Fráveita og rotþrær

Bláskógabyggð rekur fráveitu á Laugarvatni, í Laugarási og í Reykholti. Hluti þéttbýlis er þó ekki tengdur fráveitukerfi, heldur rotþróm.

Bláskógabyggð fylgir eftir reglulegri hreinsun rotþróa í sveitarfélaginu. Helstu upplýsingar um hreinsun rotþróa í Bláskógabyggð er hægt að fá á heimasíðu seyruverkefnisins eða með því að hafa samband við þjónustufulltrúa seyruverkefnisins með tölupósti á netfangið seyra@seyra.is eða í síma 832 5105.

Í Bláskógabyggð eru rotþrær hreinsaðar á þriggja ára fresti. Sveitarfélagið er í samlagi við fimm önnur sveitarfélög á Suðurlandi um rekstur seyrubíls, sem sér um að hreinsa rotþrærnar, og móttökustöðvar á Flúðum. Seyrunni er safnað á Flúðum þar sem hún fer í sérstakan kalkara þar sem henni er blandað við kalk og stundum grasfræ. Að lokum er kölkuð seyra notuð í uppgræðslu í afgirtan afrétt í samstarfi við Landgræðslu Ríkisins.

Hægt er að sjá hvenær hver og ein rotþró var síðast heimsótt með því að fara inn á kortavefinn og skrifa heimilisfang eignar í gluggann uppi í vinstra horninu þar sem stendur "Finna/Search". Síðan þarf að haka við fráveita, sem er undir Veitur (ýta á plúsinn fyrir aftan Veitur) í valglugga hægra megin og þá kemur upp punktur þar sem rotþróin er staðsett. Ef ýtt er á punktinn koma upp upplýsingar um númer rotþróar og hvenær hún var síðast hreinsuð.

Hér að neðan má sjá helstu upplýsingar um rotþrær, hreinsunarferlið og algengar spurningar. Einnig er hægt að sjá fróðlegt myndband um seyruverkefnið.

Gjaldskrá fyrir fráveitu og hreinsun rotþróa 2023.

 

Er eitthvað á síðunni sem betur má fara?