Framkvæmda- og veitunefnd

Siðareglurnar voru lagðar fram til kynningar.

Erindisbréf nefndarinnar var lagt fram. Erindisbréfið verður endurskoða samhliða breytingum á skipan nefndarinnar.

Fundargerðirnar voru lagðar fram. Einnig var lagt fram minnisblað Eflu, verkfræðistofu, vegna byggingar dæluhúss við borholuna.
Farið var yfir stöðu verksins. Hönnun lagnaleiðar samhliða hönnun Garðsstígs er á lokastigi. Ráðist verður í verðkönnun í framhaldinu. Lagnaefni hitaveitu er tilbúið til afhendingar. Borholudæla er í pöntun ásamt dælum í dæluhús.
Í minnisblaði Eflu eru tilgreindar þrjár útfærslur á dæluhúsi. Framkvæmda- og veitunefnd vísar málinu til sveitarstjórnar.

Veitustjóri og sviðsstjóri fóru yfir stöðu verksins. Talsverðar tafir hafa orðið á afhendingu dæluhúss og efni sem hefur borist er amk að hluta ekki rétt afgreitt. Leitað verður til söluaðila innanlands varðandi efni í stað þess sem vantar eða þess sem ekki passar.
Nýtingarleyfisumsókn er til meðferðar hjá Umhverfis- og orkustofnun.

Veitustjóri gerði grein fyrir nauðsyn þess að taka upp borholudælu í holu RH-04. Vinna þarf verkið á meðan grunnskólinn er í sumarleyfi og er undirbúningur hafinn.

Veitustjóri gerði grein fyrir uppsetningu miðlunartanka við vatnsból á Laugarvatni. Tveimur tönkum hefur verið komið fyrir og er unnt að koma 2-3 til viðbótar fyrir á plani sem útbúið var, verði þörf á því.

Sviðsstjóri gerði grein fyrir því að framkvæmdir við verkið væru hafnar á grundvelli tilboðs sem samþykkt var á síðasta ári. Líklegt er að kostnaður verði lægri en gert var ráð fyrir þar sem heppilegri lagnaleið liggur fyrir.

Sviðsstjóri fór yfir framkomin tilboð og viðræður við lægstbjóðanda, Véldurg ehf. Framkvæmda- og veitunefnd leggur til við sveitarstjórn að tilboði Véldurgs ehf verði tekið. Tilboðið er að fjárhæð kr. 16.413.260, kostnaðaráætlun nam kr. 22.251.800.

Sjá afgreiðslu á 8. lið.

Fundargerð opnunarfundar liggur fyrir. Einnig er lagt fram minnisblað Lögmanna Suðurlandi um hæfi lægstbjóðanda, Íshnits ehf. Framkvæmda- og veitunefnd leggur til við sveitarstjórn að tilboði Íshnits ehf verði vísað frá. Framvkædma- og veitunefnd samþykkir að hæfi Ketilbjörns ehf verði kannað, en fyrirtækið átti næstlægsta boð.

Fundargerðir verkfunda voru lagðar fram.

Lagt var fram tilboð. Framkvæmda- og veitunefnd leggur til við sveitarstjórn að málið verði unnið áfram.

Fundargerðir verkfunda voru lagðar fram.

Sviðsstjóri og forstöðumaður íþróttamannvirkja hafa skoðað búningsklefa í öðrum sveitarfélögum og meta hvaða leið sé æskilegt að fara við endurnýjun búningsklefanna í íþróttamiðstöðinni á Laugarvatni. Til stendur að skoða fleiri staði.

Erindi Vegagerðarinnar var lagt fram. Þar kemur fram að Vegagerðin hafi takmarkað fjármagn til að gera ræsi undir vegi, líkt og æskilegt væri að gera við fyrirhugað hesthúsahverfi á Laugarvatni. Leggur Vegagerðin til að sveitarfélagið taki á sig efniskostnað en Vegagerðin greiði vinnulið verksins. Efniskostnaður er áætlaður um 7 millj.kr. Framkvæmda- og veitunefnd telur mikilvægt að reiðleið verði undir veginn á umræddum stað. Nefndin vísar erindinu til sveitarstjórnar.

Lögð voru fram tvö tilboð í viðhaldsstjórnunarkerfi sem myndu nýtast Bláskógabyggð og Bláskógaveitu. Veitustjóri gerði grein fyrir málinu.

Lokafrágangur lóðar við UTU er á áætlun ársins. Sviðsstjóri gerði grein fyrir því að lóðin verður þökulögð og sett lág girðing.

Erindi Sigrúnar Ernu var lagt fram. Veitustjóra er falið að ræða við umsækjanda.

Farið var yfir yfirlit yfir helstu verkefni sem eru framundan hvað varðar frágang og klæðningu malargatna og lagningu göngustíga. Forgangsröðun sem samþykkt var samhliða fjárhagsáætlun og tekur til áranna 2026-2028 var yfirfarin.

Lagðar voru fram skýrslur um ástandsskoðun skólamannvirkja Bláskógabyggðar. Nokkrar ábendingar koma fram um raka og verður unnið að úrbótum. Sviðsstjóra er falið að vinna að þeim verkefnum sem tilgreind eru í skýrslunum.

Erindi verkefnastjóra Heilsueflandi samfélags/íþróttafulltrúa var lagt fram. Nefndin tekur jákvætt í erindið og vísar því til sveitarstjórnar.