Framkvæmda- og veitunefnd

Farið var yfir mögulegar sviðsmyndir að lagnaleiðum og staðsetningu á dælustöð. Samþykkt að vinna frekari gögn.

Tankar fyrir miðlun á köldu vatni eru komnir í framleiðslu. Áætlaður framleiðslutími er 2-3 mánuðir. Vinna við að setja upp plan fyrir tankana hefst á næstu vikum. Áætlað er að unnt verði að koma tönkunum fyrir og tengja í vor.

Stefnt er að fundi með verkefnastjóra á næstu dögum vegna áfangaskiptingar og verðkönnunar/útboðs.

Lagður verður ljósleiðari í Borgarás á árinu. Sviðsstjóra er falið að undirbúa verðkönnun/útboð.

Sviðsstjóra er falið að senda út verðkönnun vegna Kotstúns og Fálkamýrar.

Í tengslum við endurbætur á Laugarvatnsvegi mun Vegagerðin loka stút að hesthúsasvæðinu, enda er núverandi staðsetning ekki í samræmi við skipulag. Samþykkt er að uppfæra verðkönunargögn þannig að miðað verði við aðkeyrslu eins og gert er ráð fyrir í skipulagi. Verðkönnun verði send út að því loknu, samhliða verðkönnun fyrir Kotstún.

Framkvæmda- og veitunefnd felur sviðsstjóra að bjóða út slátt og hirðingu á Laugarvatni. Heimild til framlengingar á núverandi samningi verði ekki nýtt.

Fyrir liggur að veitustjóri láti senn af störfum. Framkvæmda- og veitunefnd felur sviðsstjóra að auglýsa stöðu veitustjóra lausa til umsóknar.