- fundur sveitarstjórnar Bláskógabyggðar þriðjudaginn 1. febrúar 2005, kl. 13:30,
í Fjallasal, Aratungu.
Mætt voru:
Sveinn A. Sæland, Margeir Ingólfsson, Snæbjörn Sigurðsson, Sigurlaug Angantýsdóttir, Drífa Kristjánsdóttir, Kjartan Lárusson, Margrét Baldursdóttir og Ragnar Sær Ragnarsson sem ritaði fundargerð.
- Þriggja ára fjárhagsáætlun Bláskógabyggðar 2006 - 2008, síðari umræða. Áætlunin var kynnt og staðfest.
- Atvinnuuppbygging í Bláskógabyggð. Sveitarstjórn samþykkir að koma til móts uppbyggingu atvinnurekstrar á árinu 2005. Samþykkt að gatnagerðar-gjöld verði lækkuð (tímabundin afsláttur) til þeirra sem byggja nýtt húsnæði á iðnaðar - eða hesthúsasvæðum sveitarfélagsins. Átakið verði kynnt útávið sem vænlegur kostur til atvinnuuppbyggingar. Ljóst er að fjölmargir hafa flutt/eða búa í sveitarfélaginu vegna samspils byggðar við ósnortna náttúru. Til að koma til móts við þá aðila og aðra sem sýna uppbyggingu í sveitarfélaginu áhuga er samþykkt að lækka núverandi gjaldskrá um 50% til þeirra sem hefja framkvæmdir á árinu 2005 og ljúka þeim eigi síðar en 1. desember 2006.
- Gjábakkavegur. Lagt fram svar sveitarstjórnar vegna kæru þriggja aðila á úrskurð Skipulagsstofnunar um mat á umhverfisáhrifum Gjábakkavegar (365) Laugarvatn ? Þingvallasveit, Bláskógabyggð. Kynnt.
- Lánasjóður sveitarfélaga. Í samræmi við fjárhagsáætlun 2005 hefur verið leitað eftir tilboðum í lán fyrir sveitarfélagið á árinu 2005.
Sveitarstjórn Bláskógabyggðar samþykkir að taka lán hjá Lánasjóði sveitarfélaga að fjárhæð kr. 40.000.000. ? með allt að 4.15% föstum vöxtum og verðtryggt til 15 ára. Lánið mun hafa tryggingu í tekjum sveitarfélagsins vegna lántökunnar sbr. 3. mgr. 73. gr. sveitarstjórnarlaga nr. 45/1998. Lántakan er í samræmi við samþykkta fjárhagsáætlun sveitarstjórnar 2005 og er vegna nýbyggingar skóla. Samþykkt.
- Útboð vegna skólabygginga á Laugarvatni. Bjóðendur og verðtilboð kynnt. Samþykkt að byggingarnefnd gangi til samninga við lægstbjóðendur á grundvelli útboðsgagna.
- Fundargerð skipulagsnefndar frá 27. janúar 2005. Kynnt og staðfest.
- Lindin Laugarvatni. Rætt um sölu eignarinnar og stöðu þess máls. Bókun T -lista. Þann 1. júní samþykkti sveitarstjórn kauptilboð Ríkarðs Oddssonar í Lindina á Laugarvatni. Baldur Öxdal átti forkaupsrétt að eigninni og ákvað að nýta sér hann. Ekki hefur verið gengið frá kaupsamningi við Baldur þrátt fyrir samþykki sveitarstjórnar frá 1. júní 2004. T-listinn skorar á meirihlutann að standa við eigin samþykktir svo komist verði hjá hugsanlegum skaðabótakröfum forkaupsréttarhafa
Bókun Þ-listans:
Vegna fyrirvara í kauptilboði er málið til meðferðar hjá Ólafi Björnssyni lögmanni sveitarfélagsins. Beðið er eftir áliti hans.
- Kaup á húsnæði KB-banka, Laugarvatni. Sveitarfélagið hefur komist að samkomulagi við eigendur húsnæðis KB-banka á Laugarvatni um kaup á húsnæði bankans. Ljóst er að veruleg þörf er á auknu húsrými fyrir byggingar- og skipulagsfulltrúa á Laugarvatni en þar hafa skapast þrjú ný störf, öll á síðustu árum. Þá er nauðsynlegt að tryggja áfram gott aðgengi að heilsugæsluþjónustu á Laugarvatni og eru kaupin m.a. gerð með þetta í huga. Kaupverð er kr. 4.000.000.- og er það fjármagnað með hagstæðu láni frá KB- banka til 12 ára. Lántakan bókast sem breyting á fjárhagsáætlun ársins 2005.
Næsti fundur sveitarstjórnar verður miðvikudaginn 9. mars 2005, kl. 13:30.
Fundi slitið kl. 17:00
