyldu sbr. lögum um mat á umhverfisáhrifum nr. 106/2000. Samkvæmt niðurstöðu Skipulagsstofnunar frá 15. desember 2020 er ekki talið að framkvæmdir á grundvelli deiliskipulags séu háðar mati á umhverfisáhrifum. Þar sem meira en ár er liðið frá því að athugasemdafrestur við deiliskipulagið rann út er málið tekið fyrir aftur til samþykktar.
Sveitarstjórn Bláskógabyggðar samþykkir deiliskipulagið og að það verði auglýst á grundvelli 41. gr. skipulagslaga nr. 123/2010 þar sem allar meginforsendur þess liggi fyrir innan aðalskipulags Bláskógabyggðar 2015-2027.

-liður 9, Árbúðir; Fjallaskáli; Afréttur norðan vatna; Deiliskipulag – 1903012
Lögð er fram tillaga deiliskipulags fyrir fjallaskála að Árbúðum skammt norðan við Hvítá á Kili. Á svæðinu eru alls 4 byggingar, ýmist fyrir gistingu og þjónustu, starfsfólk, salernisaðstöðu og hesthús. Til stendur að auka gisti- og veitingaaðstöðu fyrir allt að 70 manns. Stærð svæðis er um 2 ha. Árbúðir eru í aðalskipulagi Bláskógabyggðar 2015-2027 skilgreint sem hálendismiðstöð. Skipulagið var áður auglýst frá 24. júlí 2019 með athugasemdafrest til 4. september 2019. Skipulagsstofnun taldi ekki ástæðu til að taka afstöðu til málsins eftir auglýsingu fyrr en fyrir lægi niðurstaða um matsskyldu sbr. lögum um mat á umhverfisáhrifum nr. 106/2000. Samkvæmt niðurstöðu Skipulagsstofnunar frá 15. desember 2020 er ekki talið að framkvæmdir á grundvelli deiliskipulags séu háðar mati á umhverfisáhrifum. Þar sem meira en ár er liðið frá því að athugasemdafrestur við deiliskipulagið rann út er málið tekið fyrir aftur til samþykktar.
Sveitarstjórn Bláskógabyggðar samþykkir deiliskipulagið og að það verði auglýst á grundvelli 41. gr. skipulagslaga nr. 123/2010 þar sem allar meginforsendur þess liggi fyrir innan aðalskipulags Bláskógabyggðar 2015-2027.