309. fundur sveitarstjórnar Bláskógabyggðar

 

 309. fundur sveitarstjórnar Bláskógabyggðar haldinn í Aratungu, Reykholti,

miðvikudaginn 3. ágúst 2022, kl. 09:00.

 

 

Fundinn sátu:

Helgi Kjartansson, Stefanía Hákonardóttir, Sveinn Ingi Sveinbjörnsson, Guðrún S. Magnúsdóttir, Guðni Sighvatsson, Anna Greta Ólafsdóttir, Jón Forni Snæbjörnsson og Ásta Stefánsdóttir.

 

 

Fundargerð ritaði: Ásta Stefánsdóttir, sveitarstjóri.

 

 

1.   Fundargerð skipulagsnefndar – 2201007
243. fundur haldinn 13. júlí 2022. Afgreiða þarf sérstaklega liði nr. 1-7.
-liður 1, Eyjavegur 1 (L195857); umsókn um byggingarheimild; sumarbústaður 2206093
Fyrir liggur umsókn Guðna S. Sigurðssonar fyrir hönd Fagurhól Investment, móttekin 23.06.2022, um byggingarheimild fyrir 146,6 m2 sumarbústað á sumarbústaðalandinu Eyjavegur 1 L195857 í Bláskógabyggð.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar þar sem ekki er í gildi deiliskipulag fyrir svæðið. Berist engar athugasemdir vegna grenndarkynningar skal málinu vísað til afgreiðslu byggingarfulltrúa. Sveitarfélagið vinnur að gerð deiliskipulags fyrir svæðið sem byggir á deiliskipulagi fyrir frístundasvæði í landi Haukadals III frá árinu 2002 sem ekki kláraðist í ferli með gildistöku í B-deild Stjórnartíðinda.

-liður 2, Eyjavegur 17 (L195876); umsókn um byggingarheimild; sumarbústaður 2206113
Fyrir liggur umsókn Guðna S. Sigurðssonar fyrir hönd Fagurhól Investment, móttekin 29.06.2022, um byggingarheimild fyrir 106,1 m2 sumarbústað á sumarbústaðalandinu Eyjavegur 17 L195876 í Bláskógabyggð.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar þar sem ekki er í gildi deiliskipulag fyrir svæðið. Berist engar athugasemdir vegna grenndarkynningar skal málinu vísað til afgreiðslu byggingarfulltrúa. Sveitarfélagið vinnur að gerð deiliskipulags fyrir svæðið sem byggir á deiliskipulagi fyrir frístundasvæði í landi Haukadals III frá árinu 2002 sem ekki kláraðist í ferli með gildistöku í B-deild Stjórnartíðinda.

-liður 3, Birkilundur 11 L205492; Innkeyrsla á lóð; Deiliskipulagsbreyting 2207021
Lögð er fram umsókn frá Friðheimum ehf. er varðar óverulega breytingu á deiliskipulagi Reykholts. Í breytingunni felst breyting á aðkomu að lóð Birkilundar 11.
Sveitarstjórn Bláskógabyggðar samþykkir viðkomandi breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.

-liður 4, Bjarkarbraut 11 L194933; Fyrirspurn 2206098
Lögð er fram fyrirspurn frá Arnhildi Pálmadóttur fh. lóðareigenda að Bjarkarbraut 11, Reykholti, er varðar breytingu á deiliskipulagi. Í fyrirspurninni felst að byggingarreitur lóðar Bjarkarbrautar 11 verði stækkaður og heimild verði veitt fyrir þremur litlum húsum innan byggingarreits, samtals 75 m2 að stærð.
Sveitarstjórn Bláskógabyggðar felur oddvita að ræða við umsækjanda um breytingu á byggingarreit með hliðsjón af legu lagna í jörðu. Sveitarstjórn hafnar því að gerð verði breyting á deiliskipulagi í þá veru að gert verði ráð fyrir þremur litlum húsum innan byggingarreits, samtals 75 m2 að stærð.

-liður 5, Bjarkarbraut 14 L190016 og Bjarkarbraut 16 L190017; Færsla lóðamarka; Fyrirspurn 2207006
Lögð er fram fyrirspurn frá Fanneyju Hauksdóttur fh. lóðarhafa lóða 14 og 16 við Bjarkarbraut er varðar færslu lóðamarka í takt við framlögð gögn.
Sveitarstjórn Bláskógabyggðar gerir ekki athugasemd við framlagða fyrirspurn. Breytingar á lóðamörkum og byggingarreitum eru háðar umsókn um breytingu á deiliskipulagi Reykholts. Að auki skulu unnin ný lóðarblöð fyrir lóðirnar sem gera grein fyrir breytingum á afmörkun og stærðum.

-liður 6, Klif L167134; Skilgreining landsvæðis; Aðalskipulagsbreyting 2201035
Lögð er fram skipulagslýsing sem tekur til breytingar á landnotkun á jörðinni Klif L167134.
Sveitarstjórn Bláskógabyggðar gerir ekki athugasemdir við framlagða skipulagslýsingu og samþykkir skipulagslýsingu til kynningar og umsagna í samræmi við 30. gr. skipulagslaga nr. 123/2010.

-liður 7, Útey 2; Frístundasvæði í Mýrarskógi; Deiliskipulag 2201011
Lagt er fram deiliskipulag sem tekur til frístundabyggðar í landi Úteyjar 2 í Bláskógabyggð eftir auglýsingu. Í tillögunni felst skipulagning 8 ha frístundahúsasvæðis í Mýrarskógi. Innan svæðisins hafa nú þegar verið byggð 6 frístundahús og nær deiliskipulagið yfir þær lóðir auk þess sem bætt er við 4 lóðum innan reitsins svo lóðirnar verða 10 samtals. Lóðamörk mót suðri hafa verið aðlöguð að lóðarmörkum lóða í landi Úteyjar 1, lóða L168174 og L220202. Umsagnir bárust á auglýsingatíma skipulagsins og eru þær lagðar fram ásamt uppfærðum gögnum.
Sveitarstjórn Bláskógabyggðar samþykkir framlagt deiliskipulag eftir auglýsingu. Sveitarstjórn telur að brugðist hafi verið við umsögnum sem bárust vegna málsins með fullnægjandi hætti innan skipulagstillögunnar. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.

Fundargerðin var lögð fram til kynningar að öðru leyti.

 
2.   Fundargerð afgreiðslufunda byggingarfulltrúa – 2201008
167. fundur haldinn 06.07.2022
Fundargerðin var lögð fram til kynningar. Liður 60 í fundargerðinni er á dagskrá þessa fundar undir 55. lið.
 
3.   Fundargerð Héraðsnefndar Árnesinga – 2201023
26. fundur haldinn 30.06.2022
Fundargerðin var lögð fram til kynningar.
 
4.   Fundargerð heilbrigðisnefndar Suðurlands – 2201019
219. fundur haldinn 29. júní 2022
Fundargerðin var lögð fram til kynningar.
 
5.   Fundargerð stjórnar SASS – 2201022
584. fundur haldinn 24.06.2022
Fundargerðin var lögð fram til kynningar.
 
6.   Fundargerð stjórnar Sambands íslenskra sveitarfélaga – 2201025
910. fundur haldinn 20. maí 2022
911. fundur haldinn 23. júní 2022
Fundargerðirnar voru lagðar fram til kynningar.
 
7.   Aukaaðalfundur SASS – 2205042
Aukaaðalfundur haldinn 16.06.2022
Fundargerðin var lögð fram til kynningar.
 
8.   Aukaaðalfundur Heilbrigðiseftirlits Suðurlands – 2206003
Aukaaðalfundur Heilbrigðiseftirlits Suðurlands haldinn 16. júní 2022.
Fundargerðin var lögð fram til kynningar.
 
9.   Aukaaðalfundur Sorpstöðvar Suðurlands – 2201020
Aukaaðalfundur haldinn 16.06.2022
Fundargerðin var lögð fram til kynningar.
 
10.   Fundargerðir seyrustjórnar 2022 – 2201012
2. fundur haldinn 30.03.2022
3. fundur haldinn 14.06.2022
Fundargerðirnar voru lagðar fram til kynningar.
 
11.   Lóðarumsókn Tungurimi 11, Reykholti – 2207002
Umsókn Svavars Jóns Bjarnasonar um lóðina Tungurima 11, Reykholti.
Lóðin hefur verið auglýst laus til umsóknar, ein umsókn hefur borist. Sveitarstjórn samþykkir að úthluta lóðinni til Svavars Jóns Bjarnasonar.
 
12.   Lóðarumsókn Tungurimi 12, Reykholti – 2206027
Umsókn Víkurhúsa slf um lóðina Tungurima 12 (fyrsti kostur).
Lóðin hefur verið auglýst laus til umsóknar. Þrjár umsóknir hafa borist, sjá liði 12 til 14 á dagskrá fundarins. Dregið var á milli umsækjenda og kom lóðin í hlut Víkurhúsa. Sveitarstjórn samþykkir að úthluta lóðinni til Víkurhúsa.
 
13.   Lóðarumsókn Tungurimi 12, Reykholti – 2208014
Umsókn Malar og sands ehf um lóðina Tungurima 12, Reykholti
Umsóknin var afgreidd undir 12. lið
 
14.   Lóðarumsókn Tungurimi 12, Reykholti – 2208007
Umsókn Geysis ehf um lóðina Tungurima 12, Reykholti
Umsóknin var afgreidd undir 12. lið.
 
15.   Lóðarumsókn Tungurimi 16, Reykholti – 2206028
Umsókn Víkurhúsa slf um lóðina Tungurima 16 (annar kostur)
Lóðin hefur verið auglýst laus til umsóknar. Þrjár umsóknir hafa borist, sjá liði 15 til 17 á dagskrá fundarins. Dregið var á milli tveggja umsækjanda þar sem Víkurhús falla frá umsókn sinni í ljósi niðurstöðu úthlutunar á lóð nr 12 við Tungurima. Kom lóðin í hlut Geysis ehf. Sveitarstjórn samþykkir að úthluta lóðinni til Geysis ehf.
 
16.   Lóðarumsókn Tungurimi 16, Reykholti – 2208016
Umsókn Malar og sands ehf um lóðina Tungurima 16, Reykholti
Umsóknin var afgreidd undir 15. lið.
 
17.   Lóðarumsókn Tungurimi 16, Reykholti – 2208006
Umsókn Geysis ehf um lóðina Tungurima 16, Reykholti
Umsóknin var afgreidd undir 15. lið.
 
18.   Lóðarumsókn Tungurimi 14, Reykholti – 2206029
Umsókn Víkurhúsa slf um lóðina Tungurima 14 (þriðji kostur)
Lóðin hefur verið auglýst laus til umsóknar. Þrjár umsóknir hafa borist, sjá liði 18 til 20 á dagskrá fundarins. Dregið var á milli tveggja umsækjenda þar sem Víkurhús féllu frá umsókn sinni og kom lóðin í hlut Geysis ehf. Sveitarstjórn samþykkir að úthluta lóðinni til Geysis ehf.
 
19.   Lóðarumsókn Tungurimi 14, Reykholti – 2208015
Umsókn Malar og sands ehf um lóðina Tungurima 14, Reykholti
Umsóknin var afgreidd undir 18. lið.
 
20.   Lóðarumsókn Tungurimi 14, Reykholti – 2208008
Umsókn Geysis ehf um lóðina Tungurima 14, Reykholti
Umsóknin var afgreidd undir 18. lið.
 
21.   Lóðarumsókn Skólatún 12-14, Laugarvatni – 2207001
Umsókn Melavíkur ehf um lóðina Skólatún 12-14, Laugarvatni.
Lóðin hefur verið auglýst laus til umsóknar. Ein umsókn hefur borist. Sveitarstjórn samþykkir að úthluta lóðinni til Melavíkur ehf.
 
22.   Lóðarumsókn Skólavegur 6, Reykholti – 2207003
Umsókn Stakrar gulrótar ehf um lóðina Skólaveg 6, Reykholti.
Sótt er um lóðina til nota fyrir bílastæði. Afgreiðslu er frestað til næsta fundar og oddvita og sveitarstjóra falið að ræða við umsækjanda.
 
23.   Lóðarumsókn Borgarrimi 1, Reykholti – 2207004
Umsókn Stakrar gulrótar ehf um lóðina Borgarrima 1, Reykholti.
Lóðin hefur verið auglýst laus til umsóknar. Ein umsókn hefur borist. Sveitarstjórn samþykkir að úthluta lóðinni til Stakrar gultórar ehf.
 
24.   Lóðarumsókn Borgarrimi 2, Reykholti – 2207006
Umsókn Stakrar gulrótar ehf um lóðina Borgarrima 2, Reykholti.
Lóðin hefur verið auglýst laus til umsóknar. Þrjár umsóknir hafa borist, sjá liði nr. 24 til 26 á dagskrá fundarins. Dregið var á milli umsækjenda og kom lóðin í hlut Malar og sands ehf. Sveitarstjórn samþykkir að úthluta lóðinni til Malar og sands ehf.
 
25.   Lóðarumsókn Borgarrimi 2, Reykholti – 2208009
Umsókn Malar og sands ehf um lóðina Borgarrima 2, Reykholti
Umsóknin var afgreidd undi 24. lið.
 
26.   Lóðarumsókn Borgarrimi 2, Reykholti – 2208001
Umsókn Geysis ehf um lóðina Borgarrima 2, Reykholti
Umsóknin var afgreidd undi 24. lið.
 
27.   Lóðarumsókn Borgarrimi 3, Reykholti – 2207005
Umsókn Stakrar gulrótar ehf um lóðina Borgarrima 3, Reykholti.
Lóðin hefur verið auglýst laus til umsóknar. Ein umsókn hefur borist. Sveitarstjórn samþykkir að úthluta lóðinni til Stakrar gultórar ehf.
 
28.   Lóðarumsókn Borgarrimi 4, Reykholti – 2207007
Umsókn Stakrar gulrótar ehf um lóðina Borgarrima 4, Reykholti.
Lóðin hefur verið auglýst laus til umsóknar. Þrjár umsóknir hafa borist, sjá liði nr. 28 til 30 á dagskrá fundarins. Dregið var á milli umsækjenda og kom lóðin í hlut Malar og sands ehf. Sveitarstjórn samþykkir að úthluta lóðinni til Malar og sands ehf.
 
29.   Lóðarumsókn Borgarrimi 4, Reykholti – 2208010
Umsókn Malar og sands ehf um lóðina Borgarrima 4, Reykholti
Umsóknin var afgreidd undi 28. lið.
 
30.   Lóðarumsókn Borgarrimi 4, Reykholti – 2208002
Umsókn Geysis ehf um lóðina Borgarrima 4, Reykholti
Umsóknin var afgreidd undi 28. lið.
 
31.   Lóðarumsókn Borgarrimi 6, Reykholti – 2207008
Umsókn Stakrar gulrótar ehf um lóðina Borgarrima 6, Reykholti.
Lóðin hefur verið auglýst laus til umsóknar. Ein umsókn hefur borist. Sveitarstjórn samþykkir að úthluta lóðinni til Stakrar gultórar ehf.
 
32.   Lóðarumsókn Borgarrimi 8, Reykholti – 2207009
Umsókn Stakrar gulrótar ehf um lóðina Borgarrima 8, Reykholti.
Lóðin hefur verið auglýst laus til umsóknar. Ein umsókn hefur borist. Sveitarstjórn samþykkir að úthluta lóðinni til Stakrar gulrótar ehf.
 
33.   Lóðarumsókn Tungurimi 8, Reykholti – 2208012
Umsókn Malar og sands ehf um lóðina Tungurima 8, Reykholti
Lóðin hefur verið auglýst laus til umsóknar. Tvær umsóknir hafa borist, sjá liði nr. 33 og 34á dagskrá fundarins. Dregið var á milli umsækjenda og kom lóðin í hlut Malar og sands ehf. Sveitarstjórn samþykkir að úthluta lóðinni til Malar og sands ehf.
 
34.   Lóðarumsókn Tungurimi 8, Reykholti – 2208004
Umsókn Geysis ehf um lóðina Tungurima 8, Reykholti
Umsóknin var afgreidd undir 33. lið.
 
35.   Lóðarumsókn Borgarrimi 5, Reykholti – 2208003
Umsókn Geysis ehf um lóðina Borgarrima 5, Reykholti
Lóðin hefur verið auglýst laus til umsóknar. Tvær umsóknir hafa borist, sjá liði nr. 35 og 36 á dagskrá fundarins. Dregið var á milli umsækjenda og kom lóðin í hlut Geysis ehf. Sveitarstjórn samþykkir að úthluta lóðinni til Geysis ehf.
 
36.   Lóðarumsókn Borgarrimi 5, Reykholti – 2208011
Umsókn Malar og sands ehf um lóðina Borgarrima 5, Reykholti
Umsóknin var afgreidd undir 35. lið.
 
37.   Lóðarumsókn Tungurimi 10, Reykholti – 2208013
Umsókn Malar og sands ehf um lóðina Tungurima 10, Reykholti
Lóðin hefur verið auglýst laus til umsóknar. Tvær umsóknir hafa borist, sjá liði nr. 37 og 38 á dagskrá fundarins. Dregið var á milli umsækjenda og kom lóðin í hlut Geysis ehf. Sveitarstjórn samþykkir að úthluta lóðinni til Geysis ehf.
 
38.   Lóðarumsókn Tungurimi 10, Reykholti – 2208005
Umsókn Geysis ehf um lóðina Tungurima 10, Reykholti
Umsóknin var afgreidd undir 37. lið.
 
39.   Mönnunarvandi innan heilsugæslu – 2207010
Ályktun bæjarstjórnar Vestmannaeyja, dags. 5. júlí 2022, um mönnunarvanda innan heilsugæslu.
Lögð var fram ályktun bæjarstjórnar Vestmannaeyja frá 5. júlí sl. um vanda við að manna stöður heilbrigðisstarfsfólks á landsbyggðinni. Sveitarstjórn Bláskógabyggðar tekur undir bókunina, sem er svohljóðandi:
Bæjarstjórn Vestmannaeyja áréttar að jafnt aðgengi allra landsmanna að heilbrigðisþjónustu á að vera grundvallaratriði í samfélagsuppbyggingunni. Sú er hins vegar ekki raunin fyrir fólk á landsbyggðinni í dag. Heilsugæslan á landsbyggðinni er undirmönnuð og aðgengi íbúa að grunnheilbrigðisþjónustu er skert. Það þarf að búa þannig um hnútana að heilbrigðisstofnanir á landsbyggðinni geti mannað stöður heilbrigðisstarfsfólks þannig að þær geti veitt þá grunnheilbrigðisþjónustu sem þeim er ætlað. Þá liggur fyrir að flestar flóknar aðgerðir eru í dag einungis framkvæmanlegar á Landspítalanum. Það þarf að auka öryggi sjúklinga á landsbyggðinni með því að styrkja og breyta fyrirkomulagi sjúkraflugs m.a. með tilkomu sérhæfðrar sjúkraþyrlu og ákveða þarf staðsetningu flugvallar í Vatnsmýrinni til framtíðar. Þannig tryggjum við að allir landsmenn geti notið þjónustu Landspítalans með fullnægjandi hætti.
 
40.   Samstarfssamningur um rekstur félagsmiðstöðvarinnar Zetors – 2207011
Samstarfssamningur Grímsnes- og Grafningshrepps og Bláskógabyggðar um rekstur félagsmiðstöðvar.
Lagður var fram samstarfssamningur á milli Grímsnes- og Grafningshrepps og Bláskógabyggðar um rekstur félagsmiðstöðvar. Sveitarstjórn staðfestir samninginn.
 
41.   Íslenska æskulýðsrannsóknin fyrir Árnesþing 2022 – 2207012
Niðurstöður íslensku æskulýðsrannsóknarinnar fyrir Árnesþing, skýrsla Menntavísindastofnunar 2022.
Skýrslan var lögð fram. Sveitarstjórn vísar henni til skólanefndar og æskulýðsnefndar til kynningar.
 
42.   Innleiðing Heimsmarkmiða Sameinuðu þjóðanna – 2109037
Erindi Sambands íslenskra sveitarfélaga, dags. 12. júlí 2022, um samstarf um innleiðingu Heimsmarkmiða Sameinuðu þjóðanna.
Erindið var lagt fram. Þar er boðið upp á fund um samstarf um innleiðingu Heimsmarkmiðanna hinn 31. ágúst n.k.
 
43.   Stefnumótandi áætlanir ríkisins á sviði sveitarfélaga, skipulags- og húsnæðismála – 2207016
Erindi Innviðaráðuneytisins, dags. 20. júní, 28. júní og 7. júlí vegna vinnu við endurskoðun stefnumótandi áætlunar í málefnum sveitarfélaga 2019-2033 og Landsskipulagsstefnu 2015-2026, ásamt mótunar nýrrar húsnæðisstefnu.
Erindið var lagt fram. Frestur til að skila svörum er til 15. ágúst n.k. Sveitarstjóra er falið að svara erindinu í samráði við oddvita.
 
44.   Eftirlit með fjármálum sveitarfélaga – 2203010
Bréf Eftirlitsnefndar með fjármálum sveitarfélaga, dags. 23.06.2022.
Erindið var lagt fram. Meginástæða þess að rekstur Bláskógabyggðar uppfyllti ekki öll lágmarksviðmið eftirlitsnefndar á árinu 2021 má rekja til samdráttar í útsvarstekjum á árinu sem stafaði af erfiðleikum í einni meginatvinnugrein innan sveitarfélagsins, ferðaþjónustu, vegna áhrifa covid. Það sem af er þessu ári hafa útsvarstekjur verið umfram áætlun og horfur hvað það varðar því betri. Þá hafði óvæntur útgjaldaauki vegna málefna fatlaðs fólks neikvæð áhrif á rekstrarniðurstöðu, en þær upplýsingar lágu ekki fyrir fyrr en nokkuð var liðið á árið 2022.
 
45.   Máltíðir fyrir mötuneyti í Aratungu – 2207018
Minnisblað um samstarf við Matartímann um mat fyrir mötuneyti Aratungu, ásamt fylgigögnum.
Sveitarstjóri kynnti málið, sem varðar kaup á tilbúnum máltíðum og/eða hráefni tilbúnu til matargerðar fyrir mötuneyti Bláskógabyggðar í Aratungu. Tilboði Matartímans, fyrirtækis í eigu Sölufélags garðyrkjumanna, hefur verið tekið og mun afhending hefjast í kringum 20. ágúst. Gerður verður samningur um verkefnið til reynslu. Minnisblað sveitarstjóra, ásamt matseðlum og næringarútreikningum var lagt fram, auk verðtilboðs Matartímans.
 
46.   Endurskoðun aðalskipulags Bláskógabyggðar, tilkynning – 2207019
Tilkyning til Skipulagsstofnunar um að ekki standi til að endurskoða aðalskipulag Bláskógabyggðar á yfirstandandi kjörtímabili.
Að loknum hverjum sveitarstjórnarkosningum skal sveitarstjórn taka afstöðu til þess hvort ráðast skuli í endurskoðun aðalskipulags. Í ljósi þess að nýtt aðalskipulag Bláskógabyggðar var staðfest 2018 telur sveitarstjórn ekki ástæðu til þess að ráðast í endurskoðun þess á kjörtímabilinu 2022-2026.
Sveitarstjórn felur sveitarstjóra að tilkynna Skipulagsstofnun framangreint skv. 35. gr. skipulagslaga nr. 123/2010.
 
47.   Styrkbeiðni vegna kaupa á dróna – 2207024
Styrkbeiðni Björgunarsveitarinnar Ingunnar, dags. 28. júlí 2022, vegna kaupa á dróna.
Lögð var fram styrkbeiðni Björgunarsveitarinnar Ingunnar, þar sem óskað er eftir 200.000 kr styrk til kaupa á björgunardróna. Sveitarstjórn samþykkir 200.000 kr styrk til verkefnisins. Kostnaður rúmast innan fjárhagsáætlunar.
 
48.   Aðkoma að Dalbraut 10 og bílastæði – 2207023
Erindi DB 10 ehf og Laugarvatns gistingar ehf, dags. 28. júlí 2022, um aðkomu að Dalbraut 10 og bílastæði.
Lagt var fram erindi Þórhalls Hinrikssonar f.h. eiganda og rekstraraðila Dalbrautar 10 á Laugarvatni, sem varðar breytta aðkomu að bílastæðum við Dalbraut 10 og 12, þar sem ráðgert er að loka fyrir bílaakstur út af stæðinu austast á lóð Dalbrautar 12. Óskað er eftir að sveitarstjórn beiti sér fyrir því að opnun til útaksturs af bílaplani verði haldið og komið verði fyrir annarri bílastæðaröð milli bílaplans og vegar. Oddvita og sveitarstjóra er falið að ræða við Vegagerðina og bréfritara um lausn málsins.
 
49.   Heimasíða Bláskógabyggðar – 2110015
Fyrirspurn Þ-lista um heimasíðu
Lögð var fram eftirfarandi fyrirspurn Þ-lista:
Nýr þjónustuvefur
Fyrirspurn um stöðu á nýrri heimasíðu – þjónustuvef fyrir sveitarfélagið. Þ-listinn óskar eftir upplýsingum um stöðu á nýrri heimasíðu sem hefur verið í smíðum síðustu mánuði. Hvenær má vænta að vefurinn verði tekinn í notkun?
Áætlað er að ný heimasíða verði tekin í notkun á haustmánuðum.
 
50.   Frístundastyrkir – 2207022
Fyrirspurn Þ-lista um frístundastyrki
Lögð var fram eftirfarandi fyrirspurn frá Þ-lista:
Frístundastyrkur.
Fyrirspurn frá Þ-listanum um framkvæmd og stöðu á frístundastyrk fyrir börn fyrir árið 2022.
Ráðgert er að reglur um frístundastyrki verði lagðar fram á næsta fundi sveitarstjórnar.

 
51.   Streymi frá sveitarstjórnarfundum – 2207021
Tillaga Þ-lista um streymi frá fundum
Lögð var fram svohljóðandi tillaga frá Þ-lista:
Streymi frá sveitarstjórnarfundum.
Fulltrúar Þ-listans leggja fram þá tillögu að sveitarstjórnarfundum verði streymt í beinu streymi og að fundir sveitarstjórnar verði aðgengilegir í heild sinni á nýjum þjónustuvef sveitarfélagsins og/eða streymisveitum líkt og YouTube. Sveitarfélagið fjárfesti í fjarfundarbúnaði svo vel sé hægt að standa að slíku streymi til framtíðar, auk þess myndi slíkur búnaður nýtast fyrir aðra fundi á vegum sveitarfélagsins.

Sveitarstjórn er sammála um að auka gagnsæi og verður gert ráð fyrir því að fundargögn verði birt á nýrri heimasíðu. Tillagan var borin undir atkvæði og felld með fimm atkvæðum fulltrúa T-lista gegn tveimur atkvæðum fulltrúa Þ-lista.

 
52.   Íbúafundir um málefni svæða – 2207020
Tillaga Þ-lista um íbúafundi
Lögð var fram svohljóðandi tillaga Þ-lista:
Íbúafundir um málefni svæða.
Þ-listinn óskar eftir að haldnir verði íbúafundir um málefni svæða. Að haldnir verði 4 íbúafundir, einn fyrir hvert svæði, nú í haust. Tilvalið væri að halda þá strax í septembermánuði. Fyrsti íbúafundurinn verði á Laugarvatni, varðandi skipulagsmál, uppbyggingu innviða ofl. Málefni Laugarvatns hafa verið mikið í umræðunni síðustu mánuði og mikilvægt er að íbúum séu gefin svör við þeim spurningum er vaknað hafa.

Anna Greta Ólafsdóttir fylgdi tillögunni úr hlaði. Umræða varð um málið.
Sveitarstjórn samþykkir að halda íbúafund fyrir sveitarfélagið í heild í haust. Í framhaldi af því verði metið hvort haldnir verði sérstakir íbúafundir fyrir einstök svæði.

 
53.   Hjólhýsasvæðið á Laugarvatni – 2004032
Tillaga Jóns F. Snæbjörnssonar, Þ-lista, varðandi hjólhýsasvæðið á Laugarvatni.
Lögð var fram svohljóðandi tillaga Jóns F. Snæbjörnssonar, Þ-lista:
Áhættugreining og rafræn íbúakosning varðandi hjólhýsasvæði við Laugarvatn
Jón F. Snæbjörnsson fulltrúi Þ-lista óskar eftir að unnin verði áhættugreining (mat á brunahættu) fyrir hjólhýsasvæðið á Laugarvatni sbr. bréf fulltrúa Brunavarna Árnessýslu og Lögreglustjórans á Suðurlandi, dags. 22. maí 2020.
Í framhaldi af áhættugreiningunni verði íbúum gefið tækifæri með rafrænni íbúakosningu til að koma beint að ákvarðanatöku varðandi framtíð svæðisins, hvort þar verði skipulagt hjólhýsasvæði til frambúðar.

Jón F. Snæbjörnsson fylgdi tillögunni úr hlaði. Umræða varð um málið.
Tillagan var borin undir atkvæði og felld með sex atkvæðum fulltrúa T-lista og AGÓ Þ-lista, gegn atkvæði JFS Þ-lista.

 
54.   Endurskipulagning á sýslumannsembættum – 2204007
Drög að frumvarpi til laga um sýslumannsembætti, umsagnarfrestur er til 15. ágúst 2022.
Sveitarstjórn Bláskógabyggðar samþykkti svohljóðandi bókun á 302. fundi hinn 7. apríl s.l. þegar erindi dómsmálaráðuneytisins til kynningar á málinu var lagt fram:
Sveitarstjórn Bláskógabyggðar leggur áherslu á að jafnt aðgengi að þjónustu verði tryggt um allt land og að þjónusta ríkisins verði sem víðast á landinu. Aukin stafræn þjónusta eykur möguleika á að flytja störf út á landsbyggðina, þ.m.t. sérhæfð störf sérfræðinga, og má með því styrkja starfsstöðvar sýslumannsembætta um land allt. Við breytingar sem urðu þegar sýslumanns- og lögreglustjóraembætti voru aðskilin var lýst yfir vilja til að færa ýmis verkefni til sýslumannsembætta. Ekki hefur orðið mikið úr þeim áformum. Þróun í stafrænum lausnum og fjarvinnu á síðustu árum gerir það að verkum að nú er auðvelt að sinna ýmsum verkefnum hvar á landinu sem er. Miklu skiptir fyrir byggðaþróun í landinu að verkefni ríkisins safnist ekki fyrir á höfuðborgarsvæðinu, heldur verði leitast við að koma þeim fyrir sem víðast um land, þannig að fjölbreytt störf verði í boði í öllum landshlutum. Nauðsynlegt er að við endurskipulagningu sýslumannsembætta verði haft víðtækt samráð við sveitarfélög og samtök þeirra og horft til sjónarmiða um vöxt og viðgang landsbyggðarinnar.

Athygli vekur, nú þegar frumvarpsdrög liggja fyrir, að ekki er að finna neitt í texta frumvarpsins sem tryggir að starfsstöðvar sýslumanns á landsbyggðinni verði styrktar í sessi, þrátt fyrir að í greinargerð með frumvarpinu sé tiltekið að með því sé lögð sérstök áhersla á að efla starfsemi hins opinbera á landsbyggðinni. Sveitarstjórn Bláskógabyggðar telur nauðsynlegt að vanda betur til verka. Reynslan frá því að síðast voru gerðar breytingar á sýslumannsembættunum með aðskilnaði lögreglu- og sýslumannsembætta þykir fremur hafa verið sú að dregið hafi úr starfsemi embættanna á landsbyggðinni og þjónusta jafnvel verið færð fjær notendum. Ný verkefni sem orðið hafa til, svo sem eftirlit með gististarfsemi, hafa verið staðsett hjá sýslumannsembættinu á höfuðborgarsvæðinu og einungis fá og umfangslítil verkefni verið flutt frá öðrum ríkisstofnunum til sýslumanna á landsbyggðinni, öfugt við fyrri fyrirheit. Tryggja þarf betur grundvöll starfsemi sýslumanna á landsbyggðinni og þykja framkomin frumvarpsdrög ekki vinna að því markmiði.

 
55.   Rekstrarleyfisumsókn Brúarhvammur 222-0643 – 2207017
Beiðni Sýslumannsins á Suðurlandi, dags. 16. júní 2022, um umsögn um umsókn um rekstrarleyfi vegna Brúarhvamms, gististaður í flokki II-C, minna gistiheimili. Umsögn byggingarfulltrúa liggur fyrir.
Sveitarstjórn veitir jákvæða umsögn um erindið.
 
56.   Fjallskilasamþykkt endurskoðun – 2110017
Tilkynning oddvita Grímsnes- og Grafningshrepps, dags. 18. júlí 2022, um að ný fjallskilasamþykkt fyrir Árnessýslu austan vatna hafi tekið gildi.
Lagt fram til kynningar. Fjallskilasamþykkt verður send fjallskilanefndum til kynningar.
 
57.   Rammasamningur um aukið íbúðaframboð – 2207013
Kynning Húsnæðis- og mannvirkjastofnunar, dags. 12. júlí 2022, á rammasamningi milli ríkis og sveitarfélaga sem ætlað er að tryggja stöðuga uppbyggingu íbúða á næstu 10 árum.
Lagt fram til kynningar.
 
58.   Úttekt vegna Sigurhæða – 2207014
Kynning Sigurhæða, dags. 12. júlí 2022, á úttekt á undirbúningi, starfsemi og árangri SIGURHÆÐA eftir fyrsta starfsárið, ásamt heimboði.
Lagt fram til kynningar.
 
59.   Samráð um samgöngur á skipulagsstigi – 2207015
Erindi Vegagerðarinnar, dags. 12. júlí 2022, um mikilvægi samráðs um samgöngur á skipulagsstigi.
Lagt fram til kynningar.
 

 

 

Fundi slitið kl. 12:10.

 

 

 

 

 

Helgi Kjartansson Stefanía Hákonardóttir
Sveinn Ingi Sveinbjörnsson Guðrún S. Magnúsdóttir
Guðni Sighvatsson Anna Greta Ólafsdóttir
Jón Forni Snæbjörnsson Ásta Stefánsdóttir