Kaffihús opnar á Kili

Framkvæmdum við nýtt kaffihús í Árbúðum við Kjalveg er að ljúka.
Nýja kaffihúsið hefur hlotið nafnið Hrefnubúðarkaffi.
Í tilefni opnunar verður  gestum og gangandi boðið í kaffi og vöfflur
frá kl. 14:00-18:00 laugardaginn 23. júní í Hrefnubúðarkaffi.

Árbúðir er fjallaskáli við Kjalveg.  Húsið rúmar  um 30 manns í gistingu og þar er góð aðstaða fyrir menn og hesta.  Eldunaraðstaða, vatnssalerni og sturta, hestagerði og hesthús.  Hrefna sú sem kaffihúsið er kennt við var tröllskessa, eiginkona Bergþórs risa í Bláfelli.  En sagan segir að henni hafi líkað illa að búa í Bláfelli eftir að kristni var tekin upp í landinu svo hún flutti og settist að í Hrefnubúðum.  Þau hjónin hittust svo gjarnan við veiðar í Hvítárvatni.  Má segja að þau hafi verið í fjarbúð,  jafnvel þau fyrstu á landinu.

Þau Vilborg Guðmundsdóttir og Loftur Jónasson eru rekstraraðilar í Árbúðum og annast  fleiri skála á fjöllum, Gíslaskála í Svartárbotnum og Fremstaver.  Á þessu ári tóku þau einnig við rekstri í Hólaskógi í Skeiða- og Gnúpverjahreppi. Af því tilefni bjóða þau upp á opið hús og vöfflukaffi í Hólaskógi 7. júlí kl. 14:00 og  17:00

 

Allir velkomnir
www.gljasteinn.is