Sveitarstjórn Bláskógabyggðar

-liður 2, Stekkjarbraut 12 L195709; Rekstrarleyfi í flokki II; Skilmálabreyting; Deiliskipulagsbreyting 2607010
Lögð er fram umsókn sem tekur til Stekkjarbrautar 12 L195709 í Bláskógabyggð. Í breytingunni felst að heimilt verði að stunda rekstrarleyfisskylda útleigu í flokki II á lóðinni.
Sveitarstjórn Bláskógabyggðar samþykkir breytingu á deiliskipulagi Stekkjarbrautar 12 L195709 í Bláskógabyggð með fyrirvara um samþykki allra sumarhúseigenda innan frístundasvæðisins Helludalur F103. Eftir að samþykki allra lóðarhafa liggur fyrir skal breytingin unnin í samræmi við 1. mgr. 43. gr. skipulagslaga. Samkvæmt heimildum innan kafla 2.3.2 innan aðalskipulags Bláskógabyggðar 2015-2027 er útleiga sumarhúsa heimil á grundvelli reglugerðar um veitingastaði, gististaði og skemmtanahald með þeim takmörkunum að samþykki eigenda sumarhúsa á svæðinu þurfi að liggja fyrir komi fram ósk um atvinnurekstur.
-liður 3, Fremstaver L238156; Lagning háspennustrengs frá Kjalveg að Fremstaveri; Framkvæmdarleyfi 2608033
Lögð er fram umsókn um framkvæmdaleyfi vegna Fremstavers L238156 í Bláskógabyggð. Framkvæmdin felur í sér lagningu um 3.000 metra langs háspennustrengs frá Kjalvegi við Grjótá að Fremstaveri.
Sveitarstjórn Bláskógabyggðar gerir ekki athugasemd við útgáfu framkvæmdaleyfis á grundvelli 5. mgr. 13. gr. skipulagslaga nr. 123/2010. Þar sem engir aðrir hagsmunaaðilar eru innan svæðisins sem framkvæmdin tekur til en umsækjandi er ekki talin þörf á grenndarkynningu. Skipulagsfulltrúa er falin útgáfa framkvæmdaleyfisins.
-liður 4, Lyngbraut 5 L190167; Stækkun heimtaugar; Framkvæmdarleyfi 2608034
Lögð er fram umsókn um framkvæmdaleyfi vegna Lyngbrautar 5, L190167, í Bláskógabyggð. Framkvæmdin felur í sér stækkun heimtaugar að Lyngbraut 5 og vegna þess þarf að svera upp streng sem liggur frá Biskupstungnabraut meðfram Lyngbraut á um 250 metra kafla.
Sveitarstjórn Bláskógabyggðar samþykkir útgáfu framkvæmdaleyfis á grundvelli 13. gr. skipulagslaga nr. 123/2010. Skipulagsfulltrúa er falin útgáfa leyfisins.

Fundargerðin var lögð fram til kynningar hvað aðra liði varðar.

Fundargerðin var lögð fram til kynningar.

Fundargerðirnar voru lagðar fram til kynningar.

Fundargerðin var lögð fram til kynningar.

Fundargerðin var lögð fram til kynningar.

Sveitarstjórn samþykkir endurskoðaða persónuverndarstefnu.

Fundargerðirnar voru lagðar fram til kynningar.

Lóðin hefur verið auglýst laus til umsóknar og ein umsókn borist. Sveitarstjórn samþykkir að úthluta lóðinni til Bjarna D. Daníelssonar og Helgu Kristínar Sæbjörnsdóttur.

Af hálfu Norðanmanna ehf er óskað eftir heimild til að skila lóðinni Brekkuholti 9. Sveitarstjórn samþykkir erindið og felur sveitarstjóra að auglýsa lóðina til úthlutunar að nýju.

Tillaga að útfærslu á opnunartíma fyrir Bláskógaskóla og fyrir almenna notkun hefur verið kynnt skólameistara. Sveitarstjóra er falið að vinna málið áfram.

Árshlutayfirlit var lagt fram. Björgvin Guðmundsson, fjármálastjóri, kom inn á fundinn og svaraði spurningum fundarmanna.

Lögð var fram eftirfarandi samantekt vegna árshlutayfirlits 1. janúar til 30. júní 2026

Árshlutayfirlit Bláskógabyggðar fyrir fyrstu sex mánuði ársins 2026 sýnir jákvæða rekstrarniðurstöðu A- og B-hluta að fjárhæð 105,8 m.kr., samanborið við 92,3 m.kr. samkvæmt fjárhagsáætlun tímabilsins.
Rekstrartekjur A- og B-hluta námu samtals 1.524,5 m.kr., en rekstrargjöld, að meðtöldum afskriftum, námu um 1.332,9 m.kr. Fjármagnsliðir voru neikvæðir um 75,8 m.kr.
Rekstrarniðurstaða A-hluta var jákvæð um 1,4 m.kr., en áætlun gerði ráð fyrir 17,0 m.kr. jákvæðri niðurstöðu. A-hluti er því um 15,6 m.kr. undir áætlun.
Handbært fé frá rekstri nam 423,7 m.kr. á tímabilinu.
Fjárfestingar í varanlegum rekstrarfjármunum námu um 327,9 m.kr.
Tekin voru ný langtímalán að fjárhæð 400 m.kr., en afborganir langtímalána námu um 101,6 m.kr.
Handbært fé í lok júní var 322,1 m.kr.
Heildareignir sveitarfélagsins voru 5.030,2 m.kr. í lok júní. Eigið fé nam 2.292,0 m.kr. og skuldir og skuldbindingar samtals 2.738,2 m.kr.
Í heild má segja að rekstur samstæðu sveitarfélagsins sé í góðu jafnvægi eftir fyrstu sex mánuði ársins og niðurstaða A- og B-hluta sé nokkuð betri en fjárhagsáætlun gerði ráð fyrir.

Yfirlitið var lagt fram.

Lagður var fram viðauki við fjárhagsáætlun Bláskógabyggðar. Sveitarstjórn samþykkir viðaukann samhljóða. Áhrif viðaukans eru þau að rekstrarútgöld hækka nettó um 17,7 mkr., fjárfesting hækkar um 154,3 mkr. Útgjaldaauka, samtals 172 mkr., er mætt með hækkun á lántöku um 100 mkr. og lækkun á handbæru fé um 72 mkr.

Sveitarstjórn veitir jákvæða umsögn um rekstrarleyfisumsóknirnar.

Óskað er eftir almennri umsögn sveitarfélagsins fyrir 18. september n.k. Sveitarstjórn vísar málinu til umsagnar í umhverfisnefnd. Sveitarstjórn samþykkir að taka málið fyrir að nýju á næsta fundi sem haldinn verður 16. september n.k.

Úrskurðurinn var lagður fram til kynningar.