Sveitarstjórn Bláskógabyggðar

-liður 3, Snorrastaðir L168101; Afmarkaðar 4 lóðir og skilmálar; Deiliskipulagsbreyting - 2606062
Lögð er fram tillaga deiliskipulagsbreytingar, eftir auglýsingu, sem tekur til Snorrastaða, L168101 í Bláskógabyggð. Í breytingunni felst að afmarkaðar eru 4 lóðir og settir byggingarskilmálar í samræmi við stefnu aðalskipulags fyrir frístundabyggð. Svæðið sem breytingin nær til er 2,3 ha. Umsagnir og athugasemdir bárust á auglýsingatíma og eru þær lagðar fram við afgreiðslu málsins ásamt viðbrögðum við þeim.
Sveitarstjórn Bláskógabyggðar samþykkir framlagt deiliskipulag eftir auglýsingu. Sveitarstjórn telur að brugðist hafi verið við umsögnum sem bárust vegna málsins með fullnægjandi hætti innan gagnanna. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Húsnæðis-, mannvirkja- og skipulagsstofnunar í samræmi við 42. gr. skipulagslaga nr. 123/2010.

-liður 4, Litla-Fljót 1 L167148, Litla-Fljót 2 L167149 og Litla-Fljót 3 L209360; Landsskipti og breyting lóðar - 2605030
Lögð er fram umsókn ásamt merkjalýsingu dags. 06.01.2026, skv. reglugerð um merki fasteigna 160/2024 er varðar stofnun nýrrar lóðar. Óskað er eftir að stofna fjórar nýjar lóðir, Litla - Fljót 5, Litla - Fljót 6, Litla - Fljót 7 og Litla - Fljót 8 sameignarland úr landi Litla - Fljóts 1 L167148 og úr landi Litla - Fljóts 2 L167149. Einnig er óskað eftir breytingu á staðföngum Litla - Fljóts 1 og Litla - Fljóts 2, að þessar tvær landeignir skipti um staðföng.
Sveitarstjórn gerir ekki athugasemd við fyrirliggjandi merkjalýsingu og samþykkir erindið án athugasemda.

-liður 5, Skálabrekkugata 3 L172580; Byggingarmagn aukið; Deiliskipulagsbreyting - 2608094
Lögð er fram tillaga óverulegrar deiliskipulagsbreytingar sem tekur til Skálabrekkugötu 3 L172580. Í breytingunni felst að nýtingarhlutfall lóðarinnar verði 0,03 og heimilt verður að byggja 80 m² gestahús á lóðinni. Til vara er óskað eftir að núverandi 400 m² byggingaheimild verði skipt þannig að heimilt verði að byggja 180 m² íbúðarhús, 140 m² skemmu og 80 m² gestahús.
Sveitarstjórn Bláskógabyggðar samþykkir að bætt verði við 80 fm gestahúsi við núverandi byggingarheimildir deiliskipulagsins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.

-liður 6, Laugarvatn L224243; Hleðslustöð á tjaldstæði, afmörkuð lóð; Deiliskipulagsbreyting - 2606052
Lögð er fram tillaga deiliskipulagsbreytingar, eftir auglýsingu, sem tekur til tjaldstæðis á Laugarvatni, L224243, í Bláskógabyggð. Í breytingunni felst að við aðkomu að tjaldstæðinu er afmörkuð lóð þar sem heimilt er að vera með rafhleðslustæði, og svæði fyrir hestagerði er fært fjær Laugarvatnsvegi. Umsagnir og athugasemdir bárust á auglýsingatíma og eru þær lagðar fram við afgreiðslu málsins ásamt viðbrögðum við þeim.
Sveitarstjórn Bláskógabyggðar samþykkir framlagt deiliskipulag eftir auglýsingu. Sveitarstjórn telur að brugðist hafi verið við umsögnum sem bárust vegna málsins með fullnægjandi hætti innan gagnanna. Sveitarstjórn mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð HMS í samræmi við 42. gr. skipulagslaga nr. 123/2010.

Fundargerðin var lögð fram til kynningar hvað aðra liði varðar.

-liður 6, 2609001 Hönnun vatnsveitu frá Fljótsbotnum. Sveitarstjórn samþykkir tillögu framkvæmda- og veitunefndar um að haldið verði áfram með undirbúning og hönnun á styrkingu kaldavatnsveitunnar í Fljótsbotnum. Ljóst er að þörf er á aukni vatnsmagni til þess að byggð og atvinnurekstur geti haldið áfram að vaxa. Sveitarstjóra og sviðsstjóra framkvæmda- og veitunsviðs er falið að leggja fram tillögu að tilhögun að hönnun. Gert verði ráð fyrir kostnaði við verkefnið í fjárhagsáætlun næsta árs.

Fundargerðin var lögð fram til kynningar hvað aðra liði varðar.

-liður 3, Erindisbréf skólanefndar 2020 - 2004012, sveitarstjórn samþykkir tillögu nefndarinnar um að að erindisbréf skólanefndar verði endurskoðað. Sveitarstjóra er falið að leggja fram endurskoðað erindisbréf.
-liður 8, Reglur um stuðning við nema í leikskólakennarafræðum - 2306041, sveitarstjórn samþykkir tillögu skólanefndar um að reglurnar verði endurskoðaðar.
-liður 9, Umsókn um stuðning vegna náms í leikskólakennarafræðum skólaárið 2026-2027 - 2608035, sveitarstjórn samþykkir erindið, enda tekur það til náms sem er sambærilegt við það nám sem fjallað er um í reglum um stuðning við nema í leikskólakennarafræðum.

-liður 10, Umsókn um stuðning vegna náms í leikskólakennarafræðum skólaárið 2026-2027 - 2608036, sveitarstjórn samþykkir erindið, enda fellur það að reglum um stuðning við nema í leikskólakennarafræðum.
-liður 11, Umsókn um stuðning vegna náms í leikskólakennarafræðum skólaárið 2026-2027 - 2608037, Áslaug Alda Þórarinsdóttir vék af fundi. Sveitarstjórn samþykkir erindið, enda fellur það að reglum um stuðning við nema í leikskólakennarafræðum.
Kostnaður vegna fjarveru umsækjenda í málum nr. 9-11 þegar um námslotur er að ræða, rúmast innan fjárhagsáætlunar.

Fundargerðin var lögð fram til kynningar hvað aðra liði varðar.

Fundargerðirnar voru lagðar fram til kynningar.

Fundargerðin var lögð fram til kynningar.

Fundargerðirnar voru lagðar fram til kynningar.

Fundargerðin var lögð fram til kynningar.

Rakel fór yfir helstu verkefni sem hún hefur unnið að síðasta árið og þau verkefni sem framundan eru og svaraði spurningum fundarmanna. Rakel vék af fundi að því loknu.

Nanna kom inn á fundinn og fór yfir uppbyggingu Umhverfis- og tæknisviðs uppsveita bs og ýmis verkefni sviðsins og svaraði spurningum fundarmanna. Nanna vék af fundi að því loknu.

Erindið var lagt fram. Sveitarstjórn samþykkir samhljóða að veita umbeðinn styrk. Kostnaður rúmast innan fjárhagsáætlunar.

Kristján Einir Traustason vék af fundi. Styrkbeiðnin Guðrúnar Ernu Þórisdóttur var lögð fram. Kristín María Kristjánsdóttir mun keppa fyrir hönd Íslands á Evrópumótinu í hópfimleikum. Sveitarstjórn samþykkir samhljóða 30.000 kr styrk. Kostnaður rúmast innan fjárhagsáætlunar.

Erindið var lagt fram. Sveitarstjórn tekur jákvætt í að þróa verkefnið áfram með SASS.

Endurnýja þarf umboð starfshóps eftir sveitarstjórnarkosningarnar í maí. Sveitarstjórn tilnefnir eftirtalda til setu í starfshópnum:
Helga Kjartansson, Stefaníu Hákonardóttur, Kristján Eini Traustason, Grím Kristinsson og Önnu Gretu Ólafsdóttur.

Starfsmenn sveitarfélagsins verði kallaðir til eftir þörfum. Sveitarstjóra er falið að útbúa erindisbréf vegna starfshópsins.

Anna Greta og Valdís María óskuðu eftir að bókað yrði að það væri miður að Þ-listinn fái ekki tvo fulltrúa í starshópnum.

Endurnýja þarf umboð starfshóps eftir sveitarstjórnarkosningarnar í maí. Sveitarstjórn tilnefnir eftirtalda til setu í starfshópnum:
Helga Kjartansson, Stefaníu Hákonardóttur, Kristján Eini Traustason, Grím Kristinsson og Önnu Gretu Ólafsdóttur.

Starfsmenn sveitarfélagsins verði kallaðir til eftir þörfum. Sveitarstjóra er falið að útbúa erindisbréf vegna starfshópsins.

Anna Greta og Valdís María óskuðu eftir að bókað yrði að það væri miður að Þ-listinn fái ekki tvo fulltrúa í starshópnum.

Björgvin kom inn á fundinn. Rætt var um forsendur fjárhagsáætlunar og tímalínu áætlunarvinnunnar. Björgvin vék af fundi að því loknu.

Sveitarstjórn samþykkir samninginn samhljóða.

Sveitarstjórn samþykkir samhljóða að fela sveitarstjóra að ganga frá nýjum samningi við Menntaskólann að Laugarvatni um bókasafnsþjónustu við leik- og grunnskóla og opnun bókasafns fyrir almenning. Miðað er við að samningurinn gildi frá 1. október n.k.

Tillaga forstöðumanns íþróttamannvirkja var lögð fram. Rætt var um lengdan opnunartíma íþróttamannvirkja. Sveitarstjórn tekur jákvætt í breytingarnar og samþykkir að tillögur forstöðumanns um aukna opnun verði útfærðar nánar.

Anna Greta óskaði eftir að bókað yrði að hún telji rétt að hafa opið til kl 21 um helgar og til kl 22 á virkum dögum.

Sveitarstjórn Bláskógabyggðar hefur fengið til umsagnar frá Faghópi 3 í rammaáætlun, með tveimur bréfum dagsettum 25.08.2006, vindorkuhugmyndir sem eru til umfjöllunar í 6. áfanga rammaáætlunar, varðandi Mosfellsheiðarvirkjanir I og II, sem yrði staðsett í Grímsnes- og Grafningshreppi og í Sveitarfélaginu Ölfusi, og Hrútmúlavirkjun, sem staðsett yrði í Skeiða- og Gnúpverjahreppi. Óskað er eftir almennri umsögn sveitarfélagsins um samfélagsleg áhrif fyrirhugaðra vindorkuhugmynda. Faghópurinn óskar sérstaklega eftir formlegri afstöðu sveitarfélagsins og rökstuðningi hennar, meðal annars með hliðsjón af samheldni samfélags, orkuöryggi, efnahagslegum ávinningi nærsamfélags, innviðauppbyggingu og skynrænu áreiti.
Jafnframt hefur sveitarstjórn borist tilkynning, dags. 9. september 2026, um að tillaga um virkjanahugmyndir í verndarflokk og átta verndarsvæði hafi verið sett í Samráðsgátt stjórnvalda.
Af hálfu Bláskógabyggðar er bent á að ekki hefur verið sýnt fram á efnahagslegan ávinning nærsamfélagsins af raforkuframleiðslu og flutningi raforku. Þá verður að gæta að þeim áhrifum sem vindorkuver af þessari stærðargráðu geta haft á aðra atvinnustarfsemi, svo sem ferðaþjónustu, en mannvirki þessi geta haft veruleg áhrif á ásýnd stórs landsvæðis. Vísað er til þess sem tilgreint er hér að aftan varðandi áhrif á viðerni, útivistarsvæði og lítt snortna náttúru.
Af hálfu Bláskógabyggðar eru ítrekaðar áður samþykktar athugasemdir við áform um Mosfellsheiðarvirkjun I og II. Eftirfarandi umsögn var skilað inn á Samráðsgátt stjórnvalda í máli nr. S-229/2024 þegar drög að flokkun tíu vindorkukosta voru til umsagnar í Samráðsgátt stjórnvalda: Báðum þessum verkefnum er ætlaður staður nærri sveitarfélagamörkum, annars vegar mörkum Bláskógabyggðar og Grímsnes- og Grafningshrepps (Mosfellsheiðarvirkjun I) og hins vegar nærri mörkum Bláskógabyggðar og Sveitarfélagsins Ölfuss (Mosfellsheiðarvirkjun II). Í báðum tilvikum háttar þannig til að sjónrænna áhrifa verkefnanna gætir að mun meira leyti í Bláskógabyggð en í sveitarfélögunum þar sem hugmyndir eru um að vindorkuverkefnin rísi.
Af hálfu Bláskógabyggðar er tekið undir umsögn Margrétar Sveinbjörnsdóttur, sem veitt var á fyrri stigum, þ.e. í máli nr. S-229/2024, umsögn Margrétar er nr. 47 á Samráðsgáttinni í því máli) og bent á neikvæð áhrif á eftirtalda þætti:
- Heiðina sem víðerni: Vindmyllugarður myndi sjást víða að, þar með talið frá þjóðgarðinum á Þingvöllum, Mosfellsheiði og Nesjavallaleið. Sú sjónmengun myndi óhjákvæmilega spilla upplifun ferðamanna af heiðinni sem víðerni.
- Heiðina sem útivistarsvæði: Um hana liggja fjölmargar gamlar þjóðleiðir, þar sem vaxandi fjöldi fólks nýtur þess að fara um gangandi, á hestum, reiðhjólum, skíðum og vélsleðum. Á fyrirhuguðu virkjunarsvæði eru þjóðleiðirnar Grafningsleið (sjá leiðarlýsingu í bókinni Mosfellsheiðarleiðir (útg. Ferðafélag Íslands, 2019), bls. 20?24, og Laufdælingastígur (bls. 76 til 81 í sömu bók) og meðfram þeim nokkrar vörður og vörðubrot.
- Dýralíf: Sérstaklega fuglalíf á heiðinni og sauðfé sem þar sækir sumarbeit.
- Myrkurgæði: Heiðin er vinsæll áningarstaður í norðurljósaskoðunarferðum að vetrarlagi og ljósmengun frá vindorkuverum myndi augljóslega spilla fyrir slíku.
- Lítt snortna náttúru: Ljóst er að vindorkuverum fylgir mikið jarðrask, ekki aðeins á framkvæmdasvæðinu sjálfu, heldur einnig með lagningu vega að svæðinu. Ennfremur eru örplastmengun og hljóðmengun áhættuþættir.
Þá er, hvað varðar Mosfellsheiðarvirkjun I og II, áréttað að ekki verður framhjá því litið að Þingvellir eru friðlýstur helgistaður og sameiningartákn íslensku þjóðarinnar og einn af fjölsóttustu ferðamannastöðum landsins. Mikilvægt er að horfa til þess þegar teknar eru ákvarðanir um framkvæmdir sem geta spillt upplifun Íslendinga og gesta sem sækja staðinn heim.
Sveitarstjórn Bláskógabyggðar leggur áherslu á að almenn þörf samfélagsins fyrir aukna raforku geti ekki ein og sér réttlætt einstaka virkjunarkosti. Meta verði hvert verkefni út frá staðsetningu þess, áhrifum á fólk og atvinnustarfsemi, samfélagslegri sátt og því hvort sanngjarnt jafnvægi sé milli þess ávinnings sem verkefnið skapar og þeirra byrða sem nærsamfélagið ber. Þá áréttar sveitarstjórn að það sé forsenda fyrir því að sátt náist um uppbyggingu orkumannvirkja að ákvörðun verði tekin um hlutdeild sveitarfélaga í tekjum af orkumannvirkjum, þannig að sanngjarnt jafnvægi sé á milli ávinnings verkefnisins og þeirra byrða sem nærsamfélagið ber.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.