SKIPULAGSNEFND UPPSVEITA ÁRNESSÝSLU
Samvinnunefnd Bláskógabyggðar, Grímsnes-og Grafningshrepps,
Hrunamannahrepps, Skeiða-og Gnúpverjahrepps og Flóahrepps
um skipulagsmál.
FUNDARGERÐ
- FUNDUR
Miðvikudaginn 30. janúar 2008, kl. 9 haldinn á Laugarvatni
Nefndarmenn:
Margeir Ingólfsson Bláskógabyggð
Ingvar Grétar Ingvarsson Grímsnes-og Grafningshr.
Sigurður Ingi Jóhannsson Hrunamannahreppur
Gunnar Örn Marteinsson Skeiða-og Gnúpverjahr.
Aðalsteinn Sveinsson Flóahreppur
Skipulagsfulltrúi uppsveita og framkvæmdastjóri skipulagsnefndar:
Pétur Ingi Haraldsson
FUNDARGERÐ
Bláskógabyggð
- Brekkuskógur Í Biskupstungum. Lóðablað. 20080163536
Lagt fram lóðablað Verkfræðistofu Suðurlands dags. 28. janúar 2008 yfir
6.579 fm lóð utan um íbúðarhús úr landi Brekkuskógar (landr. 189173).
Samþykkt skv. 30. gr. skipulags- og byggingarlaga.
- Eiríksbakki í Biskupstungum. Íbúðarhús skv. 3.tl. 20071059463
Á fundi skipulagsnefndar þann 25. október 2007 var samþykkt að heimila
byggingu íbúðarhús í landi Eiríksbakka skv. 3. tl. bráðabirgðaákvæðis
skipulags- og byggingarlaga. Málið var þó ekki klárað til Skipulagsstofnunar
því fljótlega á eftir kom í ljós að land Eiríksbakka á þessu svæði fór undir vatn
í flóðum í Hvítá í desember 2006.
Tillaga er hér lögð fram að nýju ásamt minnisblaði VST um mælingar sem
gerðar voru á svæðinu. Samkvæmt þeim er lægsta hæð húsgrunns um 3,19
m ofan við hæsta mælda hæð flóðfara.
Skipulagsnefnd samþykkir tillöguna að nýju skv. 3.tl. bráðabirgðaákvæðis
skipulags- og byggingarlaga með fyrirvara um meðmæli Skipulagsstofnunar.
- Iða II í Biskupstungum. Deiliskipulag frístundabyggðar, Eyrarvegur.
20070750375
Lögð fram tillaga að deiliskipulagi frístundabyggðar í landi Iðu II milli
Skálholtsvegar og Hvíta, neðan við brú að Laugarási. Í tillögunni er gert ráð
fyrir 3 lóðum vestan Skálholtsvegar. Á fundi skipulagsnefndar 23. ágúst 2007
var málinu frestað þar sem ekki lágu fyrir upplýsingar um flóðahættu á
svæðinu.
Nú liggur tillagan fyrir þar sem gerð er grein fyrir hæð flóðs í Hvítá í lok árs
2006.
Skipulagsnefnd frestar afgreiðslu málsins þar til fyrir liggja upplýsingar um
hæðarmun á hæsta flóðfari og byggingarreitum.
- Kjarnholt I í Biskupstungum. Deiliskipulag frístundabyggðar og
íbúðarlóðar, svæði 1 og 2. 20080157540
Lögð fram tillaga Verkfræðistofu Suðurlands að deiliskipulagi tveggja svæða
úr landi Kjarnholts I.
Á svæði 1, sem er á ræktuðu landi við bæinn Kjarnholt, er gert ráð fyrir
þremur lóðum. Á lóð 1 er gert ráð fyrir allt að 250 fm íbúðarhúsi en á lóðum 2
og 3 er gert ráð fyrir allt að 250 fm frístundahúsi auk 30 fm aukahúss.
Svæði 2 er um 20 ha að stærð og liggur upp að Tungufljóti, ofan við eldra
deiliskpulagt frístundasvæði. Þar er gert ráð fyrir 30 frístundahúsalóðum á
bilinu 5.000 ? 6.560 fm og verður heimilt að reisa allt að 150 fm hús ásamt allt
að 30 fm geymslu.
Skipulagsnefnd bendir á að samkvæmt samþykktum sveitarfélagsins er
almennt miðað við að nýtingarhlutfall frístundahúsalóða skuli ekki vera hærra
en 0.03 og. Varðandi fráveitu að þá telur nefndin að huga þurfi að
sameiginlegri fráveitu fyrir svæðið, í heild eða hluta, og frestar afgreiðslu þar
til umsögn Heilbrigðiseftirlits Suðurlands liggur fyrir. Einnig verður leitað
umsagnar Fornleifaverndar ríkisins. Þá er einnig bent á að æskilegt væri að
gera ráð fyrir gönguleiðum gegnum hverfið að Fagradal auk þess sem sem
gera þarf betur grein fyrir skilmálum varðandi hæð gólfs yfir landi.
- Laugar / Haukadalur í Biskupstungum. Framkvæmdaleyfi fyrir reiðstíg.
20080161550
Lagt fram bréf frá reiðveganefnd Loga þar sem óskað er eftir
framkvæmdaleyfi skv. 27. gr. skipulags- og byggingarlaga fyrir um 3.000 m
reiðveg frá Laug að vestanverðu og umhverfis Laugarfell að norðan að
sunnanverðum Haukadalsskógi. Fyrir liggur loftmynd sem sýnir fyrirhugaða
staðsetningu vegarins.
Skipulagsnefnd samþykkir framkvæmdaleyfið skv. 27. gr. skipulags- og
byggingarlaga með fyrirvara um að efni verði tekið úr viðurkenndum námum
auk þess sem leyfi Landbúnaðarstofnunar skv. 33. gr. laga um lax- og
silungsveiði nr. 61/2006 þarf að liggja fyrir áður en framkvæmdir hefjast.
- Reykholt í Biskupstungum. Endurskoðun deiliskipulags fyrir austurhluta
þéttbýlissins. 20080113533.
Lögð fram tillaga Péturs H. Jónssonar arkitekts af deiliskipulagi yfir
austurhluta Reykholts. Um er að ræða heildarendurskoðun á deiliskipulagi
þessa svæðis en í dag eru nokkrar deiliskipulagsáætlanir sem ná yfir svæðið.
Þá hafa verið gerðar þó nokkuð margar breytingar á svæðinu, sumar sem
aldrei hafa hlotið endanlegt gildi. Gert er ráð fyrir að við gildistöku þessa
skipulags, falli eldri deiliskipulagsáætlanir úr gildi. Tillagan er í samræmi við
breytingu á aðalskipulagi svæðisins sem sveitarstjórn hefur samþykkt að
auglýsa.
Deiliskipulagssvæðið er um 78 ha að stærð og eru einnig 78 lóðir þar innan,
flestar þeirra fullbyggðar. Íbúðarhúsalóðir eru 49 talsins og þar af eru 36
byggðar, Garðyrkjulóðir eru 17 og þar af allar byggðar nema 3, verslunarlóðir
eru 4 og 2 byggðar og síðan er 8 athafnalóðir og þar af 6 nýjar norðan
Biskupstungnabrautar.
Samþykkt að auglýsa tillöguna skv. 25. gr. skipulags- og byggingarlaga.
- Syðri-Reykir í Biskupstungum. Deiliskipulag frístundabyggðar við
Eyrarveg. 20080160547
Lögð fram tillaga Péturs H. Jónssonar að deiliskipulagi þriggja
frístundahúsalóða í landi Syðri-Reykja við Eyrarveg. Skipulagssvæðið er
31.180 fm að stærð og er gert ráð fyrir tveimur 5.000 fm lóðum og einni
20.780 fm. Húsin skulu ekki vera stærri en 300 fm og á lóðunum er heimilt að
reisa geymslu, svefn- eða gróðurhús, ekki stærri en 30 fm.
Hámarksnýtingarhlutfall er 0.03. Aðeins er heimilt að reisa eitt hús ásamt
útihúsi innan hvers byggingareits.
Afgreiðslu frestað þar sem gera þarf grein fyrir aðkomu að lóð nr. 3 auk þess
sem tryggja þarf aðgengi að rotþró vegna tæmingar hennar.
- Tjörn í Biskupstungum. Lóðablað, Tjarnarkot. 20080161541
Lagt fram lóðablað/deiliskipulag Kristjáns Bj. Jónssonar frá 1993 yfir 6.000 fm
lóð úr landi Tjarnar. Lóðin er norðan við Tjarnarveg og austan heimreiðar að
Tjörn.
Samþykkt skv. 30. gr. skipulags- og byggingarlaga með fyrirvara um að lagt
verði fram hnitsett lóðablað.
- Austurey 2, Krossholtsmýri, í Laugardal. Deiliskipulag frístundabyggðar.
20070257199
Lagt fram bréf frá eigendum Austureyjar varðandi frekari rökstuðning fyrir
notkun núverandi vegar að fyrirhuguðum lóðum skv.deiliskipulaginu. Er það
lagt fram vegna bréfs Skipulagsstofnunar dags. 15. október 2007.
Skipulagsnefnd telur enn að aðkoma að fyrirhuguðum lóðum í Krossholtsmýri
eins og hún var sýnd í auglýstri deiliskipulagstillögu hafi minnst rask í för með
sér og sé þar með hentugust út frá skipulagslegum forsendum. Þá má einnig
benda á að eigandi fyrirhugaðra lóða er einnig einn eigandi þess lands sem
núvarandi vegur liggur um og hefur þannig, að mati skipulagsnefndar, jafnan
rétt á að nýta þann veg.
- Laugarvatn í Laugardal. Breyting á deiliskipulagi íbúðarsvæðis,
Túnahverfi. 2008017549
Lögð fram fyrirspurn Rúnars Gunnarssonar og Evu Hálfdanardóttur dags. 8.
janúar 2007 um hvort að veita megi undanþágu frá skilmálum deiliskipulags
íbúðarsvæðis á Laugarvatni um að húsi skuli vera á einni hæð.
Þá er einnig lögð fram ósk byggingarfélags Laugarvatns um breytingu á
skilmálum varðandi mænisstefnu, sérstaklega við Traustatún. Þá er einnig
óskað eftir að byggingarreitir lóðanna Traustatún 10 og 12 verði stækkaðir
lítillega.
Skipulagsnefnd samþykkir að breyta leyfilegri mænisstefnu á innstu lóðum við
Traustatún 1-7 og 12-14 þannig að heimilt verði að reisa hús með
mænisstefnu suðvestur norðaustur eða suðaustur norðvestur. Nefndin hafnar
því að breyta stærð byggingarreita sem og að heimila tveggja hæða hús.
- Heiðarbær í Þingvallasveit. Framkvæmdaleyfi, bátalægi við lóð nr. 1.
2007086408
Lagt fram að nýju erindi Sigmars K. Albertssonar hrl. dags.12.júlí 2007 vegna
umsóknar um framkvæmdaleyfi fyrir bátalægi við lóð nr. 1 í landi Heiðarbæjar.
Á fundi skipulagsnefndar 23. ágúst 2007 var afgreiðslu málsins frestað þar til
umsögn Umhverfisstofnunar lægi fyrir. Vegna mistaka tafðist að senda
skipulagsnefnd umsögn Umhverfisstofnunar og barst hún ekki fyrr en 9.
janúar 2008.
Skipulagsnefnd frestar afgreiðslu málsins þar til frekari gögn frá
Umhverfisstofnun liggja fyrir.
- Heiðarbær í Þingvallasveit. Framkvæmdaleyfi, bátalægi við lóð.
Lagt fram að nýju erindi Jóns Æ. Karlssonar dags. 6. janúar 2007 þar sem
óskað er eftir leyfi til að koma upp aðstöðu til að taka upp bát á lóð í landi
Heiðarbæjar. Áður hafði Jón óskað eftir leyfi til að reisa bátaskýli á lóðinni
ásamt aðliggjandi lóðarhafa (mál 20070942430).
Skipulagsnefnd frestar afgreiðslu þar til skipulagsfulltrúi hefur farið og kannað
aðstæður. Einnig verður leitað umsagnar Umhverfisstofnunar um málið.
- Þingvallaþjóðgarður, Hakið, Þingvallasveit. 20070786376
Lögð fram endurskoðuð tillaga Landslags ehf. að breytingu á deiliskipulagi við
Hakið í Þingvallasveit, ásamt umhverfisskýrslu. Í tillögunni felst að gert er ráð
fyrir stækkun þjónustumiðstöðvar, nýrri snyrtiaðstöðu auk þess sem bílastæði
stækka. Tillagan var upphaflega samþykkt 31. júlí 2007 og síðanauglýst frá
- september til 1. nóvember. Engar athugasemdir bárust en skv. afgreiðslu
Skipulagsstofnunar dags. 26. nóvember 2007 fellur breytingin undir lög um
umhverfismat áætlana og þarf því að auglýsa hana að nýju ásamt
umhverfisskýrslu.
Samþykkt að auglýsa tillöguna skv. 25. gr. skipulags- og byggingarlaga.
Grímsnes-og Grafningshreppur
- Ásgarður, Ásborgir, í Grímsnesi. Breyting á deiliskipulagi. 20080149552
Lögð fram tillaga Péturs. H. Jónssonar arkitekts að breytingu á deiliskipulagi
íbúðarsvæðisins Ásborgir í land Ásgarðs. Í tillögunni felst að gert er ráð fyrir
að lýsing meðfram vegi verði ekki hærri en 4 m í stað 1,5 m. Áfram er gert ráð
fyrir að lýsing meðfram heimtröðum verði ekki hærri en 1,5. Þá er ákvæði um
að takmarka skuli ljósmengun með því að beina lýsingu niður.
Samþykkt að auglýsa tillöguna skv. 25. gr. skipulags- og byggingarlaga.
- Borg í Grímsnesi. Breyting á deiliskipulagi. 20080132551
Lögð fram tillaga Péturs H. Jónssonar arkitekts að breytingu á deiliskipulagi
Borgar. Breytingin nær til athafnalóða við Hraunbraut 4 ? 10 og felst í að
heimilt verður að reisa einbýlishús á lóðunum auk mannvirkja tengdum léttum
og hreinlegum iðnaði og/eða gróðurhúsabyggð.
Ingvar vék af fundi við afgreiðslu málsins.
Samþykkt að auglýsa tillöguna skv. 25. gr. skipulags- og byggingarlaga.
- Göltur í Grímsnesi. Breyting á deiliskipulagi. 20071186497
Lagt fram bréf Skipulagsstofnunar dags. 20. desember 2007 vegna
óverulegrar breytingu á deiliskipulagi í landi Galtar sem samþykkt var á fundi
skipulagsnefndar 22. nóvember 2007 og í sveitarstjórn 6. desember. Að mati
stofnunarinnar er ekki hægt að líta á breytinguna sem óverulega og að hana
þurfi að auglýsa skv. 1. mgr. 26. gr. skipulags- og byggingarlaga.
Samþykkt að auglýsa tillöguna skv. 25. gr. skipulags- og byggingarlaga.
- Kiðjaberg í Grímsnesi. Breyting á deiliskipulagi frístundabyggðar.
Lögð fram að nýju tillaga að breytingu á skilmálum deiliskipulags Kiðjabergs,
orlofs- og sumarhúsasvæðis Meistarafélags húsasmiða. Í tillögunni felst að
gerð er breyting á skilmálum er varða stærð og útlit húsa, h.lið í greinargerð
deiliskipulagsins. Gert er ráð fyrir að heimilt verði að reisa allt að 350 fm
frístundahús að grunnfleti og 40 fm aukahús á hverri lóð, þó þannig að
nýtingarhlutfall verði ekki hærra en 0.03. Einnig verða breytingar er varða
hæðir húsa, mænishæð og þakhalla. Sambærileg breyting á skilmálum
svæðisins var samþykkt í sveitarstjórn 6. september 2007 og tók hún gildi
með auglýsingu í B-deild stjórnartíðinda 24. september 2007. Úrskurðarnefnd
skipulags og byggingarmála felldi breytinguna síðan úr gildi að kröfu
lóðarhafa á lóð nr. 111 í landi Kiðjabergs með úrskurði þann 8. janúar 2008
með vísan til þess að formlegri afgreiðslu sveitarstjórnar hefði verið
ábótavant. Af hálfu greindra lóðarhafa hafa athugasemdir fyrst og fremst
beinst að sumarhúsabyggingum á lóðum nr. 109 og 112. Ákvæði 4. mgr. 56.
- skipulags- og byggingarlaga stendur ekki í vegi umræddrar breytingar á
skilmálum svæðisins. Er því tillagan lögð fram að nýju.
Samþykkt að auglýsa tillöguna skv. 25. gr. skipulags- og byggingarlaga.
- Miðengi í Grímsnesi. Deiliskipulag íbúðarsvæðis. 20080137538
Lögð fram tillaga Péturs H. Jónssonar arkitekts af deiliskipulagi íbúðarsvæðis
í landi Miðengis. Tillagan nær yfir 2 ha svæði og er þar gert ráð fyrir tíu 1.024
fm íbúðarhúsalóðum þar sem heimilt verður að reisa 100-300 fm íbúðarhús
að grunnfelit. Husin skulu vera á einni hæð en heimilt er að vera með
svefnloft eða kjallara þar sem aðstæður leyfa. Hámarks mænishæð er 6 m frá
jörðu. Tillagan er í samræmi við breytingu á aðalskipulagi sem sveitarstjórn
hefur samþykkt að auglýsa. Á umræddu svæði er í dag í gildi deiliskipulag
fyrir tvær íbúðarhúsalóðir en með gildistöku nýs skipulags mun það falla úr
gildi.
Samþykkt að auglýsa tillöguna skv. 25. gr. skipulags- og byggingarlaga.
- Miðengi, Borgarleynir, í Grímsnesi. Breyting á deiliskipulagi
frístundabyggðar. 20080157534
Lögð fram tillaga Péturs H. Jónssonar arkitekts að breytingu á deiliskipulagi
frístundabyggðarinnar Borgarleynir í landi Miðengis. Í breytingunni felst að
lóðir 15-27 stækki til norðaustur, yfir á svæði á náttúruminjaskrá. Eingöngu er
um að ræða stækkun lóðar en byggingarreitir breytast ekki.
Samþykkt að auglýsa tillöguna skv. 25. gr. skipulags- og byggingarlaga.
- Snæfoksstaðir. Framkvæmdaleyfi vegna námu í Tjarnarhól.
20080196537
Lagt fram erindi Böðvars Guðmundssonar f.h. stjórnar Skógræktarfélags
Árnesinga dags. 15. janúar 2008 þar sem sótt er um framkvæmdaleyfi fyrir
rekstri malargryfu í Tjarnarhól í landi Snæfoksstaða. Náman hefur verið í
notkun undanfarin 50 ár en í gildandi aðalskipulagi sveitarfélagsins kemur
fram að henni hafi verið lokað.
Skipulagsnefnd frestar afgreiðslu málsins þar til umsögn Umhverfisstofnunar
liggur fyrir. Þá er einnig bent á framkvæmdin er háð lögum um mat á
umhverfisáhrifum framkvæmda auk þess sem breyta þarf aðalskipulagi
svæðisins.
- Syðri-Brú í Grímsnesi. Deiliskipulag tveggja frístundahúsalóða.
20080127539
Lögð fram tillaga Verkfræðistofu Suðurlands að deiliskipulagi tveggja
frístundahúsalóða í landi Syðri-Brúar. Um er að ræða 2 ha spildu (landr.
192476) sem afmarkast af Þingvallavegi nr. 36 að austan, Markarlælk að
sunnan og skipulögðu frístundabyggðarsvæði að vestan og norðan.
Tillagan gerir ráð fyrir að spildunni verði skipt í tvær 1 ha lóðir, Syðri-Brú lóð A
og Syðri-Brú lóð og verður heimilt að reisa allt að 150 fm frístundahús ásamt
30 fm geymslu á hvorri þeirra.
Samþykkt að auglýsa skv. 25. gr. skipulags- og byggingarlaga þegar
staðfesting á neysluvatni liggur fyrir sem og heimild Vegagerðarinnar um
tengingu við þjóðveg.
- Syðri-Brú í Grímsnes. Endurskoðun deiliskipulags frístundabyggðar.
20070198215
Lagt fram bréf Skipulagsstofnunar dags. 21. desember 2007 varðandi
endurskoðun deiliskipulags frístundabyggðar í landi Syðri-Brúar. Óskað er
eftir frekari rökstuðningi vegna umsagnar Umhverfisstofnunar um mýrlendi
auk þess sem farið er fram á frekari upplýsingar um útfærslu fráveitu á
svæðinu.
Skipulagsnefnd vísar málinu til afgreiðslu sveitarstjórnar.
- Vatnsholt í Grímsnesi. Skógrækt. 20080144535
Lagt fram til kynningar erindi Böðvars Guðmundssonar, Suðurlandsskógum,
dags. 18. desember 2007 þar sem kynnt eru áform um skógrækt á um 25 ha
landi í Vatnsholti. Fram kemur að ræktað verði á holtum sem standa upp úr
mýrinni og því verði um svokallaða skæklaskógrækt að ræða sem aðskilda
skógarlundi.
- Nesjar í Grafningi. Setberg, deiliskipulag tveggja frístundahúsalóða.
20080188543
Lögð fram tillaga Péturs H.Jónssonar arkitekts af deiliskipulagi tveggja
frístundahúsalóða úr landi Nesja. Í tillögunni felst að gert er ráð fyrir tveimur
frístundahúsalóðum sem er 4,1 ha og 5,1 ha að stærð á svæði ofan
Grafningsvegar vestan við Hestvík. Heimilt verður að reisa 50-300 fm
frístundahús á lóðunum auk allt að 40 fm aukahúss. Á fundi skipulagsnefndar
- desember var tekin fyrir tillaga (mál 20071242512) að deiliskipulagi
tveggja lóða á svæði sem liggur upp að þessu, en er hinum megin vegarins.
Skipulagsnefnd telur að sameina eigi þessi tvær deiliskipulagsáætlanir og
frestar afgreiðslu málsins þar til það hefur verið gert og þar til umsagnir
Umhverfisstofnunar og Heilbrigðiseftirlits Suðurlands liggja fyrir.
Hrunamannahreppur
- Grafarbakki, . Breyting á aðal- og deiliskipulagi.
Lagt fram erindi Verkfræðistofu Suðurlands dags. 23. nóvember 2007, f.h.
landeigenda Grafarbakka II, og meðfylgjandi uppdrátt í mkv. 1:2.500 dags. 1.
nóvember 2007 þar sem óskað er eftir að um 2,6 ha spildu úr landi
Grafarbakka verði breytt í íbúðarsvæði. Umrætt svæði var á sínum tíma ekki
samþykkt undir lóðir fyrir frístundabyggð.
Skipulagsnefnd vísar málinu til afgreiðslu sveitarstjórnar.
- Syðra-Langholt, Holtabyggð. Breyting á deiliskipulagi.
Lögð fram teikning af 136 fm frístundahúsi sem fyrirhugað er að reisa á lóð
innan frístundabyggðarinnar Holtabyggð. Í gildandi skilmálum er eingöngu
heimilt að reisa 120 fm hús. Fyrir liggur samþykki aðliggjandi lóðarhafa og
eigenda landsins.
Samþykkt að auglýsa breytingu á deiliskipulagi byggðarinnar skv. 25. gr.
skipulags- og byggingarlaga á þann hátt að heimilt verði að reisa hús þar sem
hámarksnýtingarhlutfall verður 0.03.
Skeiða-og Gnúpverjahreppur
- Álfsstaðir. Lóðablað. 20080186530
Lagt fram lóðablað Péturs H. Jónssonar arkitekts dags. desember 2007 yfir
9,85 ha land úr landi Álfsstaða. Landið liggur að Birnustöðum að vestanverðu,
Álfsstaðarvegi (nr. 324) að norðanverðu og Miðmundartjörn að austanverðu.
Fyrir liggur samþykki eiganda Birnustaða I á landamerkjum spildunnar.
Samþykkt skv. 30. gr. skipulags- og byggingarlaga.
- Ósabakki 1 og 3. Lóðablað og samruni lands. 20080138542
Lagt fram lóðablað dags 18. janúar 2008 yfir 4 ha spildu úr Ósabakka 1
(landr. 166486). Þegar lóðin hefur veirð stofnuð er gert ráð fyrir að hún verði
sameinuð Ósabakka 3 (landr. 166488, ásamt lóðum með landr. 211669 og
189805.
Samþykkt skv. 30. gr. skipulags- og byggingarlaga.
- Hagi, Undraland. Breyting á deiliskipulagi frístundabyggðar.
20080169531
Lögð fram tillaga Landmótunar að breytingu á deiliskipulagi frístundabyggðar í
landi Haga. Í tillögunni felst að lóðinni Undraland er skipt í tvær lóðir, önnur
verður um 0,6 ha og hin 8,1 ha. Samkvæmt gildandi deiliskipulagi er lóðin
Undraland 6,6 en skv. landskiptagjörð frá 1999 8,8 ha og er stærð lóðarinnar
lagfærð í samræmi við það. Samkvæmt tillögunni verður heimilt að reisa hús
með nýtingarhlutfall 0.03 eða að hámarki 300 fm.
Samþykkt að auglýsa tillöguna skv. 25. gr. skipulags- og byggingarmála.
Flóahreppur
- Fljótshólar IV í fyrrum Gaulverjabæjarhreppi. Deiliskipulag landsspildu
fyrir íbúðarhús og útihús. 20080168544
Lögð fram tillaga Verksmiðjunnar, teikni- og verkfræðiþjónustu, af 7,4 ha
spildu (landnr. 212340) úr landi Fljótshóla I og IV.Í tillögunni felst að gert er
ráð fyrir byggingarreit (merktur A) fyrir íbúðarhús og bílskúr og öðrum
byggingarreit (merktur B) fyrir húsnæði tengdum frístundabúskap.
Samþykkt að auglýsa tillöguna skv. 25. gr. skipulags- og byggingarlaga með
fyrirvara um leyfi Vegagerðarinnar vegna vegtengingar.
- Langsstaðir . Deiliskipulag nýbýlis. 20080138548
Lögð fram tillaga Landmótunar að deiliskipulagi nýbýlis á 3 ha spildu úr landi
Langsstaða, rétt vestan við Þingborg. Í tillögunni felst að gert er ráð fyrir
byggingarreit þar sem heimilt verður að reisa allt að 1.400 fm hús sem hýsa á
pökkunarstöð fyrir garðávexti, handverksstofu, íbúð og skrifstofur.
Samþykkt að auglýsa tillöguna skv. 25. gr. skipulags- og byggingarlaga þegar
leyfi Vegagerðarinnar fyrir tengingu lóðarinnar liggur fyrir og byggingarreit
breytt þannig að hann verði a.m.k. 100 m frá Villingaholtsvegi.
- Rútsstaðir í fyrrum Gaulverjabæjarhreppi. Deiliskipulag landsspildu
fyrir íbúðarhús, hesthús og vélageymslu. 20080176545
Lögð fram tillaga Verksmiðjunnar, teikni- og verkfræðiþjónustu, af 15,63 ha
spildu úr landi Rútsstaða. Í tillögunni felst að gert er ráð fyrir byggingarreit
(merktur A) fyrir íbúðarhús og bílskúr og öðrum byggingarreit (merktur B) fyrir
vélageymslu og hesthúsi.
Samþykkt að auglýsa tillöguna skv. 25. gr. skipulags- og byggingarlaga þegar
leyfi Vegagerðarinnar fyrir tengingu lóðarinnar liggur fyrir og byggingarreit
breytt þannig að hann verði a.m.k. 100 m frá Gaulverjabæjarvegi.
Fleira ekki tekið fyrir
Fundi slitið klukkan kl. 12:15
Laugarvatni 30. janúar 2007
Margeir Ingólfsson (8721)
Ingvar Ingvarsson (8719)
Sigurður Ingi Jóhannsson (8710)
Gunnar Örn Marteinsson (8720)
Aðalsteinn Sveinsson (8722)
Pétur Ingi Haraldsson
