295. fundur sveitarstjórnar Bláskógabyggðar

295. fundur sveitarstjórnar Bláskógabyggðar haldinn í Aratungu, Reykholti,

fimmtudaginn 9. desember 2021, kl. 15:15.

Fundinn sátu:

Helgi Kjartansson, Valgerður Sævarsdóttir, Óttar Bragi Þráinsson, Kolbeinn Sveinbjörnsson, Guðrún S. Magnúsdóttir, Róbert Aron Pálmason, Axel Sæland og Ásta Stefánsdóttir.

Fundargerð ritaði: Ásta Stefánsdóttir, sveitarstjóri.

Fundargerð skipulagsnefndar – 2101007

229. fundur haldinn 8. desember 2021. Afgreiða þarf sérstaklega liði nr. 2 til 5.

-liður 2, Stakkholt og Vallarholt í landi Reykjavalla; Skilmálabreyting; Deiliskipulagsbreyting – 2111050
Lögð er fram umsókn frá Kress ehf. er varðar breytingu á deiliskipulagi Stakkholts og Vallarholts í landi Reykjavalla. Í breytingunni felst skilgreining nýrra skilmála fyrir deiliskipulagssvæðið.
Sveitarstjórn Bláskógabyggðar samþykkir viðkomandi breytingu á deiliskipulagi svæðisins verði samþykkt. Málið fái málsmeðferð á grundvelli 1. mgr. 43. gr. skipulagslaga nr. 123/2010 er varðar breytingar á deiliskipulagi og verði sérstaklega kynnt sumarhúsafélagi innan svæðisins.-liður 3, Eyvindartunga L167632; Stækkun Lönguhlíðarnámu E19; Aðalskipulagsbreyting – 2103067
Lögð er fram tillaga aðalskipulagsbreytingar sem tekur til stækkunar á Lönguhlíðarnámu E19 í landi Eyvindartungu. Í breytingunni felst að náman stækkar úr 2 ha í 4,95 ha og efnismagn úr 50.000 m3 í 149.500 m3. Lýsing verkefnisins var kynnt frá 19. maí – 9. júní, umsagnir bárust á kynningartíma lýsingar og eru þær lagðar fram við afgreiðslu málsins.
Sveitarstjórn Bláskógabyggðar samþykkir tillögu aðalskipulagsbreytingar til kynningar í samræmi við 30. gr. skipulagslaga nr. 123/2010.

-liður 4, Tungubakkar L216003; Frístundabyggð; Fyrirspurn – 2112006
Lögð er fram fyrirspurn frá Konráð Erni Skúlasyni er varðar uppbyggingu sumarhúsahverfis á landi Tungubakka L216003.
Sveitarstjórn frestar afgreiðslu málsins og felur oddvita og sveitarstjóra að funda með umsækjanda og Vegagerðinni vegna málsins.

-liður 5, Stekkatún 1 L222637 og Stekkatún 5 L224218; Skilmálar og fyrirhuguð uppbygging; Deiliskipulagsbreyting – 2009066
Lögð er fram umsókn vegna deiliskipulags að Stekkatúni 1 og 5 eftir auglýsingu. Í deiliskipulaginu felst skilgreining byggingarreita og byggingaskilmála innan svæðisins. Eftir auglýsingu hafa verið gerðar breytingar á deiliskipulagstillögunni sem taka til athugasemda Skipulagsstofnunar auk þess sem bætt hefur verið við byggingarheimild fyrir allt að 300 fm skemmu á lóðum 1 og 5.
Sveitarstjórn telur að þær breytingar sem gerðar hafa verið séu ekki grundvallarbreyting á deiliskipulagi eftir auglýsingu og telur því ekki þörf á að auglýsa tillöguna á nýjan leik. Sveitarstjórn mælist þó til þess að breytingin verði kynnt innan skipulagssvæðisins áður en tillagan tekur gildi með birtingu auglýsingar í B-deild Stjórnartíðinda. Sveitarstjórn Bláskógabyggðar samþykkir framlagt deiliskipulag eftir auglýsingu og að deiliskipulagið taki gildi með birtingu auglýsingar í B-deild Stjórnartíðinda í samræmi við 42. gr. skipulagslaga nr. 123/2010 með fyrirvara um niðurstöðu grenndarkynningar.

Fundargerðin var lögð fram til kynningar hvað aðra liði varðar.

Fundargerð afgreiðslufundar byggingarfulltrúa – 2101008

154. fundur haldinn 1. desember 2021.

Fundargerðin var lögð fram til kynningar.
Mál nr. 24 er sérstakur liður á dagskrá þessa fundar, nr. 33.

Fundargerð skólaþjónustu- og velferðarnefndar Árnesþings – 2101009

52. fundur haldinn 30. nóvember 2021

Fundargerðin var lögð fram til kynningar.

Fundargerð aðalfundar Bergrisans – 2101021

Aðalfundur Bergrisans bs haldinn 24. nóvember 2021. Afgreiða þarf sérstaklega tillögu stjórnar um stofnun sjálfseignastofnunar um byggingu og rekstur íbúðakjarna fyrir fatlað fólk.

Fundargerðin var lögð fram til kynningar, að undanskilinni tillögu stjórnar um stofnun sjálfseignarstofnunar um byggingu og rekstur íbúðakjarna fyrir fatlað fólk. Bláskógabyggð samþykkir, fyrir sitt leyti, að stofnuð verði sjálfseignarstofnun um byggingu og rekstur íbúðakjarna fyrir fatlað fólk, sem muni eiga og annast rekstur húsnæðisins. Stofnfé verði samtals 1.000.000 kr og samþykkir Bláskógabyggð að hlutur sveitarfélagsis verði 46.402 kr.

Fundargerðir stjórnar Sambands íslenskra sveitarfélaga 2021 – 2101025

903. fundur haldinn 26. nóvember 2021

Fundargerðin var lögð fram til kynningar.

Fundargerðir stjórnar SASS 2021 – 2101022

Ályktanir aðalfundar SASS, sem haldinn var 28. og 29. október 2021.

Ályktanir aðalfundar SASS voru lagðar fram til kynningar.

Samþykkt um verndarsvæði vatnsbóla – 2111037

Samþykkt um verndarsvæði vatnsbóla innan lögsagnarumdæma sveitarfélaganna á svæði Heilbrigðiseftirlits Suðurlands bs. Síðari umræða.

Sveitarstjórn Bláskógabyggðar samþykkir fyrir sitt leyti samþykkt um verndarsvæði vatnsbóla innan lögsagnarumdæma sveitarfélaganna á svæði Heilbrigðiseftirlits Suðurlands.

Lóðin Brekkuholt 9 Reykholti – 2111021

Beiðni Lyngheiðar ehf, dags. 6. desember 2021, um að skila lóðinni Brekkuholti 11, Reykholti.

Sveitarstjórn samþykkir að lóðinni verði skilað og felur sveitarstjóra að sjá til þess að hún verði auglýst að nýju.

Lóðin Brekkuholt 11 Reykholti – 2111022

Beiðni Lyngheiðar ehf, dags. 6. desember 2021, um að skila lóðinni Brekkuholti 9, Reykholti.

Sveitarstjórn samþykkir að lóðinni verði skilað og felur sveitarstjóra að sjá til þess að hún verði auglýst að nýju.

10.

Umsókn um stofnun lögbýlis Ferjuvegur 1 og Langholtsvegur 2 og 4 – 2112005

Beiðni Vernharðs Gunnarssonar, dags. 5. desember 2021, um umsögn um stofnun lögbýlis að Ferjuveg nr.1 (F 2205558), Langholtsvegi nr. 2(F 2346135) og nr. 4 (F 2346137).

Sveitarstjórn samþykkir fyrir sitt leyti að stofnað verði lögbýli á lóðunum Ferjuveg nr. 1 (F 2205558), Langholtsvegi nr. 2 (F 2346135) og nr. 4 (F 2346137) í Laugarási. Breytingu á deiliskipulagi vegna þess er vísað til vinnu að nýju deiliskipulagi fyrir Laugarás.

11.

Íbúðarlóðir við Traustatún, Laugarvatni – 2112006

Erindi Jórunnar Elvu Guðmundsdóttur o.fl., dags. 4. desember 2021, varðandi lóðir við Traustatún og úthlutun þeirra.

Í erindi bréfritara er þess farið á leit að flýtt verði gatnagerð og úthlutun lóða í Traustatúni, reit 2.
Deiliskipulag fyrir Laugarvatn var samþykkt af sveitarstjórn 20. maí 2021, og tók það gildi 25. júní 2021. Í því skipulagi er gert ráð fyrir að á reit 2 séu lóðir við Traustatún 12-16 og 1-13. Lóðir númer 11 og 13 voru auglýstar lausar til úthlutunar í mars 2021 með fyrirvara um gildistöku deiliskipulagsins.
Í tengslum við deiliskipulagsvinnuna var tekin sú ákvörðun á fundi framkvæmda- og veitustjórnar í mars sl. að láta hanna götuna Traustatún frá Laugarbraut að Traustatúni 9. Leitað var tilboða í verkið, samhliða sambærilegu verki í Reykholti, en verkefnastaða á verkfræðistofum var með þeim hætti að engin tilboð bárust. Var þá leitað til Eflu, verkfræðistofu, en fyrir vann Efla að hönnun fráveitu á Laugarvatni. Í lok maí lá fyrir að Efla myndi gefa tilboð í verkefnið, án þess að geta sett það í forgang, og samþykkti framkvæmda- og veitunefnd í byrjun júní að taka tilboði Eflu. Áætlað er að verkið, gatnagerð og lagnavinna, verði tilbúið til útboðs í febrúar n.k. og verði það þá boðið út. Ekki er mögulegt að flýta gatnagerð umfram það.
Á þessu ári hefur sveitarstjórn úthlutað tveimur einbýlishúsalóðum á Laugarvatni og tveimur parhúsalóðum og eru nú 10 lóðir lausar til úthlutunar. Áætlað er að unnt verði að bjóða fleiri lóðir, tengt áformaðri gatnagerð. Ákvörðun um hvenær lóðirnar verða auglýstar lausar til úthlutunar verður tekin að lokinni gatnahönnun og útboði. Gangi það ferli skv. áætlun má vænta þess að lóðunum verði úthlutað áður en gatnagerð lýkur, með fyrirvara um lok gatnagerðar.

12.

Aðstaða fyrir ferðamenn í Kerlingarfjöllum – 2112008

Erindi Skipulagsstofnunar, dags. 2. desember 2021, þar sem óskað er eftir umsögn um fyrirhugaða framkvæmd Fannborgar hvað varðar uppbyggingu aðstöðu fyrir ferðamenn í Kerlingafjöllum og skipulagslýsingu Hrunamannahrepps, dags. 25. október 2021.
Í umsögninni skal koma fram eftir því sem við á, hvort umsagnaraðili telji að nægjanlega sé gerð grein fyrir framkvæmdinni, umhverfi hennar, umhverfisáhrifum, mótvægisaðgerðum og vöktun eftir því sem við á. Jafnframt hvort og þá hvaða atriði umsagnaraðili telur þurfa að skýra frekar og hvort þau kalli að hans mati á að framkvæmdin fari í umhverfismat að teknu tilliti til viðmiða í 2. viðauka laga um umhverfismat framkvæmda og áætlana. Jafnframt skal í umsögn gera grein fyrir leyfum sem framkvæmdin er háð og eru á starfssviði umsagnaraðila. Þá skal, eftir því sem við á, benda á atriði sem nýst geta við endanlega útfærslu deiliskipulagstillögunnar og vinnslu hennar.

Sveitarstjórn Bláskógabyggðar telur að nægilega sé gerð grein fyrir fyrirhugagðri framkvæmd í framlögðum gögnum, umhverfi hennar, umhverfisáhrifum, mótvægisaðgerðum og vöktun. Það er mat sveitarstjórnar að framkvæmdin þurfi ekki að fara í umhverfismat. Framkvæmdir á grundvelli fyrirspurnarinnar eru ekki háðar leyfisveitingum af hálfu Bláskógabyggðar.

13.

Lántökur 2021 – 2101047

Lántökur skv. fjárhagsáætlun 2021. Tillaga um að tekið verði 110 millj.kr. lán hjá Lánasjóði íslenskra sveitarfélaga.

Sveitarstjórn Bláskógabyggðar samþykkir hér með á sveitarstjórnarfundi að taka lán hjá Lánasjóði sveitarfélaga að höfuðstól allt að kr. 110.000.000, þar af kr. 69.000.000 með lokagjalddaga þann 23. mars 2040, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér. Þá hefur sveitarstjórnin kynnt sér gildandi græna umgjörð Lánasjóðs sveitarfélaga og samþykkir að rástöfun lánsins falli að henni. Sveitarstjórn samþykkir að kr. 41.000.000 verði til 12 ára í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér.
Sveitarstjórn samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.
Er lánið tekið annars vegar til framkvæmda við fráveitulagnir, kaupa á hreinsistöð og göngustígagerð, og hinsvegar til framkvæmda við lagningu ljósleiðara sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Ástu Stefánsdóttur, sveitarstjóra, kt. 251070-3189, veitt fullt og ótakmarkað umboð til þess f.h. Bláskógabyggðar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

14.

Innleiðing Heimsmarkmiða Sameinuðu þjóðanna – 2109037

Verkfærakista um heimsmarkmiðin fyrir sveitarfélög, kynning á næstu skrefum í innleiðingu heimsmarkmiða Sameinuðu þjóðanna hjá Bláskógabyggð. https://www.heimsmarkmidin.is/verkfaeri

Oddviti og sveitarstjóri gerðu grein fyrir fundi sem haldinn var með sveitarfélögum sem taka þátt í sameiginlegu verkefni um innleiðingu Heimsmarkmiða Sameinuðu þjóðanna og næstu skrefum í vinnunni, sem snúa að kortlagningu á því hvaða þættir í starfsemi sveitarfélagsins styðja nú þegar við sjálfbærni, hverjir eru helstu samráðs- og samstarfsaðilar og hvernig aðstæður eru innan sveitarfélagsins í efnahagslegu, félagslegu og umhverfislegu tilliti.

15.

Stafræn húsnæðisáætlun Bláskógabyggðar – 2112012

Húsnæðisáætlun Bláskógabyggðar

Sveitarstjóri gerði grein fyrir vinnu við stafræna húsnæðisáætlun, sem lögð verður fram til samþykktar á næsta fundi.

16.

Reglur um skólaakstur – 2108013

Reglur um skólaakstur

Sveitarstjórn samþykkir reglur um skólaakstur.

17.

Hönnun húsnæðis fyrir UTU – 2106036

Staðsetning húsnæðis UTU við Hverabraut.

Í tengslum við hönnun aðkomu að fyrirhugaðri nýbyggingu fyrir embætti skipulags- og byggingarfulltrúa hafa komið fram ábendingar um að einfalda mætti framkvæmdir við aðkomu að húsinu. Sveitarstjórn felur oddvita og sveitarstjóra að gera tillögu að útfærslu á breytingu á deiliskipulagi í takt við umræður á fundinum.

18.

Íþróttahúsið á Laugarvatni, gólf – 2110018

Minnisblað starfshóps varðandi endurbætur á gólfi íþróttahússins á Laugarvatni.

Lagt var fram minnisblað starfshóps frá 9. desember 2021, ásamt ástandsmati eignarinnar frá 2017 og töflu um notkun íþróttahússins á haustönn 2021. Í minnisblaðinu er farið yfir ástand gólfsins og lagt mat á tvo kosti við endurbætur, annarsvegar að klæða það með dúk og hinsvegar að leggja parket á gólfið. Mat starfshópsins er að parketgólf sé betri og hentugri kostur með tilliti til þeirrar nýtingar sem er í húsinu. Einnig megi búast við betri nýtingu æfingahópa á húsinu ef parketgólf verður fyrir valinu. Hópurinn leggur jafnframt áherslu á að komið verði í veg fyrir þann leka sem er í þakinu yfir íþróttagólfinu.
Sveitarstjórn samþykkir að á árinu 2022 verði ráðist í skipti á gólfefnum í íþróttahúsinu á Laugarvatni og verði lagt parketgólf á íþróttasalinn. Jafnframt verði þak hússins lagfært til að koma í veg fyrir leka. Í fjárhagsáætlun ársins er gert ráð fyrir fjármagni til verkefnisins.

19.

Raforkuverð á Laugarvatni – 2112014

Ályktun sveitarstjórnar um að þéttbýlið á Laugarvatni verði fellt undir þéttbýlistaxta í gjaldskrá RARIK, þar sem íbúafjöldi er nú kominn yfir 200 íbúa markið sem skilgreiningar RARIK miða við.

Samkvæmt 25. gr. regugerðar nr. 1040/2005 um framkvæmd raforkulaga er dreifiveitu einungis heimilt að hafa sérstaka gjaldskrá á dreifbýlissvæðum og er þar miðað við staði þar sem færri en 200 manns búa. Íbúar á Laugarvatni eru nú 206 talsins skv. upplýsingum þjóðskrár, en Laugarvatn er enn fellt undir dreifbýlistaxta RARIK. Sveitarstjórn Bláskógabyggðar beinir því til RARIK að breyta gjaldtöku fyrir raforkunotkun á Laugarvatni, þannig að miðað verði við almenna gjaldskrá sem gildir í þéttbýli. Sveitarstjóra er falið að senda RARIK bókun þessa, svo og Orkustofnun, sem veitir dreifiveitum heimild til undanþága frá notkun almennrar gjaldskrár og fer með eftirlitshlutverk gagnvart dreifiveitum.

20.

Snjómokstur á vegum Vegagerðarinnar – 2112015

Ályktun Bláskógabyggðar um stig vetrarþjónustu Vegagerðarinnar

Bláskógabyggð hefur verið í samskiptum við Vegagerðina á liðnum vikum vegna vetrarþjónustu sem Vegagerðin sinnir í sveitarfélaginu og hefur m.a. verið mælst til þess að vegir séu mokaðir snemma á morgnana, áður en fólk fer til vinnu og snjór treðst. Hefur einnig verið þrýst á að vetrarþjónusta verði aukin á Skálholtsvegi, Reykjavegi, Bræðratunguvegi, Kjósarskarðsvegi, Þingvallavegi (frá gatnamótum Lyngdalsheiðarvegar og Biskupstungnabrautar) og Skeiða- og Hrunamannavegi, en allir þessir vegir eru í þeim flokki að aðeins er veitt vetrarþjónusta fimm daga í viku, ekki á þriðjudögum og laugardögum. Vegagerðin hefur í einhverjum tilvikum brugðist við og sinnt vetrarþjónustu á dögum sem ekki falla undir daga sem veita skal þjónustu á. Af hálfu Bláskógabyggðar er lögð áhersla á að vegir þessir verði mokaðir eftir þörfum, ekki bara þá daga sem skipulag Vegagerðarinnar gerir ráð fyrir. Alla jafna skapast ekki þörf fyrir slíkt oftar en fimm daga í viku, a.m.k. ef horft er til veðurlags síðustu ára. Þá er einnig mikilvægt að þessir vegir séu mokaðir það snemma að snjór troðist ekki og svell myndist, með tilheyrandi hálku. Nauðsynlegt er að hálkuverja (sanda) þegar mikil hálka er og getur mokstur áður en snjór treðst komið í veg fyrir að ráðast þurfi í slík verkefni. Á Skálholtsvegi eru t.d. miklar brekkur sem geta orðið mjög hættulegar í hálku. Skálholtsvegur er mikilvæg umferðaræð, enda er heilsugæsla fyrir allar uppsveitir Árnessýslu staðsett í Laugarási og nauðsynlegt að íbúar hafi greitt aðgengi að henni. Um framangreinda vegi fara skólabörn alla virka daga og er nauðsynlegt að huga að öryggi þeirra, sem og annarra vegfarenda. Fjölmargir sækja vinnu milli sveitarfélaganna í uppsveitum Árnessýslu og er nauðsynlegt fyrir þessi samfélög að vegir séu greiðfærir. Góð vetrarþjónusta kemur í veg fyrir að fólk missi úr vinnu, börn komist ekki í skóla og getur dregið úr kostnaði samfélagsins við tjón á ökutækjum og slys á vegfarendum. Góð vetrarþjónusta verður því að teljast hagkvæm og stuðla að sjálfbærni sveitarfélaga og svæða, í anda Heimsmarkmiða Sameinuðu þjóðanna.

21.

Samstarf við N4 um þáttagerð – 2112013

Erindi N4 um samstarf um þáttagerð.

Lagðar voru fram upplýsingar um áhorfstölur N4 og hvar unnt er að nálgast efni fjölmiðilsins. Þá var einnig lagt fram, sem trúnaðarskjal, samningsform, komi til þess að Bláskógabyggð ráðist í samstarf við N4 um þáttagerð og sýninar á miðlum N4 á árinu 2022. Umræða varð um málið.
Sveitarstjórn samþykkir að taka þátt í verkefninu og felur sveitarstjóra að undirrita samning við N4. Gert er ráð fyrir kostnaði í fjárhagsáætlun sem er til afgreiðslu á fundinum.

22.

Fjárhagsáætlun 2022 og 2023 til 2025 – 2108026

Forsendur fjárhagsáætlunar fyrir árið 2022.

Sveitarstjóri gerði grein fyrir helstu forsendum fjárhagsáætlunar fyrir árið 2021. Sveitarstjórn samþykkir eftirfarandi forsendur fjárhagsáætlunar fyrir árið 2022:

1. Útsvar:
Útsvar fyrir árið 2022 verði 14,52%.

2. Verðlag:
Gert er ráð fyrir 3,3% verðbólgu skv. þjóðhagsspá.

3. Aðrar forsendur:
Gert er ráð fyrir að íbúafjöldi haldist óbreyttur.

4. Fasteignagjöld:
i) Fasteignaskattur:
A-liður Fasteignaskattur íbúðarhúsnæðis eins og það er skilgreint í a-lið 3. mgr. 3. gr. laga nr. 4/1995 verður 0,5% af heildarfasteignamati.
B-liður Fasteignaskattur af opinberum byggingum eins og þær eru skilgreindar í b-lið 3. mgr. 3. gr. laga nr. 4/1995 verður 1,32% af heildarfasteignamati.
C-liður Fasteignaskattur atvinnuhúsnæðis og annarra eigna eins og þær eru skilgreindar í c-lið 3. mgr. 3. gr. laga nr. 4/1995 verður 1,50% af heildarfasteignamati.
Afsláttur sem er veittur tekjulágum elli- og örorkulífeyrisþegum sem eiga lögheimili í viðkomandi fasteign fer eftir samþykkt um tekjuviðmið sem samþykkt var í sveitarstjórn Bláskógabyggðar þann 7. apríl 2011.

ii) Vatnsgjald:
Vatnsgjald verður 0,3% af heildarfasteignamati eigna sem tengst geta vatnsveitu sveitarfélagsins. Hámarksálagning verður 59.049 á sumarhús og íbúðarhús. Lágmarksálagning verður 17.727.

iii) Gjaldskrá fyrir fráveitu og hreinsun rotþróa í Bláskógabyggð:

Fráveitugjald verði 0,27% af heildarfasteignamati eigna sem tengjast fráveitukerfum sveitarfélagsins.
Sveitarfélagið innheimtir árlega rotþróargjald til niðurjöfnunar á kostnaði við tæmingu rotþróa, skv. 18. gr. samþykktar um fráveitur og rotþrær í Bláskógabyggð.
Árlegt rotþróargjald þar sem tæming á sér stað þriðja hvert ár skal vera eftirfarandi:
Rotþró 0 ?6000 lítra kr. 12.894.
Rotþró 6001 lítra og stærri kr. 2.866 pr./m3
Árlegt rotþróargjald þar sem tæming á sér stað annað hvert ár skal vera eftirfarandi:
Rotþró 0 ?6000 lítra kr. 19.335.
Rotþró 6001 lítra og stærri kr. 4.313 pr./m3
Árlegt rotþróargjald þar sem tæming á sér stað á hverju ári skal vera eftirfarandi:
Rotþró 0 ?6000 lítra kr. 38.683
Rotþró 6001 lítra og stærri kr. 8.602 pr./m3
Fyrir aukahreinsun, að beiðni eiganda, greiðist eftirfarandi:
Aukahreinsun á rotþró í tengslum við aðra hreinsun kr. 46.000.
Aukahreinsun á rotþró sem sérferð kr. 113.000.
Afsláttur sem er veittur tekjulágum elli- og örorkulífeyrisþegum sem eiga lögheimili í viðkomandi fasteign fer eftir samþykkt um tekjuviðmið sem samþykkt var í sveitarstjórn Bláskógabyggðar þann 7. apríl 2011.

iv) Lóðarleiga:
Lóðarleiga verði 1% af fasteignamati lóða.

v) Gjaldskrá vegna meðhöndlunar úrgangs 2022:
Sorphirðugjald:
Ílátastærð
240 l ílát 42.947 kr.
360 l ílát 55.240 kr.

240 l ílát, stækkun 1 46.847 kr. (stækkun á brún/blá/græntunnu)
240 l ílát, stækkun 2 63.841 kr. (stækkun á grátunnu)
240 l lílát, stækkun 3 46.847 kr. (stækkun á tveimur tunnum af brún/blá/græntunnum)

Sorpeyðingargjald vegna heimilisúrgangs:
Íbúðarhúsnæði 29.921 kr.
Frístundahúsnæði 25.237 kr.
Lögbýli 16.850 kr.
Fyrirtæki 62.355 kr.

Klippikort verða afhent greiðendum sorpeyðingargjalda.
Móttökugjald á einn m3: 6.000 kr.
Gjalddagar fasteignagjalda verði 6 talsins, innheimt mánaðarlega frá 1. febrúar 2022. Eindagar eru 30 dögum eftir gjalddaga.
5. Gjaldskrár aðrar:
Aðrar gjaldskrár hækka almennt um 3% og er vísað í texta þeirra á heimasíðu.

Texti gjaldskráa eins og hann er birtur í B-deild Stjórnartíðinda gengur framar þessum texta ef misræmi reynist vera.

23.

Gjaldskrá Bláskógaljóss 2022 – 2111040

Gjaldskrá Bláskógaljóss 2022, síðari umræða