289. fundur sveitarstjórnar Bláskógabyggðar

-liður 2, Bergsstaðir L167201; Úr frístundasvæði í landbúnaðarsvæði; Aðalskipulagsbreyting – 2108054
Lögð er fram umsókn frá Helgu Garðarsdóttur og Sigurjóni Sindrasyni er varðar breytingu á aðalskipulagi Bláskógabyggðar. Í breytingunni felst breytt landnotkun úr frístundasvæði í landbúnaðarsvæði innan jarðarinnar Bergsstaða.
Sveitarstjórn Bláskógabyggðar mælist til þess að framlagðar beiðnir um breytingu á aðalskipulagi sem taka til Bergstaða L167202 og Bergstaða L167201 verði sameinaðar undir eina skipulagslýsingu. Mælist sveitarstjórn til þess að Skipulagsfulltrúa verði falið að hafa milligöngu um gerð skipulagslýsingar vegna verkefnisins í samráði við umsækjendur.

-liður 3, Árbúðir; Fjallaskáli; Afréttur norðan vatna; Deiliskipulag – 1903012
Lögð er fram tillaga deiliskipulags fyrir fjallaskála að Árbúðum skammt norðan við Hvítá á Kili eftir auglýsingu. Á svæðinu eru alls 4 byggingar, ýmist fyrir gistingu og þjónustu, starfsfólk, salernisaðstöðu og hesthús. Til stendur að auka gisti- og veitingaaðstöðu fyrir allt að 70 manns. Stærð svæðis er um 2 ha. Árbúðir eru í aðalskipulagi Bláskógabyggðar 2015-2027 skilgreint sem hálendismiðstöð. Athugasemdir bárust við gildistöku skipulagsins af hálfu Skipulagsstofnunar og eru þær lagðar fram við afgreiðslu málsins.
Innan afgreiðslu Skipulagsstofnunar vegna málsins eru gerðar athugasemdir við réttmæti þess að gera eigi ráð fyrir sölu jarðefnaeldsneytis í Árbúðum, bæði m.t.t. skipulagsstefnu fyrir miðhálendið og stefnu stjórnvalda í loftslagsmálum. Að sama skapi leggur Skipulagsstofnun áherslu á hönnun bygginga og frágang á svæðinu. Stofnunin telur að Bláskógabyggð þurfi að taka afstöðu til þessara ábendinga og hvort þær leiði til breytinga á deiliskipulaginu. Að mati sveitarstjórnar er komið inn á atriði innan greinargerðar er varðar hönnun bygginga og frágang á svæðinu með fullnægjandi hætti þar sem m.a. er komið inn á að byggingarefni séu frjálst en leitast skuli við að nota byggingarefni sem þarfnast lítils viðhalds. Gæta eigi að samræmingu í útliti og litavali allra bygginga á staðnum og skulu mannvirki felld að landi eftir því sem hægt er. Auk þess eru settir fram skilmálar um umhverfi og frágang lóða, forðast eigi rask og laga eigi landið aftur að umhverfinu að framkvæmdum loknum. Er varðar sölu jarðefnaeldsneyti á svæðinu samþykkir sveitarstjórn að umrædd heimild verði felld út úr skipulagi. Sveitarstjórn Bláskógabyggðar samþykkir deiliskipulagið eftir auglýsingu á grundvelli 42. gr. skipulagslaga nr. 123/2010 sem taki gildi með birtingu auglýsingar í B-deild Stjórnartíðinda eftir uppfærslu skipulagsgagna. Skipulagsstofnun verði send gögn málsins til varðveislu.

-liður 4, Geldingafell; Fjallaskáli; Framafréttur; Deiliskipulag – 1903014
Lögð er fram tillaga deiliskipulags fyrir fjallaskála að Geldingarfelli eftir auglýsingu. Á svæðinu eru alls 7 byggingar, ýmist fyrir starfsfólk eða búnað vegna þjónustu vélsleðaferða á Langjökul. Aðkoma er af Kjalvegi um Skálpanesveg. Til stendur að auka gisti- og veitingaaðstöðu fyrir allt að 50 manns. Einnig er gert ráð fyrir byggingum fyrir búnað vegna ferða á Langjökul. Stærð svæðisins er um 2 ha. Geldingafell er í aðalskipulagi Bláskógabyggðar 2015-2027 skilgreint sem skálasvæði. Athugasemdir bárust við gildistöku skipulagsins af hálfu Skipulagsstofnunar og eru þær lagðar fram við afgreiðslu málsins.
Innan athugasemda Skipulagsstofnunar er lögð áherslu á hönnun bygginga og frágang á svæðinu. Stofnunin telur að Bláskógabyggð þurfi að taka afstöðu til þessara ábendinga og hvort þær leiði til breytinga á deiliskipulaginu. Að mati sveitarstjórnar er komið inn á atriði innan greinargerðar er varðar hönnun bygginga og frágang á svæðinu með fullnægjandi hætti þar sem m.a. er komið inn á að byggingarefni séu frjálst en leitast skuli við að nota byggingarefni sem þarfnast lítils viðhalds. Gæta eigi að samræmingu í útliti og litavali allra bygginga á staðnum og skulu mannvirki felld að landi eftir því sem hægt er. Auk þess eru settir fram skilmálar um umhverfi og frágang lóða, forðast eigi rask og laga eigi landið aftur að umhverfinu að framkvæmdum loknum. Sveitarstjórn Bláskógabyggðar samþykkir deiliskipulagið verði samþykkt eftir auglýsingu á grundvelli 42. gr. skipulagslaga nr. 123/2010 og taki gildi með birtingu auglýsingar í B-deild Stjórnartíðinda. Skipulagsstofnun verði send gögn málsins til varðveislu.

-liður 5, Aphóll 9 (L167659); umsókn um byggingarleyfi; sumarbústaður – 2106050
Fyrir liggur umsókn Sigurðar Hafsteinssonar fyrir hönd Ástrúnar B. Ágústsdóttur, móttekin 14.06.2021, um byggingarleyfi til að byggja 102,6 m2 sumarbústað og fjarlægja sem fyrir er mhl 01, 39,1 m2, byggingarár 1968, á sumarbústaðalandinu Aphóll 9 L167659 í Bláskógabyggð. Lagður er fram tölvupóstur Ástrúnar B. Ágútsdóttur, dags. 13. september 2021.
Sveitarstjórn Bláskógabyggðar samþykkir að fresta afgreiðslu málsins til næsta fundar.

-liður 6, Úthlíð 2 L167181; Úr frístundasvæði í verslunar- og þjónustusvæði; Aðalskipulagsbreyting – 2103021
Lögð er fram tillaga aðalskipulagsbreytingar sem tekur til frístundasvæðis í landi Úthlíðar. Í breytingunni felst að landnotkun lóða nr. 5, 7 og 9 við Vörðuás er breytt úr frístundabyggð í verslun- og þjónustu.
Sveitarstjórn Bláskógabyggðar samþykkir tillögu aðalskipulagsbreytingar til kynningar í samræmi við 30. gr. skipulagslaga nr. 123/2010. Breytingin verði sérstaklega kynnt sumarhúsafélagi svæðisins og landeigendum upprunalands.