Sveitarstjórn Bláskógabyggðar

-liður 2, Heiðarbær við Þingvallavatn; Frístundabyggð; Deiliskipulag - 2206013
Lögð er fram uppfærð tillaga deiliskipulags frístundabyggðar Heiðarbæjar við Þingvallavatn eftir auglýsingu. Markmið deiliskipulagsins er að hafa til staðar deiliskipulag sem gefur heildarmynd af svæðinu þar sem lóðarmörk, aðgengi og gönguleiðir eru skýrar. Jafnframt að fylgja eftir stefnu Bláskógabyggðar og Grímsnes- og Grafningshrepps um að til skuli vera deiliskipulag fyrir eldri frístundasvæði. Með deiliskipulagsgerðinni er unnið að því að samþætta lóðamörk, auka skilvirkni við umsýslu á lóðum ásamt því að ramma inn svæðið og nýtingu þess í heild og einstaka þætti þess s.s. innviði, náttúruvernd og aðgengi. Hættumat vegna ofanflóða hefur verið unnið fyrir tillöguna auk þess sem fyrir liggur höfnun á undanþágu vegna skilgreiningar byggingarreita frá Þingvallavatni og Grafningsvegi-Efri. Athugasemdir og umsagnir bárust við auglýsingu skipulagsins og eru þær lagðar fram við afgreiðslu þess ásamt viðbrögðum og andsvörum.
Sveitarstjórn Bláskógabyggðar samþykkir framlagt deiliskipulag eftir auglýsingu. Sveitarstjórn telur að brugðist hafi verið við umsögnum sem bárust vegna málsins með fullnægjandi hætti innan gagnanna. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.


-liður 3, Skyrklettagata 1 L180797; Breytt byggingamagn og fjöldi húsa; Fyrirspurn - 2507061
Lögð er fram fyrirspurn sem tekur til niðurrifs á baðhúsi og stækkun núverandi sumarhúss að Skyrklettagötu 1 L180797.
Í gildandi deiliskipulagi fyrir frístundasvæðið í Laugarási er heimilað byggingarmagn, á lóðum sem eru minni en 3.333 fm, allt að 100 fm. Sveitarstjórn Bláskógabyggðar synjar framlagðri fyrirspurn.


-liður 4, Fell L167086; Hamarsholt 4; Breytt lóðarmörk; Deiliskipulagsbreyting - 2507021
Lögð er fram tillaga deiliskipulagsbreytingar sem tekur til Fells L167086 í Bláskógabyggð. Í breytingunni felst að lega lóðarinnar Hamarsholt 4 breytist en stærð hennar helst óbreytt. Lóðin er óstofnuð í fasteignaskrá.
Sveitarstjórn Bláskógabyggðar samþykkir framlagða breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt eigendum lóða við Hamarsholt.


-liður 5, Ærhúsbakki L235706; Skilgreining svæðis; Deiliskipulag - 2507018
Lögð er fram tillaga deiliskipulags sem tekur til Ærhúsbakka L235706 í Bláskógabyggð. Í tillögunni felst m.a. skilgreining þriggja byggingarreita. Heimilt er að reisa íbúðarhús á byggingarreit nr. 1 og 2 en á byggingarreit nr. 3 er heimilt að byggja við núverandi fjárhús eða reisa útihús s.s. gróðurhús, gripahús, skemmu/vélageymslu.
Sveitarstjórn Bláskógabyggðar samþykkir deiliskipulagið og að það verði auglýst á grundvelli 41. gr. skipulagslaga nr. 123/2010 þar sem allar meginforsendur fyrir gerð deiliskipulagstillögunnar liggi fyrir innan aðalskipulags sveitarfélagsins.


-liður 6, Tungurimi 27 hreinsistöð (L238278); byggingarleyfi; dælustöð - 2507009
Móttekin var umsókn þann 30.06.2025 um byggingarleyfi fyrir 114,1 m2 dælustöð á lóðinni Tungurimi 27 hreinsistöð L238278 í Bláskógabyggð. Breyting á aðal- og deiliskipulagi fyrir svæðið er í ferli.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010. Þar sem engir aðrir hagsmunaaðilar eru innan svæðisins sem framkvæmdin tekur til en umsækjandi er ekki talin þörf á grenndarkynningu og er málinu vísað til afgreiðslu byggingarfulltrúa.

-liður 7, Lindargata 1 L190545; Lindargata 3 L190546; Sameining lóða - 2508031
Lögð er fram umsókn ásamt undirritaðri merkjalýsingu dags. 05.08.2025, skv. reglugerð um merki fasteigna 160/2024, er varðar sameiningu tveggja lóða. Óskað er eftir að sameina Lindargötu 3 L190546 við Lindargötu 1 L190545 sem verður 7.500 fm eftir sameiningu skv. hnitsettri mælingu sem ekki hefur legið fyrir áður. Fyrir liggur jákvæð afgreiðsla sveitarstjórnar Bláskógabyggðar þ. 21.05.2025 við fyrirspurn um sameiningu lóðanna.
SSveitarstjórn samþykkir sameiningu lóðanna skv. framlagðri merkjalýsingu.


-liður 8, Heiðarbær lóð (L170256); byggingarheimild; sumarhús - viðbygging - 2507044
Móttekin var umsókn þann 10.07.2025 um 25,3 m2 viðbyggingu við sumarhús á sumarbústaðalandinu Heiðarbær lóð L170256 í Bláskógabyggð. Lóðarstærð er 4.255 fm. Heildarstærð byggingar eftir stækkun verður 153,4 fm.
Sveitarstjórn Bláskógabyggðar samþykkir að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa. Málið verði grenndarkynnt eigendum aðliggjandi landeigna.

Fundargerðin var lögð fram til kynningar hvað aðra liði varðar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðirnar voru lagðar fram til kynningar.

Sveitarstjóri fór yfir stöðu mála.
Guðrún Rakel Svandísardóttir mun gegna stöðu skólastjóra grunnskóladeildar Bláskógaskóla veturinn 2025-2026, en Guðrún var ráðin til starfa sem aðstoðarskólastjóri við skólann í júní sl.
Lieselot M. Simoen, leikskólastjóri Álfaborgar, mun gegna stöðu leikskólastjóra leikskóladeildar Bláskógaskóla skólaárið 2025-2026, samhliða því að gegna stöðu leikskólastjóra Álfaborgar. Jafnframt er stjórnunarhlutfall aðstoðarleikskólastjóra Álfaborgar aukið tímabundið.
Sveitarstjórn samþykkir samhljóða tímabundnar breytingar á störfum viðkomandi starfsmanna fyrir skólaárið 2025-2026. Jafnframt heimilar sveitarstjórn sveitarstjóra og skólastjórnendum leik- og grunnskóladeildar Bláskógaskóla að semja við starfsmenn um að taka að sér einstaka stjórnunarverkefni, eftir því sem þörf verður á.
Staða skólastjóra Bláskógaskóla verður auglýst á vormánuðum 2026.

Sveitarstjórn samþykkir erindið samhljóða. Um greiðslur fari samkvæmt viðmiðunargjaldskrá Sambands íslenskra sveitarfélaga. Um viðbótarkostnað verði samið sérstaklega.

Sveitarstjórn samþykkir erindið samhljóða. Um greiðslur fari samkvæmt viðmiðunargjaldskrá Sambands íslenskra sveitarfélaga. Um viðbótarkostnað verði samið sérstaklega.

Sveitarstjórn samþykkir erindið samhljóða. Um greiðslur fari samkvæmt viðmiðunargjaldskrá Sambands íslenskra sveitarfélaga. Um viðbótarkostnað verði samið sérstaklega.

Sveitarstjórn samþykkir með sex atkvæðum að auglýsa til úthlutunar sex lóðir innan svæðis sem er deiliskipulagt fyrir hesthús við Laugarvatn. Lóðirnar verði auglýstar með fyrirvara um það að þær verði byggingarhæfar að lokinni gatnagerð og lagningu veitulagna sumarið 2026. Jón F. Snæbjörnsson sat hjá við afgreiðslu málsins.
Jón F. Snæbjörnsson lagði fram eftirfarandi bókun: Á meðan enn er óvissa með framtíð þess svæðis þar sem áður var hjólhýsabyggð þá sit ég hjá við afgreiðslu á þessu máli, þar sem það svæði gæti nýst betur sem svæði fyrir hesthúsalóðir.

Sveitarstjórn samþykkir samhljóða, með vísan til 3. mgr. 7. gr. samþykktar um gatnagerðargjald í þéttbýli í Bláskógabyggð að greiðslunni verði skipt í þrennt og að gjalddagar verði 1. september, 1. desember og 1. mars n.k.

Sveitarstjórn samþykkir samhljóða að styrkja klúbbinn um 137.000 kr, eða sem svarar leigu á Aratungu vegna fjáröflunarviðburða á vegum klúbbsins. Kostnaður rúmast innan fjárhagsáætlunar.

Erindið var lagt fram. Sótt er um rekstrarstyrk að fjárhæð kr. 300.000,- sem dreifist yfir þrjú ár, kr. 100.000,- árlega.
Sveitarstjórn sér sér ekki fært að verða við erindinu.

Kaupsamningur um fasteignina Torfholt 6AB, Laugarvatni, fastanúmer 220 6349, var lagður fram. Sveitarstjórn staðfestir samninginn samhljóða, þar á meðal heimild til handa kaupendum til að veðsetja fasteignina fyrir láni frá Landsbanka Íslands að fjárhæð kr. 6.000.000, og felur Ástu Stefánsdóttur, sveitarstjóra, kt. 251070-3189, að undirrita hann.

Fasteignin Hverabraut 16-18 á Laugarvatni hefur verið auglýst til sölu og tvö tilboð borist. Sveitarstjórn samþykkir samhljóða að taka tilboði Lognfossa ehf. Sveitarstjórn lýsir yfir vilja til að endurskoða skipulag svæðisins með hliðsjón af hagsmunum sveitarfélagsins og kaupanda og í samræmi við umræður á fundi með fulltrúum tilboðsgjafa sem haldinn var 18. ágúst sl.

Erindið var lagt fram. Þar er óskað eftir að koma fyrir áningarborði á Kili, nánar tiltekið við afleggjarann við Beinhól, í minningu Reynistaðarbræðra. Gefendur borðsins eru feðgarnir Eyþór Árnason og Árni Bjarnason. Á borðinu verður skilti þar sem fram kemur að Árni Bjarnason, frændi Reynistaðarbræðra, hafi smíðað það í minningu þeirra bræðra og félaga þeirra sem týndu lífi á Kili 1780.
Sveitarstjórn þakkar feðgunum fyrir framtakið og samþykkir samhljóða að heimila þeim að koma borðinu fyrir á umræddum stað.

Lóðin hefur verið auglýst laus til úthlutunar og ein umsókn borist. Sveitarstjórn samþykkir að úthluta lóðinni til umsækjanda.

Tilboð lægstbjóðenda hafa verið yfirfarin og uppfylla lægstbjóðendur kröfur sem gerðar voru til hæfis í útboðsgögnum.
Sveitarstjórn samþykkir því samhljóða að taka tilboði HR smíði í snjómokstur Reykholti og tilboði Félagsbúsins Hrosshaga í snjómokstur á Laugarvatni og í Laugarási.

Jón Forni fylgdi erindinu úr hlaði. Umræða varð um samning sveitarfélagsins við ríkið um afnot af húsinu.

Sveitarstjórn samþykkir að veita jákvæða umsögn um erindið, enda samræmist það skilmálum skipulags á svæðinu.

Sveitarstjórn samþykkir að veita jákvæða umsögn um erindið, enda samræmist það skilmálum skipulags á svæðinu.

Lagt fram til kynningar.

Fyrir liggur að Lína Björg Tryggvadóttir hefur verið ráðin verkefnastjóri hjá SASS og hefur hún því sagt upp starfi sínu sem byggðaþróunarfulltrúi Uppsveita Árnessýslu. Sveitarstjórn þakkar Línu fyrir vel unnin störf og óskar henni velfarnaðar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.