Sveitarstjórn Bláskógabyggðar

-liður 3, Laugarvatn L224243; Ný iðnaðarlóð vegna jarðhita; Deiliskipulagsbreyting - 2506031
Lögð er fram deiliskipulagsbreyting, eftir auglýsingu, sem tekur til menntaskólalóðar, L224243 vegna skilgreiningar á nýju iðnaðarsvæði.
Sveitarstjórn Bláskógabyggðar samþykkir framlagt deiliskipulag eftir auglýsingu. Sveitarstjórn telur að brugðist hafi verið við umsögnum sem bárust vegna málsins með fullnægjandi hætti innan gagnanna. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.


-liður 4, Tungurimi 27 L238278, Reykholt; Hreinsistöð og nýting jarðhita; deiliskipulagsbreyting - 2506026
Lögð er fram tillaga deiliskipulagsbreytingar, eftir auglýsingu, sem tekur til þéttbýlisins í Reykholti. Suðaustan við íbúðarbyggðina við Tungurima hefur verið reist hreinsistöð fyrir fráveitu og borað eftir heitu vatni. Sveitarfélagið hyggst nýta vatnið fyrir ört stækkandi byggð í Reykholti og mögulega bora fleiri holur í framtíðinni ef þörf verður á meira af heitu vatni. Í breyttu deiliskipulagi er núverandi lóð fyrir hreinsivirkið stækkuð og heimilað að nýta jarðhita innan hennar og vera með þau mannvirki sem þarf í tengslum við þá vinnslu. Umsagnir bárust á auglýsingatíma og eru þær lagðar fram við afgreiðslu málsins.
Sveitarstjórn Bláskógabyggðar samþykkir framlagt deiliskipulag eftir auglýsingu. Sveitarstjórn telur að brugðist hafi verið við umsögnum sem bárust vegna málsins með fullnægjandi hætti innan gagnanna. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.


-liður 5, Fell L177478; Borholur neysluvatns; Framkvæmdarleyfi - 2602058
Lögð er fram umsókn um framkvæmdaleyfi sem tekur til hluta jarðarinnar Fells, L177478, í Bláskógabyggð. Framkvæmdin felur í sér að bora rannsóknarholur eftir neysluvatni.
Sveitarstjórn Bláskógabyggðar gerir ekki athugasemd við útgáfu framkvæmdaleyfis á grundvelli 5. mgr. 13. gr. skipulagslaga nr. 123/2010 og felur skipulagsfulltrúa útgáfu leyfisins.


-liður 6, Lækjarbraut 3 L167474; Ósk um undanþágu; Fyrirspurn - 2602070
Lögð er fram umsókn er varðar Lækjarbraut 3, L167474. Í umsókninni er óskað eftir undanþágu frá 5.3.2.14. gr. skipulagsreglugerðar nr. 90/2013 vegna fyrirhugaðrar viðbyggingar við núverandi frístundahús á lóðinni. Fyrirhugað er að reisa viðbyggingu við núverandi hús, sem mun ekki færa bygginguna nær vatni en núverandi bygging stendur. Lóðin er innan gildandi deiliskipulags, þar sem byggingarreitur er skilgreindur utan 50 m markalínu frá vatnsbakka, en núverandi hús stendur innan þeirrar fjarlægðar.
Sveitarstjórn Bláskógabyggð hafnar erindinu þar sem að deiliskipulag fyrir svæðið er í vinnslu.

Fundargerðin var lögð fram til kynningar hvað aðra liði varðar.

Fundargerðin var lögð fram til kynningar.

-liður 1, ráðning veitustjóra 260149, tillaga framkvæmda- og veitunefndar um að Ólafi Jósef Ólafssyni verði boðin staða veitustjóra. Sveitarstjóri fór yfir ráðningarferilinn. Staðan var auglýst í febrúar. Sjö umsóknir bárust um starfið og var fimm umsækjendum boðið í viðtal. Tvær umsóknir voru dregnar til baka. Viðtöl önnuðust Kristófer A. Tómasson, sviðsstjóri, Ásta Stefánsdóttir, sveitarstjóri og Geirlaug Jóhannsdóttir, frá Hagvangi. Benedikt Skúlason, veitustjóri, tók þátt í seinni umferð viðtala sem tveir umsækjenda mættu í. Yfirlit sveitarstjóra varðandi ferilinn og hæfni umsækjenda fylgdi gögnum málsins, ásamt umsóknum og gögnum um viðtöl og umsagnir. Sveitarstjórn fór vandlega yfir fyrirliggjandi gögn. Sveitarstjóri fór yfir ráðningarferlið, viðtöl, yfirferð gagna og könnun umsagna og þar með almenna hæfni umsækjenda til að gegna stöðunni. Eftir að hafa metið ítarlega fyrirliggjandi gögn er það niðurstaða sveitarstjórnar að samþykkja samhljóða tillögu framkvæmda- og veitunefndar um að Ólafi Jósef Ólafssyni verði boðið starf veitustjóra.
-liður 2, starfsmannahald Bláskógaveitu, 2602045, tillaga framkvæmda- og veitunefndar um að bætt verði við einu stöðugildi í Bláskógaveitu, þannig að starfsmenn verði þrír. Sveitarstjórn samþykkir tillögu framkvæmda- og veitunefndar samhljóða. Gert er ráð fyrir kostnaði í viðauka við fjárhagsáætlun sem liggur fyrir fundinum, sjá lið 24.

Fundargerðin var lögð fram til kynningar.

-liður 2, merkjalýsingar og lóðamál. Tillaga stjórnar UTU til aðildarsveitarfélaga UTU um að skipulagsfulltrúi UTU fái umboð til að undirrita, fullgilda og ljúka við alla nauðsynlega skjalagerð í tengslum við merkjalýsingar þar sem aðildarsveitarfélögin eru landeigendur. Sveitarstjórn Bláskógabyggðar samþykkir samhljóða að veita Sigríði Kristjánsdóttur, skipulagsfulltrúa, umboð til að undirrita, fullgilda og ljúka við alla nauðsynlega skjalagerð í tengslum við merkjalýsingar þar sem Bláskógabyggð er landeigandi.
Fundargerðin var lögð fram til kynningar hvað aðra liði varðar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Sara og Freyja Gunnarsdætur komu inn á fundinn, ásamt Halldóri Brynjari Halldórssyni, lögmanni. Kynntu Sara og Freyja hugmyndir sínar um uppbyggingu á lóðinni og Halldór Brynjar fór yfir sjónarmið um gildi lóðarleigusamnings.

Fyrir liggur kauptilboð í fasteignina Hrísholt 3a, Laugarvatni, að fjárhæð kr. 44.500.000. Sveitarstjórn samþykkir töku tilboðsins.

Sveitarstjórn samþykkir samhljóða að kjósa Evu Hálfdanardóttur til setu í yfirkjörstjórn, en Eva var áður varamaður í yfirkjörstjórn. Kristófer A. Tómasson, sem var aðalmaður í yfirkjörstjórn, verði varamaður.
Hildur Hálfdanardóttir vék af fundi við afgreiðslu málsins.

Fundarboðið var lagt fram. Sveitarstjórn tilnefnir Helga Kjartansson, oddvita, sem fulltrúa á aðalfundinn.

Sveitarstjórn tilnefnir Ástu Kristjönu Guðjónsdóttur og Ólöfu Sólveigu Björnsdóttur til setu í vinnuhópnum. Skólastjóri Bláskógaskóla tilnefnir fulltrúa skólans til setu í hópnum.
Ásta Kristjana kalli hópinn saman til fundar.

Erindið var lagt fram.

Erindið var lagt fram. Óskað er eftir að veittur verði fjárstyrkur til að standa straum af kostnaði. Sveitarstjórn samþykkir að styrkja verkefnið um 100.000 kr. Kostnaður rúmast innan fjárhagsáætlunar.

Sveitarstjórn felur sveitarstjóra að afgreiða erindið í samræmi við reglur sveitarfélagsins.

Sveitarstjórn sér sér ekki fært að verða við erindinu, en bendir umsækjanda á að sækja um styrk samkvæmt reglum um styrki til veghalds í frístundabyggðum.

Tilboð í gatnagerð Kotstún/Fálkamýri á Laugarvatni hafa verið yfirfarin og er tilboð lægstbjóðanda, Íshnits ehf gilt. Sveitarstjórn samþykkir að taka tilboðinu.
Stefanía Hákonardóttir vék af fundi við afgreiðslu málsins.

Sjá lið 20 á dagskrá fundarins.

Sveitarstjórn samþykkir að lóðinni verði skilað. Sveitarstjóra er falið að auglýsa hana lausa til úthlutunar á ný.

Drög að kaupsamningi eru lögð fram, þar sem Bláskógabyggð kaupir eignarhlut Grímsnes- og Grafningshrepps, Hrunamannahrepps og Skeiða- og Gnúpverjahrepps í jörðinni Laugarási og hlunnindum sem jörðinni fylgja. Lóðarleigusamningar um lóðir úr landi Laugaráss halda gildi sínu. Matsverð jarðarinnar er 280.000.000 kr og greiðir Bláskógabyggð samtals 187.040.000 kr fyrir hlut hinna sveitarfélaganna.
Sveitarstjórn samþykkir samninginn samhljóða og felur Helga Kjartanssyni, oddvita, að undirrita hann og önnur gögn tengd sölunni. Gert er ráð fyrir kostnaði við kaupin í viðauka við fjárhagsáætlun sem liggur fyrir fundinum, sjá 24. lið.

Lagður var fram viðauki við fjárhagsáætlun. Áhrif viðauka eru þau að rekstrarniðurstaða samstæðu breytist þannig að afgangur af rekstri lækkar um 8,4 millj.kr. Fjárfestingar hækka um 187.040.000 kr og er mætt með lántöku, 190.000.000 kr og lækkun á handbæru fé um 5.440.000 kr.
Sveitarstjórn samþykkir viðaukann samhljóða.

Lagt var fram yfirlit yfir útsvarstekjur ársins 2026.

Erindið var lagt fram. Sveitarstjórn samþykkir að vísa málinu til næstu endurskoðunar aðalskipulags, þar sem um stefnumarkandi ákvörðun væri að ræða.

Umsögn stjórnar Samtaka orkusveitarfélaga er lögð fram, ásamt frumvarpsdrögunum.

Lagt fram til kynningar.