SKIPULAGSNEFND UPPSVEITA ÁRNESSÝSLU
Samvinnunefnd Bláskógabyggðar, Grímsnes-og Grafningshrepps,
Hrunamannahrepps, Skeiða-og Gnúpverjahrepps og Flóahrepps
um skipulagsmál.
FUNDARGERÐ
- FUNDUR
Fimmtudaginn 23. ágúst 2007, kl. 9 haldinn á Laugarvatni
Nefndarmenn:
Margeir Ingólfsson Bláskógabyggð
Ingvar Grétar Ingvarsson Grímsnes-og Grafningshr.
Sigurður Ingi Jóhannesson Hrunamannahreppur
Gunnar Örn Marteinsson Skeiða-og Gnúpverjahr.
Aðalsteinn Sveinsson Flóahreppur
Skipulagsfulltrúi uppsveita og framkvæmdastjóri skipulagsnefndar:
Pétur Ingi Haraldsson
FUNDARGERÐ
Sameiginleg mál
- Stærð aukahúsa á frístundahúsalóðum og nýtingarhlutfall -
endurskoðun
Varðandi samþykkt skipulagsnefndar um nýtingarhlutfall og stærðir aukahúsa
dags. 13. september 2006 að þá er fellt út ákvæði um að aukahús megi ekki
vera stærra en ¼ af aðalhúsi.
- Stakar byggingaframkvæmdir, 3.tl.
Rætt um afgreiðslu embættis skipulagsfulltrúa og byggingarfulltrúa á stökum
byggingarframkvæmdum. Skipulagsnefnd leggur áherslu á að allar byggingar
eiga að vera í samræmi við samþykkt deiliskipulag eða í samræmi við
málsmeðferð 3.tl. bráðabirgðaákvæða skipulags- og byggingarlaga.
- Efnistaka
Skipulagsfulltrúi lagði fram drög að bréfi til að senda landeigendum og
námurétthöfum varðandi reglur um efnistöku. Skipulagsfulltrúa er falið að
fullklára bréfið og leita umsagna Skipulagsstofnunar um efni þess.
Bláskógabyggð
- Austurhlíð í Biskupstungum. Landsskipti.
Lögð fram fimm lóðablöð úr landi Austurhlíðar í Biskupstungum, landr.
- Um er að lóðir utan um núverandi byggingar og ræktarland
jarðarinnar.
Samþykkt skv. 30. gr. skipulags- og byggingarlaga.
- Brúarhvammur í Biskupstungum. Deiliskipulag frístundahúsalóðar.
Lögð fram tillaga að deiliskipulagi frístundahúsalóðar á bökkum Tungufljóts að
austanverðu, rétt sunnan við Biskupstungnabraut. Í tillögunni eru tvær lóðir,
önnur 11.440 fm og hin 5.000 fm, og er byggingarreitur fyrir frístundahús á
þeirri stærri. Tillagan var auglýst samhliða breytingu á aðalskipulagi
svæðisins frá 20. apríl til 18. maí 2005, með athugasemdafresti til 1. júní.
Athugasemd barst en var hún síðar dregin til baka.
Skipulagsnefnd samþykkir tillöguna skv. 25. gr. skipulags- og byggingarlaga.
- Höfði í Biskupstungum. Deiliskipulag frístundabyggðar. 20070495270
Lögð fram að nýju tillaga að deiliskipulagi frístundabyggðar á 32 ha spildu úr
landi Höfða (Höfðalönd). Gert er ráð fyrir 29 lóðum á bilinu 0,6 til 2,7 ha fyrir
50-200 fm frístundahús og allt að 25 fm aukahús.Hámarks nýtingarhlutfall er
0.03. Fyrir liggur umsögn Umhverfisstofnunar dags. 24. júlí 2007 þar sem
m.a. er lagt til að lóð 48 falli út auk þess sem bent er á litla fjarlægð
byggingarreita frá Hvíta, girðingamál og fráveitumál.
Skipulagsnefnd frestar afgreiðslu deiliskipulagsins þar til sveitarstjórn
Bláskógabyggðar hefur tekið afstöðu til aðalskipulagsbreytingarinnar. Bent er
á að gera þarf nánar grein fyrir neysluvatnstöku en miðað við fjölda lóða er
veitan starfsleyfisskyld, sbr. nýlegar umsagnir Heilbrigðiseftirlits Suðurlands
um sambærilega tillögur. Einnig er nauðsynlegt að huga nánar að útfærslu
sameiginlegrar fráveitu.
- Iða II í Biskupstungum. Deiliskipulag frístundabyggðar, Eyrarvegur.
20070750375
Lögð fram endurskoðuð tillaga að deiliskipulagi frístundabyggðar í landi Iðu II
milli Skálholtsvegar og Hvíta, neðan við brú að Laugarási. í fyrri tillögu var
gert ráð fyrir 9 lóðum en í endurskoðaðri tillögu er eingöngu gert ráð fyrir 3
lóðum næst Skálholtsvegi.
Skipulagsnefnd frestar afgreiðslu málsins þar sem upplýsingar um flóðahættu
liggja ekki fyrir.
- Kjaranstaðir í Biskupstungum. Hesthús
Lögð fram beiðni Kristinns Kárasonar um heimild til að reisa nýtt hesthús í
stað þess sem nú er til staðar, en gert er ráð fyrir að það verði rifið. Nýja húsið
verður um 166 fm stálgrindahús (9,3 x 17,9 x 2,7) á steyptum grunni.
Skipulagsnefnd frestar afgreiðslu málsins þar til teikningar liggja fyrir.
- Kjarnholt í Biskupstungum. Breyting á skilmálum frístundabyggðar.
20070887416
Lögð fram tillaga að breytingu á skilmálum deiliskipulags frístundabyggðar í
landi Kjarnholta I. Í Breytingunni felst að heimilt verður að reisa allt að 250 fm
frístundahús í stað 120 fm og allt að 30 fm aukahús í stað 10 fm. Einnig er
gert ráð fyrir að þakhalli megi vera á bilinu 0-45° í stað 15-45°.
Skipulagsnefnd telur tillöguna vera óverulega þar sem um er að ræða fáar en
stórar lóðir sem flestar eru í eigu sama aðila og samþykkir hana skv. 2. mgr.
- gr. skipulags- og byggingarlaga með fyrirvara um grenndarkynningu.
Tillagan skal kynnt eigendum innan skipulagssvæðisins og aðliggjandi lóða.
- Úthlíð í Biskupstungum. Breyting á deiliskipulagi, afmörkun og stærð
lóða. 20070846415
Lögð fram tillaga að breytingu á deiliskipulagi frístundabyggðar í Úthlíð. Í
breytingunni felst að afmörkun og stærð þriggja lóða við Miðbrún breytast.
Lóðir 2 og 3 stækka á meðan lóð 5 minnkar lítillega.
Skipulagsnefnd samþykkir að auglýsa tillöguna skv. 25. gr. skipulags- og
byggingarlaga.
- Austurey 2 í Laugardal, Krossholtsmýri. Deiliskipulag frístundabyggðar.
20070257199
Lögð fram að nýju tillaga að deiliskipulagi frístundabyggðar í landi Austureyjar
2 í Laugardal, svæði sem kallast Krossholtsmýri. Tillagan var í kynningu frá
- desember 2006 til 11. janúar 2007 með athugasemdafresti til 25. janúar
- Athugasemdir bárust frá Þorsteini Einarssyni f.h. Ásu Þorkelsdóttur,
Hilmari Þorkelssyni og Eiríki Þorlákssyni og varða þær aðkomu að lóðunum.
Auk athugasemda liggur fyrir umsögn Snæbjörn Þorkelssonar um um atriði
athugasemda. Á fundi skipulagsnefndar 8. febrúar 2007 var tillagan tekin fyrir
ásamt ofangreindum gögnum og var afgreiðslu þá frestað þar til fyrir lægi
hvernig tryggja megi aðgengi að svæðinu.
Þrír kostir eru á aðkomu að svæðinu, þ.e. um núverandi veg að lóðum í
Krossholti eins og auglýst tillaga gerði ráð fyrir, um nýjan veg sem lagður yrði
samhliða núverandi vegi, eða með því að byggja upp vegslóð sem liggur
meðfram Apavatni að syðstu lóðinni.
Að mati nefndarinnar er sá kostur sem auglýst tillaga gerði ráð fyrir, þ.e. um
núverandi veg að lóðum í Krossholti, hentugastur og hefur minnst rask í för
með sér. Tillagan er því samþykkt skv. 25. gr. skipulags- og byggingarlaga
óbreytt frá auglýstri tillögu. Skipulagsfulltrúa er falið að svara athugasemdum í
samráði við sveitarstjóra í samræmi við ofangreinda afgreiðslu.
- Efra-Apavatn í Laugardal. Skógarhlíð, deiliskipulag frístundabyggðar.
Lögð fram tillaga að deiliskipulagi frístundabyggðar á 65 ha spildu úr landi
Efra-Apavatns í Laugardal. Svæðið afmarkast af Urriðalæk til norðurs- og
norðvesturs, Laugarvatnsvegi að austan og landamerkjum við Efra-Apavatn 2
að sunnan. Gert er ráð fyrir 27 lóðum á bilinu 0,51 ? 1,2 ha þar sem heimilt
verður að reisa 50-200 fm frístundahús og 40 fm aukahús. Nýtingarhlutfall má
þó ekki fara upp fyrir 0.03. Stór hluti svæðisins er ætlað undir skógrækt undir
merkjum Suðurlandsskóga. Aðkoma að svæðinu er frá gamla þjóðveginum,
frá vegi að bænum Lækjarhvammi. Einnig virðist vera gert ráð fyrir tengingu
við Laugarvatnsveg syðst á svæðinu.
Að mati skipulagsnefndar ætti ekki að gera ráð fyrir aðkomu í gegnum mitt
núverandi frístundabyggðarhverfi norðan Urriðalækjar og telur frekar að
megin aðkoman ætti að vera frá Laugarvatnsvegi og þá í samráði við
Vegagerðina. Jafnframt er bent á að byggingarreitur á lóð 18 er of lítill til að
koma megi húsi þar fyrir. Stækka þarf lóðina eða fella hana út.
Tillagan er í samræmi við tillögu að breytingu á aðalskipulagi sem samþykkt
hefur verið í sveitarstjórn, en á eftir að auglýsa.
Afgreiðslu frestað. Leitað verður umsagnar Heilbrigðiseftirlits Suðurlands.
- Laugarvatn í Laugardal. Iðnaðarsvæði í Lindarskógi.
Lögð fram tillaga að breytingu á deiliskipulagi iðnaðarsvæðis í Lindarskógi. Í
breytingunni felst að lóð nr 5 skiptist í tvær jafnstórar 2.100 fm lóðir.
Skipulagsnefnd telur breytinguna vera óverulega og samþykkir hana skv. 2.
mgr. 26. gr. skipulags- og byggingarlaga með fyrirvara grenndarkynningu.
Tillagan verður send öllum aðliggjandi lóðarhöfum.
- Lækjarhvammur í Laugardal. Deiliskipulag frístundabyggðar.
20070891418
Lögð fram endurskoðuð tillaga að deiliskipulagi frístundabyggðar í landi
Lækjarhvamms í Laugardal. Tillagan var í kynningu ásamt breytingu á
aðalskipulagi sveitarfélagsins frá 31. ágúst til 28. september 2006 með fresti
til athugasemda til 12. október 2006. Fjögur athugasemdarbréf bárust auk
þess sem fyrir liggja umsagnir Umhverfisstofnunar, Fornleifaverndar ríkisins
og Heilbrigðiseftirliti Suðurlands. Aðalskipulagsbreytingin hefur nýlega verið
staðfest.
Til að koma til móts við athugasemdir og umsagnir er tillagan nú lögð fram
með eftirfarandi breytingum:
- Lóðum fækkar úr 60 í 46
- Vegir innan svæðisins breytast og ekki er lengur gert ráð fyrir að nýta
núverandi veg við sunnanvert svæðið.
- Gert er ráð fyrir sameiginlegum rotþróm..
- Ekki er lengur gert ráð fyrir framræsluskurðum meðfram vegum.
- Umfjöllun um neysluvatn er ítarlegri auk þess sem afmarkað er
vatnsverndarsvæði umhverfis fyrirhugað vatnsból.
Skipulagsnefnd samþykkir tillöguna skv. 25. gr. skipulags- og byggingarlaga.
Varðandi innkomnar athugasemdir að þá er vísað í umsögn skipulagsfulltrúa,
f.h. sveitarstjórnar, við breytingu á aðalskipulagi svæðisins.
- Útey 1 í Laugardal. Breyting á deiliskipulagi, skipting lóðar. 20070834422
Lögð fram tillaga að breytingu á deiliskipulagi frístundabyggðar í landi Úteyjar
- Í breytingunni felst að lóð 34 er skipt í tvær um 0,5 ha lóðir.
Skipulagsnefnd hafnar erindinu þar sem báðar lóðirnar ná ekki lágmarks
viðmiðunarstærð 0, 5ha. Einnig telur nefndin ekki æskilegt að fjölda lóðum
innan skipulags svæðis.
- Heiðarbær í Þingvallasveit. Færsla á bátaskýli. 2007086409
Lögð fram beiðni Halldórs Kvaran dags. 6. júlí 2007 um leyfi til að færa
bátaskýli á lóð með landnr. 170181 í landi Heiðarbæjar. Staðan er þannig að
skýlið er skráð á lóð hans en er í raun staðsett á aðliggjandi lóð. Gert er ráð
fyrir að húsið verði aðeins minna en núverandi hús (um 25 fm í stað um 34
- fm) sem verður flutt/rifið. Fyrirhugað er að staðsetja húsið í jarðfalli og tyrfa
yfir þakið.
Skipulagsnefnd telur að skila þyrfti inn nákvæmari uppdráttum af fyrirhugaðri
nýbyggingu, bæði afstöðumynd af fyrirhugaðri staðsetningu og teikningu af
sjálfu húsinu. Þegar þessi gögn liggja fyrir er skipulagsfulltrúa falið að leita
umsagnar Umhverfisstofnunar um framkvæmdina og þarf hún að liggja fyrir
áður en málið verður formlega tekið fyrir að nýju.
- Heiðarbær í Þingvallasveit. Framkvæmdaleyfi, bátalægi við lóð nr. 1.
2007086408
Lagt fram bréf Sigurmars K. Albertssonar hrl. dags. 12. júlí 2007 vegna
umsóknar um framkvæmdaleyfi fyrir bátalægi við lóð nr. 1 í landi Heiðarbæjar.
Vísað er í fyrri umsókn um leyfi til endurbóta sem og gögn og rök sem koma
fram í kæru til úrskurðarnefndar skipulags- og byggingarmála, m.a. myndir af
öðrum bátalægum og bátaskýlum umhverfis Þingvallavatn.
Að mati skipulagsnefndar er ekki um smávægilegar framkvæmdir að ræða
eins og fram kemur í kæru til úrskurðarnefndar skipulags- og byggingarmála
þar sem framkvæmdin hefur haft umtalsvert jarðrask í för með sér á bakka
vatnsins. Í gögnum sem fylgdu umsókn eru sýndar myndir af bátalægum
umhverfis vatnið til að sýna fram á fordæmi fyrir þeirri framkvæmd sem hafin
var án leyfis og vísað í jafnræðisreglu. Á þessum myndum má sjá að í vel
flestum tilvikum er land að bátalægum ekki eins bratt og raunin er á lóð
umsækjanda og er rask því töluvert minna. Á lóð umsækjanda er ekki
eingöngu um að ræða gerð lítils varnargarðs út í vatnið, heldur hefur orðið
umtalsverð röskun á bakka vatnsins þar sem m.a. virðist hafa verið grafið úr
honum til að fá efni í varnargarðinn. Að mati skipulagsnefndar eru því ekki
fordæmi fyrir sambærilegri framkvæmd innan sveitarfélagsins. Þá má einnig
benda á að forsendur breytast sem m.a. kemur fram í ákvæðum nýrra laga og
reglugerða, bæði varðandi framkvæmdir almennt og á ákveðnum svæðum.
Það er ekki því sjálfgefið, með vísan til jafnræðis, að það sem áður var látið
óáreitt sé heimilt í dag.
Í umsókn lóðarhafa kemur fram að leitað hafi verið leyfis ábúanda á jörðinni
Heiðarbæ, sem hafi fengist. Að sögn ábúanda er ekki rétt farið með því
lóðarhafi hafi eingöngu tilkynnt honum að ?hann hefði hug á að færa til nokkra
steina ?. Ábúandinn kannast ekki við að hafa veitt leyfi fyrir framkvæmdinni,
enda sé það ekki hans að veita slíkt leyfi heldur landeigandi sem er
landbúnaðarráðuneytið.
Skipulagsnefnd telur að umrædd framkvæmd sé framkvæmdaleyfisskyld en
frestar afgreiðslu málsins þar til umsögn Umhverfisstofnunar liggur fyrir þar
sem framkvæmdin er innan svæðis á náttúruminjaskrá og einnig sbr. 9. gr.
reglugerðar nr. 650/2007.
- Stíflisdalur í Þingvallasveit. Deiliskipulag frístundabyggðar.
20070355250.
Lögð fram að nýju tillaga að deiliskipulagi frístundabyggðar í landi Stíflisdals í
Þingvallasveit. Málinu var frestað á fundi skipulagsnefndar 9. mars 2007.
Skipulagssvæðið er 183 ha og er þar gert ráð fyrir 28 frístundahúsalóðum á
bilinu 1,3 ? 3,7 ha þar sem heimilt verður að reisa allt að 225 fm frístundahús
að grunnfleti auk svefnlofts. Fyrir liggja umsagnir Umhverfisstofnunar,
Veiðimálastjóra og Fornleifaverndar ríkisins.
Skipulagsnefnd samþykkir að auglýsa tillöguna skv. 25. gr. skipulags- og
byggingarlaga með þeirri breytingu að lóð nr. 5 við ós Laxár fellur út. Í ljósi
umsagnar Umhverfisstofnunar þarf að gera ráð fyrir ítarlegri hreinsun fráveitu
sbr. reglugerð um nr. 650/2006. Leitað verður umsagnar Heilbrigðiseftirlits
Suðurlands um tillöguna áður en hún verður auglýst.
Grímsnes-og Grafningshreppur
- Hestur í Grímsnesi. Breyting á deiliskipulagi frístundabyggðar, fjölgun
lóða. 20070854414
Lögð fram tillaga að breytingu á deiliskipulagi frístundabyggðar í landi Hests.
Breytingin er sett fram á tveimur uppdráttum og felur í sér að fjórum lóðum er
bætt við. Tveimur um 0,8 ha lóðum er bætt við í framhaldi af lóðum 131 og
136 og tveimur 0,8 lóðum er bætt við í framhaldi af lóðu 5b og 7c.
Skipulagsnefnd samþykkir að auglýsa tillögurnar skv. 25. gr. skipulags- og
byggingarlaga.
- Stærri-Bær í Grímsnesi. Deiliskipulag frístundabyggðar. 20070430293.
Lögð fram endurskoðuð tillaga að deiliskipulagi frístundabyggðar í landi
Stærri-Bæjar í Grímsnesi. Málið var áður tekið fyrir á fundi skipulagsnefndar
- apríl 2007. Í framlagðri tillögu hefur lóðum fækkað úr 79 í 65 m.a. þar sem
ekki er lengur gert ráð fyrir aðkomu um Heiðarbraut. Fram kemur að svæðið
tengist vatnsveitu sveitarfélagsins auk þess sem gert er ráð fyrir sameiginlegri
fráveitu fyrir a.m.k. 4 hús.. Heimilt verður að reisa 50-200 fm frístundahús og
allt að 40 fm aukahús á hverri lóð. Hámarksnýtingarhlutfall skal þó ekki vera
hærra en 0.03. Tillagan er í samræmi við auglýsta breytingu á aðalskipulagi
sveitarfélagsins.
Skipulagsnefnd samþykkir að auglýsa tillöguna skv. 25. gr. skipulags- og
byggingarlaga. Leitað verður umsagnar Heilbrigðiseftirlits Suðurlands og
Fornleifaverndar ríkisins.
- Syðri-Brú í Grímsnesi. Breyting á deiliskipulagi. 20070832407
Lögð fram tillaga Landforms að breytingu á deiliskipulagi í landi Syðri-Brúar.
Breytingin nær til lóða 11 og 13 við Lyngbakka en gert er ráð fyrir að
afmörkun þeirra breytist lítillega vegna breytinga á landamörkun lands Syðri-
Brúar og aðliggjandi lóðar.
Skipulagsnefnd telur breytinguna vera óverulega og samþykkir hana skv. 2.
mgr. 26. gr. skipulags- og byggingarlaga. Tillagan verður grenndarkynnt
eigendum þess lands sem verður fyrir áhrifum af breytingunni.
- Vatnsholt í Grímsnesi. Breyting á deiliskipulagi frístundabyggðar.
20070891412
Lögð fram tillaga að breytingu á deiliskipulagi frístundabyggðar í landi
Vatnsholts í Grímsnesi. Í breytingunni felst að afmörkun og stærð lóða 1,3,4,7
og 9 við Norðurbraut breytist lítillega.
Skipulagsnefnd telur breytinguna vera óverulega og samþykkir hana skv. 2.
mgr. 26. gr. skipulags- og byggingarlaga með fyrirvara um grenndarkynningu.
Breytingin skal kynnt eigendum þeirra lóða sem breytast. Lagfæra þarf
uppdrátt í samræmi við kröfur skipulagsreglugerðar.
- Vatnsholt í Grímsnesi. Endurskoðun deiliskipulags frístundabyggðar.
20070828413
Lögð fram að nýju tillaga að endurskoðun deiliskipulags í landi vatnsholts í
Grímsnesi, sbr. erindi Þorbjargar Daníelsdóttur dags. 30. júlí 2007. Tillagan
gerir ráð fyrir 51 lóð á bilinu 4.400 til 10.000 fm þar sem heimilt verður að
reisa 50-200 fm frístundahús. Hús eru þegar á 8 lóðum.
Óskað er eftir að fá að nota nýboraða neysluvatnsholu til bráðabirgða þar til
framtíðarlausn neysluvatns hefur fengist. Fyrir liggur umsögn
Heilbrigðiseftirlits Suðurlands dags. 21. ágúst 2007 þar sem ekki er fallist á
framlagða tillögu.
Skipulagsnefnd frestar afgreiðslu málsins þar til komið hefur verið til móts við
athugasemdir Heilbrigðiseftirlits Suðurlands.
- Torfastaðir 2 í Grafningi. lóðablað. 20070842423
Lagt fram lóðablað yfir 18,16 ha land úr landi Torfastaða 2, á milli
Grafningsvegar og Sogsins. Með fylgir blað sem sýnir samþykkt lóðarmörk
milli Torfastaða 1 og 2.
Samþykkt skv. 30. gr. skipulags- og byggingarlaga.
- Villingavatn í Grafningi. Lóðablað. 20070813411
Lagt fram lóðablað yfir 5.387 fm lóð úr landi Villingavatns.
Skipulagsnefnd frestar afgreiðslu málsins þar til nákvæmari yfirlitsmynd af
svæðinu liggur fyrir.
Hrunamannahreppur
- Dalbær III, Markarflöt. Deiliskipulag frístundabyggðar. 20070225226
Lögð fram tillaga að deiliskipulagi frístundabyggðar í landi Dalbæjar III.
Tillagan nær yfir 20,3 ha svæði vestan í Galtafelli og kallast Markarflöt. Gert
er ráð fyrir 18 lóðum á bilinu 6.300 ? 9.300 m² þar sem heimilt verður að reisa
allt að 120 m² frístundahús og allt að 30m² aukahús. Tillagan er í samræmi
við breytingu á aðalskipulagi sveitarfélagsins sem hefur nýlega verið staðfest.
Tillagan var í kynningu frá 1. mars 2007 með frest til athugasemda til 12.
apríl. Ein athugasemd barst frá eigendum aðliggjandi lands. Vegna
athugasemdar hefur verið gerð sú breyting á tillögu að aðkoma að svæðinu
breytist. Fyrir liggur jákvæð umsögn vegagerðarinnar um þá tengingu auk
þess sem fyrir liggja umsagnir Heilbrigðiseftirlits Suðurlands og
Fornleifaverndar ríksisins.
Skipulagsnefnd samþykkir tillöguna skv. 25. gr. skipulags- og byggingarlaga
með þeirri breytingu að aðkoma að svæðinu breytist til að koma til móts við
athugasemd. Skipulagsfulltrúa er falið að svara athugasemd í samræmi við
ofangreinda afgreiðslu.
Skeiða-og Gnúpverjahreppur
- Efri-Brúnavellir á Skeiðum. Frístundahús skv. 3. tl
Lögð fram afstöðumynd af fyrirhuguðu frístundahúsi á 1,2 lóð úr landi Efri-
Brúnavalla á Skeiðum. Gert er ráð fyrir að húsið verið flutt á staðinn. Í
aðalskipulagi er svæðið skilgreint sem landbúnaðarsvæði og í fasteignamati
sem ræktunarland.
Skipulagsnefnd samþykkir tillöguna skv. 3. tl. bráðabirgðaákvæða skipulagsog
byggingarnefndar. Tillöguna þarf að kynna fyrir aðliggjandi landeigendum.
- Kílhraun á Skeiðum. Breyting á deiliskipulagi frístundabyggðar.
20070245208
Lögð fram til kynningar endurskoðuð tillaga að deiliskipulagi frístundabyggðar
í landi Kílhrauns á Skeiðum. Tillagan hefur verið endurskoðuð í ljósi flóða sem
urðu í Hvítá í lok síðasta árs þar sem vatn flæddi yfir hluta svæðisins.
- Skeiðháholt á Skeiðum. Breyting á deiliskipulagi frístundabyggðar.
20070598331
Lögð fram tillaga að deiliskipulagi frístundahúsalóða úr landi með landnr.
166520 (grasbýlið Tögl), sem liggur á milli lögbýlana Skeiðháholts 2 og
Blesastaða. Gert er ráð fyrir 8 lóðum á bilinu 4.471 til 11.653 fm þar sem
heimilt verður að reisa allt að 200 fm frístundahús og 50 fm aukahús. Í gildi er
deiliskipulag fyrir 3 lóðanna sem fellur úr gildi við gildistöku nýs skipulags.
Tillagan var í kynningu frá 25. júní til 23. júlí 2007 með athugasemdafresti til
- ágúst. Athugasemd barst frá eiganda Skeiðháholts 3. Að auki liggur fyrir
umsögn landeigenda um innkomna athugasemd.
Skipulagsnefnd samþykkir tillöguna skv. 25. gr. skipulags- og byggingarlaga
með þeirri vegtengingu sem gert var ráð fyrir í auglýstri tillögu.
Skipulagsfulltrúa er falið að svara athugasemd í samræmi við ofangreinda
afgreiðslu í samráði við sveitarstjóra.
Flóahreppur
- Þorleifskot í fyrrum Hraungerðishreppi. Stofnun lóðar. 20070818406
Lagt fram lóðablað yfir tvær lóðir sem samtals eru 4.136 fm að stærð. Önnur
lóðin er úr Þorleifskoti landnr. 166259 og hin úr Þorleifskoti lóð með landnr.
- Lóðirnar verða sameinaðar í eina lóð, Þorleifskot 2, með núverandi
byggingu nautauppeldisstöðvar Bændasamtakanna sem ráðgert er að selja.
Samþykkt skv. 30. gr. skipulags- og byggingarlaga.
- Skálmholt í Villingaholtshreppi. Lóðablað, Krækishólar. 20070817410
Lagt fram lóðablað yfir 2 ha spildu úr landi Skálmholts (landr. 193160). Málið
var áður lagt fram á fundi skipulagsnefndar þann 14. júní sl. og þá frestað.
Lagt fram að nýju í samræmi við ábendingar skipulagsfulltrúa. Fyrir liggur
samþykki aðliggjandi landeigenda.
Samþykkt skv. 30. gr. skipulags- og byggingarlaga.
Fleira ekki tekið fyrir
Fundi slitið klukkan kl. 12:23.
Næsti fundur verður
Laugarvatni 23. ágúst 2007
Margeir Ingólfsson (8721)
Ingvar Ingvarsson (8719)
Sigurður Ingi Jóhannsson (8710)
Gunnar Örn Marteinsson (8720)
Aðalsteinn Sveinsson (8722)
Pétur Ingi Haraldsson
