SKIPULAGSNEFND UPPSVEITA ÁRNESSÝSLU
Samvinnunefnd Bláskógabyggðar, Grímsnes-og Grafningshrepps,
Hrunamannahrepps, Skeiða-og Gnúpverjahrepps og Flóahrepps
um skipulagsmál.
FUNDARGERÐ
- FUNDUR
Fimmtudaginn 25. október 2007, kl. 9 haldinn á Laugarvatni
Nefndarmenn:
Margeir Ingólfsson Bláskógabyggð
Ingvar Grétar Ingvarsson Grímsnes-og Grafningshr.
Sigurður Ingi Jóhannesson Hrunamannahreppur
Gunnar Örn Marteinsson Skeiða-og Gnúpverjahr.
Aðalsteinn Sveinsson Flóahreppur
Skipulagsfulltrúi uppsveita og framkvæmdastjóri skipulagsnefndar:
Pétur Ingi Haraldsson
FUNDARGERÐ
Sameiginleg mál
- Gjaldskrá embættis skipulagsfulltrúa og byggingarfulltrúa
Lagt fram til kynningar bréf Óskar Sigurðssonar, Málflutningsskrifstofunni,
dags. 10 október 2007 varðandi heimild til gjaldtöku vegna málsmeðferðar
deiliskipulags.
Bláskógabyggð
- Böðmóðsstaðir í Biskupstungum.
Skipulagsfulltrúi fór yfir stöðu mála varðandi deiliskipulagsbreytingu
frístundabyggðar í landi Böðmóðstaða I og II.
- Eiríksbakki í Biskupstungum. Íbúðarhús skv. 3. tl. 20071059463
Lagt fram erindi Kristjáns Skarphéðinssonar dags. 12. október 2007 þar sem
óskað er eftir að heimild til að reisa nýtt íbúðarhús á Eiríksbakka.
Meðfylgjandi er uppdráttur sem sýnir fyrirhugaða staðsetningu auk
greinargerðar um framkvæmdina. Fram kemur að hámarksstærð húss verði
200 fm með bílskúr og verður það staðsett rétt austan við núverandi fjárhús
og hlöðu.
Skipulagsnefnd samþykkir fyrirhugaða framkvæmd skv. 3. tl.
bráðabirgðaákvæða skipulags- og byggingarlaga með fyrirvara um meðmæli
Skipulagsstofnunar.
- Gýgjarhólskot í Biskupstungum. Lóðablað. 20071054468
Lagt fram lóðablað yfir 30 ha spildu úr landi Gýgjarhólskots (landnr. 167094) í
Biskupstungum sem liggur að Hvítá.
Samþykkt skv. 30. gr. skipulags- og byggingarlaga með fyrirvara um
samþykki aðliggjandi landeigenda, Brattholts. Ekki er gerð athugasemd við
landsskipti skv. 13. gr. jarðalaga. Mælt er með að þinglýst sé kvöð um
aðkomu að landinu.
- Haukadalur II í Biskupstungum. Lóðablað / landsskipti, Tungubakki.
20071055466
Lagt fram lóðablað sem unnið er af Pétri H. Jónssyni arkitekt yfir 30 ha spildu
(Tungubakki) úr landi Haukadals II í Biskupstungum. Landið afmarkast af
þjóðvegi 35 að norðanverðu, Tungufljóti að austaunverðu og frístundabyggð
að vestanverðu.
Samþykkt skv. 30. gr. skipulags- og byggingarlaga með fyrirvara um
samþykki aðliggjandi landeigenda annarra en frístundahúsalóða skv.
nýsamþykktu deiliskipulagi. Ekki er gerð athugasemd við landsskipti skv. 13.
- jarðalaga.
- Iða II í Biskupstungum. Breyting á skilmálum frístundabyggðar.
20071037467
Lagt fram erindi Skarphéðins P. Óskarssonar dags. 20. september 2007 þar
sem óskað er eftir að skilmálum deiliskipulags í landi Iðu II verði breytt þannig
að hann fái heimild til að reisa a.m.k. 100 fm frístundahús á lóð nr. 8 auk 20
fm geymsluhúss sem þegar er til staðar. Samkvæmt gildandi deiliskipulagi er
heimilt að reisa 60 fm hús á lóðinni.
Skipulagsnefnd samþykkir að auglýsa tillögu að breytingu á skilmálum
ofangreinds deiliskipulags skv. 25. gr. skipulags- og byggingarlaga þannig að
heimilt verði að reisa allt að 150 fm frístundahús á hverri lóð og allt að 30 fm
aukahús. Nýtingarhlutfall skal þó ekki vera hærra en 0.03.
- Miðhús í Biskupstungum. Lóðablað, afmörkun og skráning 5 eldri lóða.
20071099459
Lagt fram erindi Sigurðar Guðmundssonar dags. 16. október varðandi
afmörkun og skráningu á fimm eldri lóðum úr landi Miðhúsa. Einnig fylgir með
uppdráttur í mkv. 1:1.000 dags. 6. september 2005 sem sýnir hnitsetningu
lóðanna. Um er að ræða lóðir sem skráðar eru í fasteignamati en hafa ekki
verið þinglýstar og eru hús á tveimur lóðanna.
Þar sem lóðirnar eru stærri á uppdrætti en skv. skráningu fasteignamats og
ekki liggur fyrir samþykki allra aðliggjandi landeigenda getur skipulagsnefnd
ekki samþykkt ofangreint lóðablað skv. 30. gr. skipulags- og byggingarlaga.
Einnig er ekki að sjá að lóð D sé skráð í fasteignamati.
- Úthlíð í Biskupstungum. Breyting á afmörkun og stærð nokkurra
frístundahúsalóða. 20071081469
Lagðar fram þrjár tillögur Verkfræðistofu Suðurlands að breytingum á
deiliskipulagi frístundabyggðar í landi Úthlíðar. Um er að ræða breytingar á
afmörkun og stærð lóða við Mosaskyggni 6, Rjúpnabraut 5-7, Skútaveg 2-4
og Skútahvamm 1. Ekki er um að ræða breytinga á skilmálum, heldur
eingöngu landamerkjum milli lóða.
Skipulagsnefnd samþykkir að auglýsa breytingu á deiliskipulagi fyrir
Mosaskyggni 6, Skútaveg 2-4 og Skútahvamm 1 þegar samþykki lóðarhafa
liggur fyrir. Ekki er samþykkt að minnka lóð við Rjúpnabraut þar sem hún er
þegar undir almennum viðmiðum um stærðir lóða.
- Úthlíð í Biskupstungum, Vörðuás 11-14. Breyting á deiliskipulagi
frístundabyggðar. 2007108479
Lögð fram endurskoðuð tillaga Verkfræðistofu Suðurlands að breytingu á
deiliskipulagi frístundabyggðar í landi Úthlíðar, Vörðuás 11-14. Á fundi
skipulagsnefndar þann 14. desember 2006 var samþykkt að auglýsa
breytingu á deiliskipulagi þessa svæðis en sú breyting hefur þó ekki verið
auglýst. Í tillögunni eins og hún er nú lögð fram er gert ráð fyrir 10
frístundahúsalóðum, sem allar eru á bilinu 1,6 ? 1,8 ha, þar sem heimilt
verður að reisa allt að 450 fm frístundahús og allt að 30 fm aukahús.
Mænishæð húsanna má vera allt að 7,5 m þar sem jörð stendur hæst. Nýlega
hefur tekið gildi breyting á skilmálum fyrir svæði heild sem felur í sér að reisa
má allt að 280 fm frístundahús með mænishæð allt að 6,5 m þar sem jörð
stendur hæst. Nýtingarhlutfall má þó ekki vera hærra en 0.03.
Skipulagsnefnd samþykkir að auglýsa breytingu sem felur í sér að heimilt
verði að reisa allt að 450 fm frístundahús á þessu svæði en ekki er samþykkt
breyting á mænishæð.
- Laugarvatn í Laugardal. Geymsluhúsnæði við íþróttavölll. 20071054462
Lögð fram tillaga að staðsetningu geymslu- og aðstöðuhúss fyrir íþróttavöll á
Laugarvatni. Húsnæðið verður gert úr gámum sem settir verða saman og
síðan byggt þak yfir. Stærð geymslunnar verður 9 x 9 m og samkvæmt
tillögunni verður hún staðsett við suðvesturhluta íþróttavallarins.
Skipulagsnefnd samþykkir fyrirhugaða framkvæmd skv. 3. tl.
bráðabirgðaákvæða skipulags- og byggingarlaga með fyrirvara um meðmæli
Skipulagsstofnunar.
- Heiðarbær í Þingvallasveit. Bátaskýli skv. 3. tl. 20070942430
Lagt fram bréf Hákons Pálssonar og Jóns Æ. Karlssonar, móttekið 23.
október 2007, þar sem óskað er eftir að skipulagsnefnd taki afgreiðslu sýna
frá 20. september í máli 20070942430 til endurskoðunar. Málið varðar heimild
til að byggja sambyggt bátaskýli á löðarmörkum tveggja lóða í landi
Heiðarbæjar.
Skipulagsnefnd telur að þar sem nú liggur fyrir nánast fullbúin tillaga að
deiliskipulagi svæðisins, sbr. nýlegur fundur skipulagsfulltrúa með
landbúnaðarráðuneytinu, að þá sé rétta leiðin að beina umsóknum um
bátaskýli í það ferli.
Grímsnes-og Grafningshreppur
- Ásgarður í Grímsnesi, Ásborgir. Ósk um breytingu á skilmálum.
20071030461
Lagt fram erindi Þórs Þórssonar dags. 12. október 2007 þar sem óskað er
eftir að skilmálum deiliskipulags íbúðarsvæðisins Ásborgir verði breytt þannig
að heimilt verði að byggja hús með minni þakhalla en 14 gráður (14-45 gráður
í gildandi dsk). Hefur hann hug á að reisa hús með einhalla þaki með um 7
gráðu þakhalla.
Skipulagsnefnd samþykkir að auglýsa skv. 25. skipulags- og byggingarlaga
tillögu að breytingu á skilmálum svæðisins á þann veg að leyfilegur þakhalli
húsa verði 0-45 gráður.
- Hæðarendi í Grímsnesi, Fossvellir. Deiliskipulag frístundabyggðar.
20071027477
Lögð fram tillaga Arkitektastofunnar Austurvölllur að deiliskipulagi
frístundabyggðarinnar Fossvellir í landi Hæðarenda í Grímsnesi.
Skipulagssvæðið er um 80 ha að stærð og liggur umhverfis Hæðarendalæk
sunnan Búrfellsvegar. Gert er ráð fyrir 108 lóðum á bilinu 0,5 til 0,7 ha þar
sem heimilt verður að reisa 150 fm frístundahús og 25 fm aukahús, en
hámarksnýtingarhlutfall má þó ekki fara upp fyrir 0.03.
Í ljósi þess hversu margar lóðir eru á svæðinu frestar skipulagsnefnd
afgreiðslu málsins þar til umsagnir Heilbrigðiseftirlits Suðurlands,
Umhverfisstofnunar, Fornleifaverndar ríkisins og Vegagerðarinnar liggja fyrir.
Einnig þarf að liggja fyrir staðfesting á tengingu við vatnsveitu
- Minni-Borg í Grímsnesi. Breyting á deiliskipulagi golfvallar. 20071032460
Lögð fram tillaga Péturs H. Jónssonar að breytingu á deiliskipulagi golfvallar í
landi Minni-Borgar. Í breytingunni felst að afmarkaðar eru fimm lóðir undir
mannvirkjasvæði innan golfvallarins. Afmörkuð er um 0,65 ha lóð undir
fyrirhugaðan golfskála og meðfylgjandi bílastæði, rúmleg 0,7 ha lóð unfir
fyrirhugað æfingaskýli og áhaldahús, Um 1,3 ha lóð undir nyrðri
frístundahúsakjarna (Móaflöt) og um 1,6 ha lóð undir syðri
frístundahúsakjarna (Tjaldhólar).
Þar sem tillagan felur ekki sér breytingar á byggingum né landslagi að þá telur
skipulagsnefnd að um óverulega breytingu sé að ræða og samþykkir hana
skv. 2. mgr. 26. gr. skipulags- og byggingarlaga.
- Ormstaðir í Grímsnesi. Deiliskipulag frístundabyggðar. 20071073476
Lögð fram tillaga Péturs H. Jónssonar að deiliskipulagi frístundabyggðar í
landi Ormstaða, Vaðholt. Tillaga sem gerði ráð fyrir 10 lóðum á bilinu 6.300
fm til 3,0 ha var auglýst frá 14. desember 2006 til 11. janúar 2007, með
athugasemdafresti til 25. janúar. Engar athugasemdir bárust en málið fór þó í
bið þar sem hluti svæðisins varð fyrir áhrifum af flóðinu sem varð í Hvítá rétt
fyrir jólin 2006. Nú er tillagan lögð fyrir með þeim breytingum að flóðmörk hafa
verið afmörkuð inn á svæðið, byggingarreitur hefur verið tekinn út af einni
lóðinni auk þess sem byggingarreitur 8 öðrum lóðum hefur minnkað.
Skipulagsnefnd frestar afgreiðslu málsins þar til umögn Vatnamælinga
Orkustofnunar liggur fyrir.
- Selholt í Grímsnesi. Hesthús skv. 3. tl. sbl. 20071061464
Lögð fram tillaga frá Klöpp arkitektum um staðsetningu nýs hesthúss í landi
Selholts (landr. 51.804) í Grímsnesi. Samkvæmt tillögunni er gert ráð fyrir allt
að 1.000 fm hesthúsi á byggingarreit suðaustan við núverandi íbúðarhús.
Skipulagsnefnd samþykkir fyrirhugaða framkvæmd skv. 3. tl.
bráðabirgðaákvæða skipulags- og byggingarlaga með fyrirvara um meðmæli
Skipulagsstofnunar.
- Sólheimar í Grímsnesi. Breyting á deiliskipulagi. 20070934437
Lögð fram að nýju tillaga að breytingu á deiliskipulagi Sólheima í Grímsnesi.
Gerð er breyting á fjölda og gerð íbúðarhúsa við Upphæðir auk þess sem
lega aðkomuvegar breytist. Þá er gert ráð fyrir nýjum íbúðarhúsum austan
Sólheimavegar í stað þjónustubygginga, auk vinnubúða (frá Nesjavöllum).
Skipulagsnefnd frestaði afgreiðslu málsins á fundi 20. september þar sem
umsögn Vegagerðarinnar lá ekki fyrir. Skipulagsnefnd vísar umsögn
Vegagerðarinnar til hönnuðar til athugunar.
- Syðri-Brú í Grímsnesi. Breyting á deiliskipulagi frístundabyggðar.
20070298215
Lögð fram tillaga Ark-Aust að breytingu á deiliskipulagi frístundabyggðar í
landi Syðri-Brúar. Í breytingunni felst að skipulagssvæðið stækkar um 45 ha,
úr 120 ha í um 165 ha, og lóðum fjölgar um 100, en húsum um 82. Skilmálar
breytast ekki, nema að því leyti að nú er gert ráð fyrir möguleikanum á
sameiginlegri fráveitu. Tillagan var í kynningu ásamt breytingu á aðalskipulagi
svæðisins frá 26. apríl til 24. maí 2007 með athugasemdafresti til 7. júní. Tvö
athugasemdabréf bárust. Fyrir liggur umsögn Umhverfisstofnunar um
aðalskipulagsbreytinguna og umsögn Heilbrigðiseftirlits Suðurlands um
aðalskipulags- og deiliskipulagsbreytinguna. Áður en tillagan var auglýst voru
gerðar ákveðnar breytingar til að koma til móts við umsagnirnar.
Skipulagsnefnd samþykkir tillöguna skv. 25. gr. skipulags- og byggingarlaga
með fyrirvara um jákvæðar umsagnir Heilbrigðiseftirlits Suðurlands,
Umhverfisstofnunar og Vegagerðarinnar.
- Öndverðarnes 2 í Grímsnesi. Deiliskipulag 3 frístundahúsalóða.
20071016473
Lögð fram tillaga Verkfræðistofu Suðurlands af deiliskipulagi um 2,2 ha lóðar
(landnr. 170121) úr landi Öndverðarness 2 í Grímsnesi við Selvík. Í tillögunni
felst að lóðinni er skipt niður í þrjár lóðir, tvær um 8.500 fm og eina 5.000 fm.
Heimilt verður að reisa allt að 150 fm frístundahús a og allt að 25 fm aukahús
á hverri lóð og má mænishæð vera allt að 6 m frá gólfplötu.
Skipulagsnefnd frestar afgreiðslu málsins þar til umsagnir Umhverfisstofnunar
og Heilbrigðiseftirlits Suðurlands liggja fyrir. Þá þarf einnig að skoða afmörkun
lóðarinnar því svo virðist sem svæðið skarist við nýsamþykkt deiliskipulag
lands Landsbankans sem liggur upp að deiliskipulagssvæðinu að
sunnanverðu.
Hrunamannahreppur
- Birtingaholt í Hrunamannahreppi. Deiliskipulag. 20071051471
Lögð fram tillaga Landslags ehf. að deiliskipulagi umhverfis bæjartorfu
Birtingarholts. Skipulagssvæðið er um 6,3 ha og nær yfir íbúðarhús og útihús.
Samkvæmt tillögunni er gert ráð fyrir byggingarreit fyrir allt að 1.200 fm vélaog
verkfærageymslu (reitur A), fyrir allt að 100 fm starfsmannahús (reitur B),
fyrir bílskúr við íbúðarhús (reitur C) og fyrir sólstofu við íbúðarhús (reitur D).
Skipulagsnefnd samþykkir að auglýsa tillöguna skv. 25. gr. skipulags- og
byggingarlaga.
- Dalbær III í Hrunamannahreppi. Breyting á deiliskipulagi. 20071036474
Lagt fram erindi Magnúsar Páls Brynjólfssonar f.h. Klettholts ehf. dags. 19.
október 2007 þar sem óskað er eftir að skilmálar deiliskipulags
frístundabyggðar í landi Dalbæjar III verði breytt þannig að heimilt verði að
reisa allt að 200 fm hús í stað 120 fm.
Skipulagsnefnd telur að breytingin sé óveruleg þar sem enginn hagsmunaaðili
er kominn á svæðið og samþykkir hana skv. 2. mgr. 26. gr. skipulags- og
byggingarlaga með þeirri viðbót að hámarks nýtingarhlutfall megi vera 0.03.
- Flúðir í Hrunamannahreppi. Stækkun verksmiðju Límtrés skv. 3. tl.
Lögð fram tillaga að stækkun verksmiðju Límtrés á Flúðum. Samkvæmt
tillögunni er gert ráð fyrir að verksmiðjuhúsið lengist um 35 m til suðvesturs,
um 1.200 fm. Auk þess er verið að byggja yfir spónahús við suðurhluta
verksmiðju.
Skipulagsnefnd samþykkir fyrirhugaða framkvæmd skv. 3. tl.
bráðabirgðaákvæða skipulags- og byggingarlaga með fyrirvara um meðmæli
Skipulagsstofnunar.
- Flúðir í Hrunamannahreppi. Deiliskipulag reiðhallar á Lambatanga
Lögð fram tillaga að deiliskipulagi 4,4 ha svæðis á Lambatanga á Flúðum
undir reiðhöll, athafnasvæði/bílastæði, tvo skeiðvelli og skeiðbraut. Heimilt
verður að reisa allt að 2.000 fm reiðhöll á svæðinu með allt að 12 m
mænishæð. Tillagan var í kynningu ásamt breytingu á aðalskipulagi frá 25.
júní til 23. júlí 2007 með athugasemdafresti til 6. ágúst. Engar athugasemdir
bárust og hefur aðalskipulagsbreytingin tekið gildi.
Tillagan er nú lögð fram með þeirri breytingu að stefna byggingarreitar breytist
örlítið frá auglýstri tillögu.
Skipulagsnefnd samþykkir tillöguna skv. 25. gr. skipulags- og byggingarlaga.
- Flúðir, deiliskipulag 1. áfanga íbúðarsvæðis í landi Sunnuhlíðar.
20070286218.
Lögð fram tillaga Landslags að 1. áfanga íbúðarbyggðar í landi Sunnuhlíðar. Í
tillögunni felst að gert er ráð fyrir 12 stórum einbýlishúsalóðum (smábýlum) á
svæði vestan við þéttbýlið á Flúðum, austan við frístundabyggðina
Svanabyggð í landi Efra-Sels. Tillagan var í kynningu ásamt breytingu á
aðalskipulagi frá 25. júní til 23. júlí 2007 með athugasemdafrest til 6. ágúst.
Athugasemdir bárust. Fyrir liggur umsögn Heilbrigðiseftirlits Suðurlands um
tillöguna.
Skipulagsnefnd samþykkir tillöguna skv. 25. gr. skipulags- og byggingarlaga
með smávægilegri breytingu í samræmi við afgreiðslu aðalskipulagsins, þ.e.
við bætist um 15 m breytt gróðurbelti þar sem svæðið liggur upp að
frístundabyggð í landi Efra-Sels. Varðandi innkomnar athugasemdir að þá er
vísað í umsögn skipulagsfulltrúa, f.h. sveitarstjórnar, við breytingu á
aðalskipulagi svæðisins.
- Flúðir, deiliskipulag tjald- og þjónustusvæðis á Flúðum.
Lögð fram tillaga Landslags að deiliskipulagi tjald- og þjónustusvæðis á
Flúðum. Skipulagssvæðið er 15,7 ha að stærð. Er annarsvegar gert ráð fyrir
um 1,3 ha lóð fyrir allt að 1.200 fm þjónustumiðstöð með sambyggðu
gróðurhúsi á einni hæð, með möguleika á kjallara. Hinsvegar er skilgreind
14,3 ha lóð undir tjaldsvæði með fjórum byggingarreitum fyrir salerni og
einum byggingarreit fyrir þjónustuhús.Tillagan, ásamt umhverfisskýrslu, var í
kynningu frá 25. júní til 23. júlí 2007 með athugasemdafrest til 6. ágúst. Engar
athugasemdir bárust. Aðalskipulagsbreyting sem auglýst var samhliða hefur
verið staðfest. Fyrir liggur umsögn Heilbrigðiseftirlits Suðurlands um tillöguna.
Skipulagsnefnd samþykkir tillöguna skv. 25. gr. skipulags- og byggingarlaga.
Skeiða-og Gnúpverjahreppur
- Hlemmiskeið II. Lóðablað. 20071061470
Lagt fram lóðablað frá Verkfræðistofu Suðurlands yfir 14.626 fm spildu úr
landi Hlemmiskeiðs II (landr. 166465) á Skeiðum.
Samþykkt skv. 30. gr. skipulags- og byggingarlaga með fyrirvara um
undirskrift aðliggjandi landeigenda. Einnig þarf að liggja fyrir heimild til að nýta
vegtengingu og leita samþykkis Vegagerðarinnar.
- Skeiðháholt I. Lóðarblað.20071064475
Lagt fram lóðablað frá Verkfræðistofu Suðurlands í mkv. 1:1.500 dags.
19.10.2007 sem sýnir stækkun lóðar með landnúmer 7.470 fm í 13.648 fm.
Stækkunin sem er 6.177 fm er tekin úr landi Skeiðháholts I.
Samþykkt skv. 30. gr. skipulags- og byggingarlaga. Ekki er gerð athugasemd
við landsskipti skv. 13. gr. skipulags- og byggingarlaga.
- Gunnbjarnarholt. Vöruskemma og skrifstofuaðstaða. 3.tl. 20071067465
Lagðar fram teikningar af vöruskemmu með sambyggðri skrifstofuaðstöðu í
landi Gunnbjarnarholts. Brúttóflatarmál byggingarinnar er samtals 748,8 fm,
vegghæð rúmleg 5 m og mænistæð 7,25 m. Gert er ráð fyrir að byggingin
verði staðsett um 150 m norður af íbúðarhúsi jarðarinnar.
Skipulagsnefnd samþykkir fyrirhugaða framkvæmd skv. 3. tl.
bráðabirgðaákvæða skipulags- og byggingarlaga með fyrirvara um meðmæli
Skipulagsstofnunar.
- Þjórsárholt. Deiliskipulag stakrar frístundahúsalóðar. 20071080472
Lögð fram tillaga Landhönnunar að deiliskipulagi stakrar frístundahúsalóðar
úr landi Þjórsárholts. Lóðin er 5,24 ha og skv. tillögunni er nýtingarhlutfall
hennar 0.03.
Skipulagsnefnd frestar afgreiðslu málsins þar til nánari upplýsingar liggja fyrir
um staðsetningu lóðar, vegtenginu o.fl.
Flóahreppur
- Langholt / Stekkholt í Hraungerðishreppi. Landsskipti.
Lagt fram lóðablað frá Verkfræðistofu Suðurlands þar sem 30 ha landsspildu
úr Langholti (landnr. 194067) er skipt í þrjár 10 ha spildur. Deiliskipulag fyrir
svæðið hefur þegar verið auglýst en ekki tekið gildi. Fyrir liggur umsókn um
stofnun lögbýla á svæðinu.
Samþykkt skv. 30. gr. skipulags- og byggingarlaga. Ekki er gerð athugasemd
við landsskipti skv. 13. gr. jarðalaga.
Fleira ekki tekið fyrir
Fundi slitið klukkan kl. 12:30
Laugarvatni 25. október 2007
Margeir Ingólfsson (8721)
Ingvar Ingvarsson (8719)
Sigurður Ingi Jóhannsson (8710)
Gunnar Örn Marteinsson (8720)
Aðalsteinn Sveinsson (8722)
Pétur Ingi Haraldsson
