285. fundur sveitarstjórnar Bláskógabyggðar

-liður 3, Kolgrafarhóll; Apavatn 2; Deiliskipulag; Kæra til ÚUA – 2105155
Lögð er fram til kynningar kæra til úrskurðarnefndar umhverfis- og auðlindamála vegna gildistöku deiliskipulags í landi Apavatns 2.
Lagt fram til kynningar. Skipulagsfulltrúa falið að svara kærunni í samráði við lögfræðing sveitarfélagsins.

-liður 4, Úthlíð; Mosaskyggnir 15-17; Sameining lóða og skilmálabreyting; Deiliskipulagsbreyting – 2105012
Lögð er fram að nýju umsókn um deiliskipulagsbreytingu vegna sameiningar lóða Mosaskyggnis 15-17 í landi Úthlíðar. Afgreiðslu málsins var frestað á 217. fundi skipulagsnefndar þar sem skipulagsfulltrúa var falið að skoða aðstæður m.t.t sameiningaráforma. Lagt fram að nýju eftir vettvangsheimsókn skipulagsfulltrúa á svæðið í fylgd umsækjanda.
Sveitarstjórn Bláskógabyggðar samþykkir viðkomandi breytingar á deiliskipulagi svæðisins. Sveitarstjórn telur að sameining lóðanna samræmist ágætlega lóðamynstri aðliggjandi lóða auk þess sem heppilegasta byggingasvæðið innan lóðanna fellur á mörkum þeirra í dag utan byggingarreita. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt næstu nágrönnum.

-liður 5, Hrosshagi 5 L228433; Hrosshagi 5b; Smábýli; Deiliskipulag – 2105097
Lögð er fram umsókn Sebastian Sturm og Janis Schwenke er varðar nýtt deiliskipulag í landi Hrosshaga 5 L228433. Í deiliskipulaginu felst að landinu er skipt upp í tvær landeignir þar sem m.a. er gert ráð fyrir uppbyggingu á íbúðarhúsum, úthúsum, hesthúsum og gestahúsum.
Sveitarstjórn Bláskógabyggðar samþykkir deiliskipulagstillögu til kynningar og umsagna í samræmi við 40. gr. skipulagslaga nr. 123/2010.

-liður 6, Litla-Fljót 1 L167148; Minna-Fljót; Stofnun lóðar – 2106008
Lögð er fram umsókn frá Þórði J. Halldórssyni er varðar stofnun lóðar úr landi Litla-Fljóts L167148. Um er að ræða 4.446,15 fm lóð þar sem fyrirhugað er að byggja íbúðarhús. Óskað er eftir að lóðin fái staðfangið Minna-Fljót.
Sveitarstjórn gerir ekki athugasemd við stofnun lóðarinnar skv. fyrirliggjandi umsókn. Ekki er gerð athugasemd við staðfestingu landskipta skv. 13. jarðalaga. Sveitarstjórn Bláskógabyggðar samþykkir erindið með fyrirvara um lagfærð gögn. Sveitarstjórn bendir á að útgáfa byggingaleyfis innan lóða er ýmist háð deiliskipulagi eða grenndarkynningu að undangenginni samþykkt sveitarstjórnar.

-liður 7, Gröf lóð (L167802); umsókn um byggingarleyfi; sumarbústaður – 2105123
Fyrir liggur umsókn Páls Gunnlaugssonar fyrir hönd Gunnars M. Zoéga og Ingu S. Ólafsdóttur, móttekin 25.05.2021 um byggingarleyfi til að byggja 115,2 sumarbústað á sumarbústaðalandinu Gröf lóð L167802 í Bláskógabyggð.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.

-liður 4, Eyjarland L167649; Landbúnaðarland í iðnaðarlóð; Aðalskipulagsbreyting – 2101017
Lögð er fram tillaga aðalskipulagsbreytingar vegna lóðar Eyjarlands L167649. Í breytingunni felst að landbúnaðarland á lóð Eyjarlands er breytt í iðnaðarsvæði til samræmis við núverandi notkun lóðarinnar. Á lóðinni er starfrækt seiðaeldisstöð með framleiðslugetu fyrir um 20 tonn af seiðum. Skipulagslýsing var kynnt frá 3. – 24.mars. Umsagnir sem bárust á kynningartíma lýsingar lagðar fram við afgreiðslu málsins.
Sveitarstjórn Bláskógabyggðar samþykkir tillögu aðalskipulagsbreytingar til kynningar í samræmi við 30. gr. skipulagslaga nr. 123/2010.

-liður 5, Stóranefsgata 4 L167678; Breyting á þakhalla; Deiliskipulagsbreyting – 2106023
Lögð er fram umsókn frá Kjartani Lárussyni er varðar breytingu á skilmálum deiliskipulags frístundabyggðar í landi Austureyjar I og III. Í breytingunni felst að rýmkaðar eru heimildir er varðar þakhalla innan svæðisins. Núverandi skilmálar gera ráð fyrir að þakhalli skuli vera á bilinu 14-60°. Eftir breytingu verði þakhalli innan svæðisins heimilaður 0-60°.
Sveitarstjórn Bláskógabyggðar samþykkir viðkomandi breytingu á deiliskipulagi svæðisins. Málið fái málsmeðferð á grundvelli 1. mgr. 43. gr. skipulagslaga nr. 123/2010 er varðar breytingar á deiliskipulagi.

-liður 6, Neðra-Holt L223498; Stórholt; Breytt heiti lóðar – 2106024
Lögð er fram umsókn frá Grétari H. Þórissyni og Ólöfu Ö. Gísladóttur er varðar breytt heiti lóðarinnar Neðra-Holt L223498. Óskað er eftir að nýtt staðfang lóðarinnar verði Stórholt.
Sveitarstjórn Bláskógabyggðar samþykkir.

-liður 7, Árbúðir; Fjallaskáli; Afréttur norðan vatna; Deiliskipulag – 1903012
Lögð er fram tillaga deiliskipulags fyrir fjallaskála að Árbúðum skammt norðan við Hvítá á Kili eftir auglýsingu. Á svæðinu eru alls 4 byggingar, ýmist fyrir gistingu og þjónustu, starfsfólk, salernisaðstöðu og hesthús. Til stendur að auka gisti- og veitingaaðstöðu fyrir allt að 70 manns. Stærð svæðis er um 2 ha. Árbúðir eru í aðalskipulagi Bláskógabyggðar 2015-2027 skilgreint sem hálendismiðstöð. Umsagnir bárust á auglýsingatíma skipulagsins og eru þær lagðar fram við afgreiðslu þess ásamt samantekt um viðbrögð.
Sveitarstjórn Bláskógabyggðar samþykkir framlagt deiliskipulag eftir auglýsingu. Brugðist hefur verið við athugasemdum og umsögnum sem bárust vegna málsins á fullnægjandi hátt að mati nefndarinnar. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.

-liður 8, Geldingafell; Fjallaskáli; Framafréttur; Deiliskipulag – 1903014
Lögð er fram tillaga deiliskipulags fyrir fjallaskála að Geldingarfelli eftir auglýsingu. Á svæðinu eru alls 7 byggingar, ýmist fyrir starfsfólk og búnað vegna þjónustu vélsleðaferða á Langjökul. Aðkoma er af Kjalvegi um Skálpanesveg. Til stendur að auka gisti- og veitingaaðstöðu fyrir allt að 50 manns. Einnig er gert ráð fyrir byggingum fyrir búnað vegna ferða á Langjökul. Stærð svæðisins er um 2 ha. Geldingafell er í aðalskipulagi Bláskógabyggðar 2015-2027 skilgreint sem skálasvæði.
Sveitarstjórn Bláskógabyggðar samþykkir framlagt deiliskipulag eftir auglýsingu. Brugðist hefur verið við athugasemdum og umsögnum sem bárust vegna málsins á fullnægjandi hátt að mati nefndarinnar. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.

-liður 9, Bjarkarbraut 14 L190016 og 16 L190017; Nýtingarhlutfall; Deiliskipulagsbreyting – 2106087
Lögð er fram umsókn frá Bláskógabyggð er varðar breytingu á deiliskipulagi þéttbýlisins Reykholti. Í breytingunni felst að nýtingarhlutfall lóðar Bjarkarbrautar 14 og 16 minnkar úr 0,40 í 0,25.
Sveitarstjórn Bláskógabyggðar samþykkir viðkomandi breytingar á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi. Þar sem engir aðrir hagsmunaaðilar eru innan svæðisins en umsækjandi er ekki talin þörf á grenndarkynningu.

-liður 10, Laugagerði lóð 193102 – Fyrirspurn til skipulagsnefndar – 2106083
Lögð er fram fyrirspurn frá Önnu Svövu Sverrisdóttur er varðar hugsanlegar byggingarframkvæmdir á lóð Laugagerðis L193102.
Viðkomandi lóð Laugagerði lóð L193102 er flokkuð sem garðyrkjulóð samkvæmt gildandi deiliskipulagi Laugaráss. Samkvæmt deiliskipulagi er heimilt að byggja gróðurhús og byggingar tengdar gróðurhúsastarfsemi ásamt íbúðarhúsi. Nýtingarhlutfall lóðarinnar má vera allt að 0,85 og byggingarmagn því allt að 12.800 fm. Sveitarstjórn leggst ekki gegn því að heimild verði veitt fyrir uppbyggingu tveggja smáhýsa á lóðinni enda séu slíkar framkvæmdir innan uppgefins nýtingarhlutfalls lóðarinnar þótt svo að viðkomandi uppbygging tengist ekki gróðurhúsastarfsemi með beinum hætti. Sveitarstjórn setur þó þann fyrirvara á að allar framkvæmdir innan lóða á svæðinu sem eru ekki í samræmi við framlagða skilmála er varðar gróðurhúsastarfsemi verði grenndarkynntir næstu nágrönnum í samræmi við 44. gr. skipulagslaga. Nefndin bendir á að heildarendurskoðun deiliskipulags að Laugarási stendur yfir og mælist almennt til þess að framkvæmdir innan svæðisins bíði gildistöku nýs deiliskipulags.

-liður 11, Laugagerði lóð 193102 – Umsókn um breytingu á skráningu lóðar – 2106084
Lögð er fram umsókn um breytingu á skráningu lóðar Laugagerðis lóð L193102 frá Önnu Svövu Sverrisdóttur. Óskað er eftir breytingu á staðfangi lóðarinnar vegna ruglings við lóð Laugagerðis L167146 sem liggur neðan Skálholtsvegar gegnt Laugagerði þar sem eru aðrir eigendur og önnur starfsemi.
Sveitarstjórn samþykkir að breyting á staðfangi Laugagerðis lóð verði tekin til skoðunar við endurskoðun deiliskipulags fyrir Laugarás.

-liður 12, Skálabrekka L170163; Skilgreining lóða; Deiliskipulag – 2006053. Kolbeinn Sveinbjörnsson vék af fundi við afgeriðslu þessa liðar.
Lögð er fram umsókn frá Tófarfjalli ehf. er varðar nýtt deiliskipulag að Skálabrekku L170163 miðhluti. Áður hefur lýsing deiliskipulagsverkefnis verið kynnt. Samhliða er unnið að aðalskipulagsbreytingu vegna skilgreiningar frístundasvæðis sem deiliskipulagið tekur til. Í deiliskipulaginu felst m.a. að gert er ráð fyrir um 27 nýjum frístundalóðum á um 25 ha svæði auk þess sem skilgreindir eru byggingarreitir og byggingarheimildir innan svæðisins. Lagt er fram minnisblað skipulagsfulltrúa í takt við bókun sveitarstjórnar frá 19.11.2020. Áður hefur aðalskipulagsbreyting vegna skilgreiningar á frístundasvæði verið samþykkt til auglýsingar.
Sveitarstjórn Bláskógabyggðar samþykkir deiliskipulagið og að það verði auglýst á grundvelli 41. gr. skipulagslaga nr. 123/2010 þar sem allar meginforsendur liggi fyrir innan aðalskipulags sveitarfélagsins. Samhliða er unnin aðalskipulagsbreyting fyrir svæðið.

-liður 13, Stekkatún 1 L222637 og 5 L224218; Úr frístundalóðum í landbúnaðarland; Aðalskipulagsbreyting – 2009065
Lögð er fram tillaga aðalskipulagsbreytingar vegna Stekkatúns 1 og 5 til afgreiðslu eftir auglýsingu. Umsagnir bárust á auglýsingatíma tillögunnar og eru þær lagðar fram við afgreiðslu málsins. Í breytingunni felst að hluta frístundasvæðis F73 er breytt í landbúnaðarland.
Sveitarstjórn Bláskógabyggðar að samþykkir framlagða aðalskipulagsbreytingu eftir auglýsingu. Umsagnir bárust vegna málsins og innan þeirra koma engar athugasemdir fram við framlagða breytingu. Sveitarsjtórn mælist til þess að breyting á aðalskipulagi taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 32. gr. skipulagslaga nr. 123/2010.

-liður 14, Drumboddsstaðir 2 L167078; Drumboddsstaðir lóð 1; Stofnun lóðar – 2106135
Lögð er fram umsókn Sigurðar E. Ragnarssonar f.h. Smáragarðs ehf, dags. 7. maí 2021, um stofnun lóðar úr landi Drumboddsstaða 2 L167078. Óskað er eftir að stofna 4.946 fm lóð, Drumboddsstaðir lóð 1. Lóðin er innan svæðis sem skilgreint er sem frístundasvæði (F87) innan aðalskipulags Bláskógabyggðar. Búið er að stofna 21 lóð innan svæðisins.
Sveitarstjórn gerir ekki athugasemd við stofnun lóðarinnar en bendir á að staðfangið Drumboddsstaðir lóð 1 er ekki í samræmi við reglugerð 577/2017 um skráningu staðfanga. Sveitarstjórn Bláskógabyggðar samþykkir erindið með fyrirvara um að lagt verði til nýr staðvísir (götuheiti) og númeraröð innan svæðisins m.t.t. fyrrnefndrar reglugerðar.

-liður 15, Miðbrún 2 L207321, Miðbrún 3 L207322, Mosavegur 10 L167585; Úthlíð 2 L167181; Stækkun lóðar og staðfesting á afmörkun – 2106137
Lögð er fram umsókn Ólafs Björnssonar f.h. Geirs Goða ehf, dags. 9. júní 2021, um stofnun 976,2 fm lóðar úr landi Úthlíðar 2 L167181 í þeim tilgangi að sameina við Miðbrún 2 L207321 sem verður 8.259,9 fm eftir stækkun. Kvöð hefur verið sett á Miðbrún 3 um aðkomu að lóðum 2, 4 og 5. Stækkun lóðar nr. 2 er ekki skv. núgildandi skipulagsbreytingu samþ. 04.09.2007. Stækkunin nær inn á aðkomuveg sem gert var ráð fyrir innan skipulagsins en sem var lagður í gegnum lóð nr. 3.
Jafnframt er óskað eftir staðfestingu á afmörkun lóðarinnar Mosavegur 10 L167585 skv. meðfylgjandi lóðablaði. Afmörkun lóðarinnar er ekki í samræmi við skipulagið samþ. 05.05.1993.
Sveitarstjórn telur að framlagðar breytingar á lóðamörkum og skilgreining á afmörkun lóða sé ekki í samræmi við deiliskipulag svæðisins. Sveitarsjtórn telur að forsenda afgreiðslu málsins sé að unnin verði breyting á deiliskipulagi svæðisins. Sveitarstjórn beinir því til umsækjanda að farið verði í heildarendurskoðun á deiliskipulagi svæðisins hið fyrsta.