Fjármálastjóri óskast

Fjármálastjóri

Bláskógabyggð auglýsir starf fjármálastjóra laust til umsóknar. Bláskógabyggð er blómlegt sveitarfélag í Uppsveitum Árnessýslu. Íbúar eru um 1.500 og auk þess eru um 2.000 sumarhús í sveitarfélaginu. Þéttbýliskjarnar eru þrír, Laugarás, Laugarvatn og Reykholt. Starfsstöð fjármálastjóra er í Aratungu í Reykholti.

Undir fjármálasvið heyrir reikningshald, áætlanagerð og fjármálastjórnun sveitarfélagsins, launavinnsla, reikningagerð og innheimta. Næsti yfirmaður er sveitarstjóri, en næstu undirmenn eru starfsmenn fjármálasviðs.

Fjármálastjóri er leiðandi og mótandi í starfi sínu, hefur frumkvæði að lausn verkefna, veitir ráðgjöf og hefur yfirumsjón með rekstri og fjármálum sveitarfélagsins. Fjármálastjóri leiðir fjármálasvið sveitarfélagsins.

Meginverkefni

• Yfirumsjón með bókhaldi og dagleg fjármálastjórn sveitarfélagsins.
• Undirbúningur, gerð og eftirfylgni fjárhagsáætlana.
• Yfirumsjón með framlagningu árshlutareikninga og ársreikninga.
• Greiningarvinna og miðlun upplýsinga.
• Þátttaka í mótun, þróun og innleiðingu verklags varðandi ábyrga fjármálastjórn og ýmsum öðrum umbótaverkefnum.
• Samskipti við hagaðila.

Menntunar- og hæfniskröfur

• Háskólamenntun í viðskiptafræði, hagfræði eða sambærileg menntun, framhaldsmenntun eða mikil hagnýt starfsreynsla æskileg.
• Víðtæk þekking og reynsla af reikningshaldi áskilin.
• Haldbær þekking og reynsla af fjárhagsáætlanagerð áskilin.
• Haldbær þekking og reynsla af rekstrareftirliti og fjármálastjórn.
• Mikil hæfni í greiningu og framsetningu tölulegra gagna.
• Þekking og reynsla af þróun og innleiðingu umbótaverkefna á sviði fjármála.
• Stjórnunarreynsla og þekking á opinberri stjórnsýslu kostur.
• Þekking á Navision fjárhagskerfi kostur.
• Hæfni í að tileinka sér nýja þekkingu og miðla henni áfram.
• Mjög góð samskipta- og leiðtogahæfni.
• Frumkvæði og metnaður til að ná árangri í starfi.
• Góð íslenskukunnátta.

Frekari upplýsingar um starfið:

Upplýsingar um starfið veitir Ásta Stefánsdóttir, sveitarstjóri, asta@blaskogabyggd.is eða í síma 480 3000. Umsóknir skulu berast til sveitarstjóra á netfangið asta@blaskogabyggd.is. Umsóknarfrestur er til og með 13. júlí n.k.

Laun og starfskjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

Umsókn skal fylgja greinargóð náms- og starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Æskilegt er að viðkomandi geti hafið störf sem fyrst.

Starfið hentar einstaklingum óháð kyni.