Kæru íbúar Bláskógabyggðar

Undanfarna mánuði hefur Elísabet Björney Lárusdóttir unnið að greiningu úrgangs úr sveitarfélaginu, sem er liður í stefnumótun í umhverfismálum fyrir Bláskógabyggð.

Hún er núna komin með niðurstöður og eru fyrirhugaðar nokkrar kynningar á þeim í samráði við þá aðila sem málið varðar og hvaða spor verði tekin í framhaldi af þessum niðurstöðum.

Fyrirkomulag samráðs verður með þeim hætti, að fyrst verða niðurstöður kynntar. Í kjölfarið verður haldin vinnustofa þar sem safnað verður saman hugmyndum frá þátttakendum um lausnir.

Stofnuð hefur verið sérstök facebook síða, sem heitir „Úrgangsmál í Bláskógabyggð“ fyrir viðburðinn, þar sem hægt verður að senda inn fyrirspurnir og fylgjast með.

Boðað er til eftirfarandi samráðsfunda í Aratungu:

27.október 2017 kl. 18:00 – 20:00 – Sumarhúsaeigendur

26.október 2017 kl. 13:00 – 16:00 – Fyrirtæki

26.október 2017 kl. 19:00 – 21:00 – Íbúar

Fundatímar eru ekki bindandi fyrir hvern flokk fyrir sig.

Með ósk um góða þátttöku,

Sveitarstjórn Bláskógabyggðar