279. fundur sveitarstjórnar Bláskógabyggðar

 

 

 

 

 

  1. fundur sveitarstjórnar Bláskógabyggðar haldinn í Aratungu, Reykholti,29. mars 2021 , kl. 17:00.

 

 

Fundinn sátu:

Helgi Kjartansson, Valgerður Sævarsdóttir, Óttar Bragi Þráinsson, Kolbeinn Sveinbjörnsson, Guðrún S. Magnúsdóttir, Róbert Aron Pálmason, Axel Sæland og Ásta Stefánsdóttir.

 

 

 

Fundargerð ritaði: Ásta Stefánsdóttir, sveitarstjóri.

Fundinn sat í Aratungu Helgi Kjartansson, oddviti, aðrir fundarmenn tóku þátt í gegnum fjarfundarbúnað.

 

1. Fundargerð skólanefndar – 2101002
17. fundur haldinn 16. mars 2021
Fundargerðin var staðfest.
2. Fundargerð skipulagsnefndar – 2101007
214. fundur haldinn 24. mars 2021, afgreiða þarf sérstaklega mál nr. 2-9.
-liður 2, Lækjarhvammur L167917; Stækkun lóðar; Deiliskipulagsbreyting – 2103047
Lögð er fram umsókn frá Kolbrúnu Ívarsdóttur og Maríu Antonsdóttur er varðar deiliskipulagsbreytingu á lóðum Lækjarhvamms L167917 og L216467. Í breytingunni felst stækkun lóða til norðurs fjær Grafará, breyting á aðkomu að lóðunum og breytingu á skilmálum er varðar byggingarheimildir innan lóða.
Sveitarstjórn Bláskógabyggðar samþykkir viðkomandi breytingar á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.

-liður 3, Efsti-Dalur 2 L167631; Ný lóð undir vélaskemmu skráða á Efsta-Dal 3 L199008; Deiliskipulagsbreyting; Stjórnsýslukæra til ÚUA – 2103036
Lögð er fram tilkynning um stjórnsýslukæru vegna deiliskipulagsbreytingar í landi Efsta-Dals 2 L167631 sem samþykkt var eftir kynningu á fundi skipulagsnefndar þann 4. febrúar 2021.
Sveitarstjórn mælist til þess að skipulagsfulltrúi svari framlagðri tilkynningu í samráði við lögfræðing.

-liður 4, Suðurhlið Langjökuls; Íshellir; Fyrirhuguð framkvæmd og skilmálar; Deiliskipulag – 2004047
Lögð er fram deiliskipulagstillaga vegna íshellis í sunnanverðum Langjökli. Í deiliskipulaginu felst afmörkun lóðar fyrir íshelli auk þess sem gert er grein fyrir heimiluðum framkvæmdum innan svæðisins, aðkomu og viðhaldi hellisins, frágangi svæðisins og umhverfisáhrifum. Samhliða er unnið að breytingu á aðalskipulagi Bláskógabyggðar þar sem skilgreint er afþreyingar- og ferðamannasvæði á því svæði sem deiliskipulagið tekur til.
Sveitarstjórn Bláskógabyggðar samþykkir deiliskipulagið og að það verði auglýst á grundvelli 41. gr. skipulagslaga nr. 123/2010 þar sem allar meginforsendur deiliskipulagsins liggi fyrir innan aðalskipulagsbreytingar sem er í auglýsingu.

-liður 5, Heiðarbær lóð L170185; Staðfesting á afmörkun og breytt stærð lóðar – 2103057
Lögð er fram umsókn Brynju Þóru Guðnadóttur, dags. 9. mars 2021, um staðfestingu á afmörkun lóðarinnar Heiðarbær lóð L170185 og breytingu á skráningu stærðar hennar skv. meðfylgjandi lóðablaði. Lóðin er skráð 3.750 fm en skv. lóðablaði mælist hún 4.996,03 fm og er afmörkun hennar í samræmi við fyrirhugað deiliskipulag svæðisins. Fyrir liggur samþykki lóðarhafa L170188 sem og Ríkiseigna fyrir hnitsettri afmörkun.
Sveitarstjórn gerir ekki athugasemd við afmörkun lóðarinnar skv. fyrirliggjandi umsókn og samþykkir erindið.

-liður 6, Helgastaðir 1 L167105; Íbúðarhús, vélageymsla og hesthús; Fyrirspurn – 2103058
Lögð er fram fyrirspurn frá Ólöfu Kristínu Kristjánsdóttur og Ólafi F. Gunnarssyni er varðar uppbyggingu innan jarðarinnar Helgastaða 1 L167105.
Sveitarstjórn gerir ekki athugasemd við þær fyrirætlanir sem tilteknar eru innan fyrirspurnarinnar. Sveitarstjórn mælist til þess að unnið verði deiliskipulag sem tekur til viðkomandi framkvæmda innan jarðarinnar.

-liður 7, Heiðarbær lóð (L170252); umsókn um byggingarleyfi; sumarbústaður – viðbygging – 2103051
Fyrir liggur umsókn Stefaníu H. Pálmadóttur fyrir hönd Kristínar Sandholt og Ingvars Vilhelmssonar, móttekin 11.03.2020, um byggingarleyfi til að byggja við 36,5 m2 sumarbústað á sumarbústaðalandinu Heiðarbær lóð L170252 í Bláskógabyggð. Lóðin er skráð 3.700 m2 að stærð og heildarstærð á sumarbústað eftir stækkun verður 102,3 m2.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa

-liður 8, Hrosshagi 4 (L228432); umsókn um byggingarleyfi; íbúðarhús – 2103054
Fyrir liggur umsókn Sigurðar U. Sigurðssonar fyrir hönd Gunnars Sverrissonar og Sigríðar J. Sigurfinnsdóttur, móttekin 13.03.2021, um byggingarleyfi til að færa 122,4 m2 aðstöðuhús frá Skálholti og breyta notkun í íbúðarhús á íbúðarhúsalóðinni Hrosshagi 4 L228432 í Bláskógabyggð.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.

-liður 9, Eyvindartunga L167632; Stækkun Lönguhlíðarnámu E19; Aðalskippulagsbreyting – 2103067
Lögð er fram umsókn frá Eyvindartungu ehf. er varðar breytingu á aðalskipulagi Bláskógabyggðar. Í breytingunni felst að náma, skilgreind E19 á aðalskipulagi, stækkur úr 2 ha í 4,95 ha og efnismagn úr 50.000 m3 í 149.500 m3.
Sveitarstjórn Bláskógabyggðar samþykkir framlagða beiðni um breytingu á aðalskipulagi Bláskógabyggðar. Skipulags- og matslýsing fyrir aðal- og deiliskipulag verði kynnt og leitað umsagna við hana í samræmi við 30. og 40. gr. skipulagslaga nr. 123/2010. Skipulagsnefnd bendir á að námur sem áætlað er að raski yfir 25.000 fm svæði eða efnistaka sé 50.000 m3 eða meiri eru tilkynningaskyldar í B-flokki samkvæmt lögum um mat á umhverfisáhrifum nr. 106/2000. Mælst er til þess að tilkynningargögn verði send Skipulagsstofnun hið fyrsta samhliða breytingu á aðalskipulagi.

Fundargerðin var lögð fram til kynningar, hvað aðra liði varðar.

3. Fundargerð stjórnar Sorpstöðvar Suðurlands – 2101020
300. fundur haldinn 22. febrúar 2021
Fundargerðin var lögð fram til kynningar.
4. Fundargerð stjórnar Bergrisans – 2101021
28. fundur haldinn 19. mars 2021
Fundargerðin var lögð fram til kynningar.
5. Fundargerð stjórnar Samtaka orkusveitarfélaga – 2102041
45. fundur haldinn 12. mars 2021
Fundargerðin var lögð fram til kynningar.
6. Fundargerð afgreiðslufunda byggingarfulltrúa – 2101008
139. fundur haldinn 17. mars 2021
Fundargerðin var lögð fram til kynningar.
7. Fundargerð skólaþjónustu- og velferðarnefndar Árnesþings – 2101009
47. fundur haldinn 10. mars 2021
Fundargerðin var lögð fram til kynningar.
8. Samþykkt um stöðuleyfi – 2103037
Reglur um stöðuleyfi, áður til afgreiðslu á 278. fundi.
Lögð var fram samþykkt um stöðuleyfi, sem stjórn byggðasamlags UTU vísaði til sveitarfélaganna til staðfestingar. Sveitarstjórn samþykkir framlagða samþykkt um stöðuleyfi.
9. Reglur um lækkun niðurfellingu eða styrki vegna fasteignaskatts – 2103048
Reglur um afslátt, lækkun eða styrki vegna fasteignaskatts.
Lagðar voru fram reglur Bláskógabyggðar um lækkun, niðurfellingu eða styrki vegna fasteignaskatts. Reglurnar byggja á lögum nr. 4/1995 um tekjustofna sveitarfélaga og reglugerð nr. 1160/2005. Sveitarstjórn samþykkir reglurnar og falla þá úr gildi reglur um sama efni frá 14. mars 2006.
10. Launrétt 1, lóðarafmörkun – 2103040
Fyrirspurn Bjargar Árnadóttur, dags. 18. mars 2021, um afmörkun lóðar Launréttar 1.
Sveitarstjórn felur sveitarstjóra og oddvita að ræða við umsækjanda.
11. Leyfi fyrir matsöluvagn – 2103050
Umsókn Sólstaða ehf, dags. 18. mars 2021, um leyfi til að staðsetja matsöluvagn á landi sveitarfélagsins neðan við gróðurhúsið á Laugarvatni.
Sveitarstjórn tekur jákvætt í erindið og felur sveitarstjóra að gera drög að samningi við umsækjanda. Athygli er vakin á því að sækja þarf um stöðuleyfi til UTU.
12. Þríþrautarkeppni að Laugarvatni 2021 – 2103036
Erindi Ægis3 – Þríþrautarfélags Reykjavíkur, dags. 24. mars 2021, þar sem óskað er eftir leyfi sveitarstjórnar til að halda þríþrautarkeppni að Laugarvatni 13. júní 2021, og jafnframt óskað eftir styrk sem nemur kostnaði við öryggisgæslu.
Sveitarstjórn samþykkir að veita leyfi fyrir þríþrautarkeppni á Laugarvatni 13. júní 2021 en hafnar styrkbeiðni.
13. Kynningarrit um atvinnuhætti og menningu – 2103039
Erindi Ísólfs Gylfa Pálmasonar, dags. 21. mars 2021, f.h. Íslands atvinnuhættir og menning, boð um að kynna starfsemi sveitarfélagsins í ritinu.
Sveitarstjórn hafnar erindinu.
14. Styrkbeiðni Einstakra barna 2021 – 2103043
Styrkbeiðni Einstakra barna, stuðningsfélags barna með sjaldgæfa og alvarlega sjúkdóma, dags. 17. mars 2021.
Sveitarstjórn hafnar erindinu.
15. Styrkbeiðni Dýraverndunarfélagsins Villikatta 2021 – 2103044
Beiðni Villikatta, dags. 16. mars 2021, um styrk vegna umönnunar 15 villikatta úr Bláskógabyggð. Einnig beiðni um gerð samnings við sveitarfélagið.
Sveitarstjórn hafnar erindinu.
16. Styrkbeiðni Körfuknattleikssambands Íslands 2021 – 2103038
Styrkbeiðni Körfuknattleikssambands Íslands, dags. 23. mars 2021.
Sveitarstjórn hafnar erindinu.
17. Brúarhvammur lóð 1 og 2 167 225 og 174 434 – 2103047
Stefna Kvótasölunnar á hendur Bláskógabyggð, dags. 12. mars 2021, vegna deiliskipulags fyrir Brúarhvamm lóð nr. 1 og lóð nr. 2.
Lagt fram til kynningar.
18. Atvinnuleysi og skert starfshlutfall upplýsingar frá Vinnumálastofnun COVID-19 – 2004002
Yfirlit yfir hlutfall og fjölda atvinnulausra janúar 2020 til febrúar 2021
Yfirlitið var lagt fram til kynningar.
19. Atvinnuátaksverkefni Hefjum störf – 2103049
Kynning Sambands íslenskra sveitarfélaga á atvinnuátaksverkefninu Hefjum störf, sjá https://www.samband.is/frettir/hefjum-storf/

 

Lagt fram til kynningar.

20. Frumvarp til laga um breytingu á lögum um útlendinga og lögum um atvinnuréttindi útlendinga (alþjóðleg vernd, brottvísanir, dvalar- og atvinnuleyfi), 602. mál – 2103041
Beiðni Allsherjar- og menntamálanefndar Alþingis, dags. 18. mars 2021, um umsögn um frumvarp til laga um breytingu á lögum um útlendinga og lögum um atvinnuréttindi útlendinga (alþjóðleg vernd, brottvísanir, dvalar- og atvinnuleyfi), 602. mál

Umsagnarfrestur er til 7. apríl nk.

Lagt fram til kynningar.
21. Reglugerð um framkvæmd verndunar vatnasviðs og lífríkis Þingvallavatns – 2103046
Erindi Umhverfis- og auðlindaráðuneytisins, dags. 25. mars 2021, þar sem vakin er athygli á því að drög að breytingu á reglugerðinni um framkvæmd verndunar vatnasviðs og lífríkis Þingvallavatns eru í kynningu í samráðsgátt.
Umsagnarfrestur er til 13. apríl.
Sveitarstjórn vísar erindinu til umhverfisnefndar til umsagnar.
22. Frumvarp til laga um nýtingu á landi í eigu ríkisins í atvinnuskyni. Mál nr. 538. – 2103051
Frumvarp til laga um nýtingu á landi í eigu ríkisins í atvinnuskyni. https://www.althingi.is/altext/151/s/0900.html
https://www.althingi.is/altext/erindi/151/151-2036.pdf
Lagt var fram frumvarp til laga um nýtingu á landi í eigu ríkisins í atvinnuskyni, mál nr. 538. Sveitarstjórn gerir athugasemd við það að fjárlaganefnd Alþingis hafi ekki sent frumvarpið til umsagnar til þeirra sveitarfélaga sem hafa þjóðlendur innan sinna marka. Sveitarstjórn er það ljóst að öllum er heimilt að gera athugasemdir við frumvörp, óháð því hvort óskað hafi verið sérstaklega eftir því, en bendir á að málefnið er þannig vaxið að það á erindi beint við þau sveitarfélög sem hafa þjóðlendur innan sinna marka. Fjárlaganefnd hefur valið að senda frumvarpið til umsagnar til landshlutasamtaka sveitarfélaga en það kemur ekki í stað samráðs við sveitarfélögin í landinu og minnt er á að þau eru annað stjórnsýslustigið. Sveitarstjórn Bláskógabyggðar telur óásættanlegt að ekki skuli gætt að því að hafa samráð við þau sveitarfélög sem málið varðar. Athugasemdafrestur sem Alþingi gaf þeim aðilum sem fengu umsagnarbeiðni er runninn út. Engu að síður felur sveitarstjórn sveitarstjóra að koma á framfæri athugasemdum við efni frumvarpsins og þann skort á samráði sem að framan greinir.
Sveitarstjórn tekur undir athugasemd þjóðgarðsins á Þingvöllum þar sem bent er á að verði frumvarpið að lögum muni það geta haft veruleg áhrif á tekjuöflun þjóðgarðsins. Sveitarstjórn telur það fyrirkomulag sem boðað er í frumvarpinu um tekjur þjóðgarða ekki vera fallið til þess að auka tiltrú á því að fyrirhugaður Hálendisþjóðgarður hafi það tekjuflæði sem boðað hefur verið, svo sem í gegnum sérleyfis- og rekstrarsamninga.
Sveitarstjórn tekur einnig undir athugasemdir Húnavatnshrepps í heild sinni og áréttar sérstaklega það sem þar kemur fram að ekki sé unnt að fallast á frumvarpið í núverandi mynd og að nauðsynlegt sé að það verði unnið í samráði við sveitarfélög þar sem þjóðlendur liggja, eða að þjóðlendur verði beinlínis felldar undan gildissviði frumvarpsins.
23. Frumvarp til laga um almannavarnir (almannavarnastig o.fl.), 622. mál. – 2103052
Beiðni Allsherjar- og menntamálanefndar Alþingis, dags. 27. mars 2021, um umsögn um frumvarp til laga um almannavarnir (almannavarnastig o.fl.), 622. mál.

Umsagnarfrestur er til 9. apríl nk.

Lagt fram til kynningar.
24. Áskorun um að nota innlend matvæli í skólamáltíðir – 2103045
Áskorun Bændasamtaka Íslands til sveitarfélaga, dags. 16. mars 2021, um að nota innlend matvæli í skólamáltíðir.
Lagt fram til kynningar.

 

 

Fundarmenn staðfestu fundargerð með tölvupósti til fundarritara.

Fundi slitið kl. 17:55.

 

 

 

 

 

 

Helgi Kjartansson   Valgerður Sævarsdóttir
Óttar Bragi Þráinsson   Kolbeinn Sveinbjörnsson
Guðrún S. Magnúsdóttir   Róbert Aron Pálmason
Axel Sæland   Ásta Stefánsdóttir